ESDRAS 9:13 - Biblia Guarani Tumpa Iñee

¹³ Ërei opaete kuae mbaembae oasa ore ndive orereko ikavimbae jeko pegua, jare oreyoa yae jeko pegua, nde oreTumpa mbaetɨ reiporarauka oreve orereko kavimbae rupi etei, remaeño mbovɨ roikove vaerä.

ESDRAS 9:13 ပူးပေါင်းရင်းမြစ်များ

NEHEMÍAS 13:18

Körai etei ko peru reta oyapo vi, jáeramo ko Tumpa ombou jeta mbaesusere yanderé jare kuae tëta re. ¿Peipota vɨteriño pemoïru ye Tumpa iyarasɨ kuae Israel re, pemboeteä ramboeve ara mbutuu?

NEHEMÍAS 9:32

Jáeramo, oreTumpa, Tumpa tuicha yae vae, imbaepuere yae vae, kɨɨyea yae vae, iporoparareko avei vae, jare ombopo iñee oñererökuavee mbae oyapo vaerä yave vae, agüɨye emaeiño oreruvicha guasu reta, oreruvicha reta, oresacerdote reta, neñeemombeúa reta, oreñemuñagüe reta jare opaete vae oiporara vae re, arakae mburuvicha guasu Asiria pegua reta yogüɨreko güive añave regua.

JOB 11:6

Jare omombeu ndeve yaikuaa rapembae vae, arakuaa katu regua, echa jókuae arakuaa katu oyapɨraa ye ko mbaeyekou reta jepɨ yae vae. Jayave reikuaata Tumpa mbaetɨ ko oiporarauka ndeve mbaeyoa reyapo rami etei.

SALMOS 103:10

mbaetɨ vi oiporarauka yandeve, yandeyoa reta jare ikavimbae vae yayapogüe oï rupi;

LAMENTACIONES 3:22

YandeYa iporoparareko jeko pegua mbaetɨ opa ñakañɨtei, echa mbaetɨi opa iporoparareko.

HABACUC 3:2

CheYa Tumpa, aendu nderegua, jare opaete reyapogüe yave, chepɨakañɨ yae. Tenonde rupi mbae tuichagüe reyapo vae eyapo añave oreve, roikuaa vaerä vi. Eechauka oreve ndeporoparareko, yepe tëi ndearasɨ reve.

Gálatas 3:4

¿Peiporaraiño ma pa jeta mbaembae jayave? ¡Mbae mona agüɨye peiporaraiño!