ESDRAS 8:28 - Biblia Guarani Tumpa Iñee

²⁸ Jare jae chupe reta: “Pe reta peñeñono tee ko yandeYa pe, jökoraiño vi kuae tembiporu reta oñeñono tee ko. Korepoti jare oro jae ko mbota reta oñemee pɨa-kɨ̈reɨ ngatu reve yandeYa pe vae, ñaneñemuñagüe reta iTumpa.

ESDRAS 8:28 ပူးပေါင်းရင်းမြစ်များ

1 CRÓNICAS 23:28

jare yogüɨreko sacerdote Aarón taɨ reta jeia re mbaravɨkɨ Tumpa jo pegua pe, joka pe ani cuarto reta rupi jare yetɨo opaete tembiporu oñeñono tee vae re, jökorai vi opaete ïru mbaravɨkɨ tupao pegua.

1 CRÓNICAS 26:20

Levita reta güi, Ahías ipo pe opɨta oyangareko vaerä Tumpa jo pe mbaembae jepɨ vae re, jare mbaembae jepɨ vae oñeñono tee Tumpa peguarä vae oñeñovatúa re.

2 CRÓNICAS 24:14

Jare opa oyapo reta yave güeru reta mburuvicha guasu pe jare Joiada pe korepoti jembɨregüe, jare jókuae jembɨregüe oyapo vaerä tembiporu reta korepoti pegua yandeYa jo pe oyeporu vaerä, angúa reta, kuchara reta, vaso reta oro pegua jare korepoti pegua reta. Jare omee reta mɨmba oyeyukagüe opaetei oyeapɨ vae ara ñavo yandeYa jo pe opaete ara Joiada oikove oiko ramboeve.

ESDRAS 8:27

jaeramiño vi veinte tasa guasu oro pegua, opaete reve juri kilo ipoɨ vae, jare mókoi vaso jiero iyu vae pegua, jembipe yae oro rami vae.

ÉXODO 35:29

Kuimbae jare kuña Israel iñemuña reta, oime kɨ̈reɨ ngatu güɨnoi oporomborɨ vaerä opaete mbaravɨkɨ pe vae, oyeapo vaerä yandeYa oyókuai Moisés vae, güeru reta mbota ipɨakavi reve yandeYa pe.

ISAÍAS 52:11

¡Pesɨrɨ, pesɨrɨ, peë jókuae Babilonia güi, agüɨye peyavɨkɨ mbae ikɨa Tumpa jóvai vae, peë joko güi; peyetɨo yandeYa jembiporu jerajaa reta!

NÚMEROS 7:13

Mbota güerugüe jae ko, metei ñae korepoti pegua, ipoɨgüe metei kilo y medio jare metei tasa guasu, ipoɨgüe seteciento setenta gramo, o mbaemboetea pe korepoti ipoɨ oñejäa rami; jare jókuae ñae jare tasa guasu tɨnɨe güeru trigokúi ipɨuasɨ vae olivo iasaite pe oyemómbɨu vae mbotarä;

DEUTERONOMIO 33:8

Leví iñemuña reta pe jei: “CheYa ndeTumim jare ndeUrim emee nderembiokuai jupi vae pe, Masah pe rejäa vae, reyomboarasɨ jae ndive ɨ Meriba pegua pe vae,