ESDRAS 8:22 - Biblia Guarani Tumpa Iñee

²² Echa che chemara aiporu mburuvicha guasu pe sundaro reta kavayu regua reta oreangareko vaerä tape rupi tovaicho reta güi, echa roe ko mburuvicha guasu pe: “Tumpa oepɨ ko opaete oyeko jese vae, ërei iyarasɨ jare imbaepuere oï ko mbaetɨ oyeko jese vae reta re.”

ESDRAS 8:22 ပူးပေါင်းရင်းမြစ်များ

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

2 CRÓNICAS 15:2

jare oë oövaiti Asa, jei chupe: “¡Peyeapɨsaka cheré Asa, Judá jare Benjamín pegua reta! YandeYa oïta pe reta ndive pe reta peï yave jae ndive. Pe reta peeka yave peväeta chupe, ërei peeya yave jae pereeyata vi.

2 CRÓNICAS 16:9

Echa yandeYa omae opaete ɨvɨ re, jae omborɨ ipɨa jupi rupi oiko chupe vae. ¡Kuae reyapo iyarakuaambae rami! Echa kuae güi tenonde kotɨ oimeta ndekotɨ jeta ñeraro.”

ESDRAS 7:28

Mburuvicha guasu jare imboarakuaa reta, jare opaete tëta itenondegua reta ombopɨakatu cheve, jare che añemoäta ngatu yandeYa imbaepuere rupi, amboatɨ opaete Israel iñemuña itenondegua reta yogüeru vaerä che ndive.”

ESDRAS 7:6

Kuae Esdras ou ye Babilonia güi. Jae ko mborookuai re oporomboe vae, oikuaa yae jese, yandeYa, Israel iTumpa omee Moisés rupi vae; jare mburuvicha guasu omee chupe opaete mbae oiporu vae, iYa Tumpa omborɨ ramo.

ESDRAS 7:9

Echa tenondegua ara tenondegua yasɨ pe omboɨpɨ oë reta Babilonia güi, jare tenondegua ara pandepoa yasɨ pe yogüeru oväe Jerusalén pe, Tumpa iporomborɨ rupi.

ESDRAS 8:31

Jare doce araa re tenondegua yasɨ pe roë ɨ̈aka Ahava güi rojo vaerä Jerusalén kotɨ; jare oreTumpa iporomborɨ oï ore ndive, orereepɨ tovaicho reta güi jare omaepɨ̈ro tape rupi vae reta ipo güi.

NEHEMÍAS 2:9

Javoi mburuvicha guasu omondo cherupíe sundaro kavayu regua reta juvicha reta ndive, jare aja aväe mburuvicha reta ɨ̈aka Éufrates jovaicho pe ñogüɨnoi vae pe, jare amee mburuvicha guasu itupapire chupe reta.

SALMOS 20:8

Jae reta ipɨtu jare oyepɨaka, ërei ore jekuaeñoi orepɨ̈rata royemboɨ roï.

SALMOS 34:22

Ërei yandeYa güɨroasayepe jembiokuai reta jekove, ¡ngaraa oiporara jese oyeko vae reta!

SALMOS 90:11

¿Kia pa oikuaa yavaete yae ko ndearasɨ vae? ¿Kia pa oikuaa kërai ko nde ndearasɨ yave vae?

LAMENTACIONES 3:25

YandeYa reño oyeko vae pe, jae ipɨakavi, jókuae jeseño oyemboya vae pe.

Romanos 8:28

Yaikuaa ko Tumpa omborɨ opaete mbaembae rupi, oaɨu Tumpa ramo, jae jemimbota rupi oyeparavo vae reta,

1 Corintios 9:15

Ërei che mbaetɨ etei kia chemborɨ vae. Mbaetɨ vi kuae aikuatía vae rupi aiporu aï peve chemborɨ vaerä. ¡Ikavi ko amano kia chemborɨmbae reve, echa jókuae ko jae cheyerovia!

2 Corintios 7:14

Echa chemiari kavi Tito pe peré vae re mbaetɨ chemara. Opaete roe peve vae añete ko. Jaeramiño vi Tito oikuaa ma añete ko jókuae che jae chupe peregua vae.

Hebreos 10:38

Tumpa ombojupi vae güɨnoita tekove oporogüɨrovia ramo; ërei oime yave kia opia, ngaraa chemboyerovia.”

JOSUÉ 22:16

—Opaete ore roe yandeYa imbae vae reta jee re körai: ¿Maera pa peyapo jupimbae Israel iTumpa kotɨ? ¿Maera pa pepia jare pemopüa mɨmba oyeyuka oyeapɨ jese vae, pepɨapochɨ yandeYa kotɨ reve?

JOSUÉ 23:16

perokomegua yave yandeYa Tumpa iporogüɨrökuavee päve rupi peokuai vae, peo jare pemboete yave tumpa ambuae reta, jare peyetavatɨka yave jae reta jóvai. Jayave yandeYa iyarasɨta pekotɨ, jare ɨmambae pekañɨteita kuae ɨvɨ kavi jae omee peve vae güi.”

1 Pedro 3:12

Echa yandeYa oyangareko jupi vae reta re, jare oyeapɨsaka avei oï iyerure reta re; ërei yandeYa iyarasɨ ko ikavimbae vae oyapo vae reta kotɨ.”