ESDRAS 8:17 - Biblia Guarani Tumpa Iñee

¹⁷ jare amondo reta tenondegua Iddo, Casifia pegua pɨri, jare amee chupe reta ñee imiari vaerä jae ndive, jare jëtara reta pe tupao guasu pe oyeokuai vae, Casifia pe ñogüɨnoi vae, güeru reta vaerä oremborɨ oreTumpa itupao guasu pe.

ESDRAS 8:17 ပူးပေါင်းရင်းမြစ်များ

2 SAMUEL 14:19

Jayave mburuvicha guasu oparandu chupe: —¿Joab ndeokuai kuae reyapo vaerä no? Jare jókuae kuña jei: —Eikove avei cheya jókuae rere vae añetete ko, nderembiokuai Joab ko chembou, jae ko jei cheve opaete kuae ñee reta jaegüe.

2 SAMUEL 14:3

Javoi ekua mburuvicha guasu jóvai, ere chupe che jaeta ndeve vae.” Javoi Joab jei chupe mbaembae ko jeita vae,

1 CRÓNICAS 9:2

Tenonde ete yogüeru ye iɨvɨ ae pe jare jëta guasu pe vae jae Israel iñemuña reta, sacerdote reta, levita reta jare tembiokuai tupao pe oyeokuai vae reta.

ESDRAS 2:43

Tupao guasu pe oyeokuai vae reta: Jae ko Ziha iñemuña reta, Hasufa iñemuña reta, Tabaot iñemuña reta,

ESDRAS 2:58

Opaete reve tupao guasu pe oyeokuai vae reta, jare Salomón jembiokuai iñemuña reta, tresciento noventa y dos.

ESDRAS 7:7

Jare jae ndive yogüeru amogüe Israel iñemuña sacerdote reta, levita reta, otairari vae reta, öke iyangarekoa reta, jare ïru tembiokuai reta oyeokuai tupao guasu pe vae, chiu añoa re ma Artajerjes oiko mburuvicha guasurä yave,

ESDRAS 8:16

Jayave amondo Eliezer, Ariel, Semaías, Elnatán, Jarib, Elnatán, Natán, Zacarías jare Mesulam, jae ko kuimbae tenondegua vae reta, jaeramiño vi Joiarib jare Elnatán kuimbae oporomboe vae reta,

ÉXODO 4:15

Nde nemiarita chupe opaete ñee reta; che ameeta peve peñeerä, pomboeta mbae ko peyapota vae re.

JEREMÍAS 1:9

Jayave yandeYa ombou ipo jare opoko cheyuru re, jei cheve: “Mase, ko añono cheñee reta ndeyuru pe.

JEREMÍAS 15:19

Jayave yandeYa jei cheve: “Reyerova ye yave chekotɨ, che romboresive yeta, javoi ndepuere reyeokuai cheve. Mbaetɨ yave nemiari miariiño, ikavi vae reño nemiari yave, nde reïta nemiari vaerä cheveguarä. Jae reta ko yogüeruta ndekotɨ, nde agüɨye ekua ikotɨ reta.

NÚMEROS 18:6

Echa, che ko aiparavo perëtara Leví iñemuña reta, Israel iñemuña reta ipɨte güi amee vaerä peve, oyeokuai reta vaerä tupao guakapi pegua pe;

DEUTERONOMIO 18:18

Cheñeemombeúa amopüata chupe reta, jëtara reta ipɨte güi oëta metei nde rami vae; che ameeta iñeerä jare imiarita chupe reta opaete che ayókuai rami.

Tito 1:5

Che roeya Creta pe reyapokatu vaerä opaete oata oyeapokatu vaerä vae, jare reñono vaerä oporogüɨrovia vae reta itenondegua retarä tëta guasu ñavo rupi che royókuai rami.