ESDRAS 7:28 - Biblia Guarani Tumpa Iñee

²⁸ Mburuvicha guasu jare imboarakuaa reta, jare opaete tëta itenondegua reta ombopɨakatu cheve, jare che añemoäta ngatu yandeYa imbaepuere rupi, amboatɨ opaete Israel iñemuña itenondegua reta yogüeru vaerä che ndive.”

ESDRAS 7:28 ပူးပေါင်းရင်းမြစ်များ

GÉNESIS 32:28

Jare jókuae kuimbae jei chupe: —Ngaraa ye ma nderee Jacob. Ndembojee retata Israel; echa reñoïraro ko Tumpa ndive jare kuimbae reta ndive, jare reporomoamɨri.

GÉNESIS 43:14

Jare Tumpa imbaepuere yae ete vae tomee mboroparareko jókuae kuimbae pe pekotɨ, jare toyora ye jókuae perɨkeɨ ïru jare kuae Benjamín pe tipɨakavi. Jare mbaetɨta ma cheraɨ reta oyembou ye chekotɨ yave, ¡jökorai toiko!

ESDRAS 5:5

Ërei yandeYa oï judío reta itenondegua reta ndive, jökorai tovaicho reta mbaetɨ omombɨtauka reta mbaravɨkɨ, oikuaauka regua kuae re Darío pe, jare jae ombou ye regua oikuaauka chupe reta tupapire rupi.

ESDRAS 7:14

Echa mburuvicha guasu jare chiu imboarakuaa reta ko ndemondo remae vaerä neTumpa iporookuai ndepo pe renoi vae jei rami, ɨvɨ Judá pegua reta re jare Jerusalén pegua reta re.

ESDRAS 7:6

Kuae Esdras ou ye Babilonia güi. Jae ko mborookuai re oporomboe vae, oikuaa yae jese, yandeYa, Israel iTumpa omee Moisés rupi vae; jare mburuvicha guasu omee chupe opaete mbae oiporu vae, iYa Tumpa omborɨ ramo.

ESDRAS 7:9

Echa tenondegua ara tenondegua yasɨ pe omboɨpɨ oë reta Babilonia güi, jare tenondegua ara pandepoa yasɨ pe yogüeru oväe Jerusalén pe, Tumpa iporomborɨ rupi.

ESDRAS 8:1

Kuae ko jae metei tëtara yogüɨreko vae itenondegua jee reta tupapire pe oyekuatía oï rami, che ndive ñogüɨnoe Babilonia güi vae, Artajerjes oiko mburuvicha guasurä yave:

ESDRAS 8:15

Amboatɨ reta ɨ̈aka ojo tëta Ahava kotɨ vae jembeɨ pe, jare royembojeyupa joko pe mboapɨ ara. Jare aeka levita reta, jeta vae reta jare jëtara sacerdote reta ipɨte pe, ërei mbaetɨ aväe.

ESDRAS 8:18

Jare güeru reta oreve oreTumpa imbaepuere rupi, metei kuimbae yarakuaa katu vae Serebías, Mahli iñemuña pegua, Mahli jae Leví iñemuña, jare Leví jae Israel taɨ; güeru reta taɨ reta ndive jare jëtara reta ndive, opaete reve dieciocho.

ESDRAS 9:9

Echa tembiokuairä roiko, ërei royeokuai pɨte pe nde oreTumpa mbaetɨ orereeya, nde oreparareko mburuvicha guasu reta Persia pegua jóvai, oremoäta ngatu romopüa pɨau ye vaerä tupao guasu oyemboai vae, ¡oreangareko Judá pe jare Jerusalén pe!

NEHEMÍAS 1:11

Romoñera cheYa Tumpa, añave eyeapɨsaka che nderembiokuai iyerure re, jare ïru nderembiokuai reta iyerure, jae reta oipota omboete nderee; emee añave che nderembiokuai pe toë ikavi mbaembae cheve, jare emeeuka cheve mboroparareko mburuvicha guasu güi.”

NEHEMÍAS 2:8

jare ïru tupapire Asaf kaa iyangarekoa peguarä, mburuvicha guasu imbae re oyangareko vae, omee vaerä cheve ɨvɨra Tupao ikësea jöke reta reguarä, jare tëta guasu ikësea reguarä, jare o che aïta pɨpe vae reguarä.” Jare omee cheve mburuvicha guasu, yandeYa Tumpa iporerekua cheré rupi.

SALMOS 109:12

Agüɨye kia toiparareko tomae jese, ani taɨgüe tɨ̈reɨ reta re ave.

JONÁS 3:7

Jare omoërakuauka jare omombeuka Nínive pe, mburuvicha guasu jare imborɨka reta iporookuai rupi, jei körai: “Kuimbae reta jare mɨmba reta, güeye reta jare vecha reta, agüɨye ave mbae tou reta; agüɨye toñemee tembíu ani ɨ ave chupe reta.