ESDRAS 7:25 - Biblia Guarani Tumpa Iñee

²⁵ Jare nde Esdras, neTumpa omee arakuaa ndeve rupi kavi eñono mburuvicha reta oporojäa vae reta, tëta re oyangareko vae reta, omae vaerä ɨ̈aka Éufrates jovaicho kuaraɨ oikea kotɨ yogüɨreko vae reta re; eñono opaete neTumpa iporookuai oikuaa vae reta re, jare mbaetɨ oikuaa vae nde emboe.

ESDRAS 7:25 ပူးပေါင်းရင်းမြစ်များ

GÉNESIS 41:38

Jayave Faraón jei iyɨvɨrigua reta pe: —¿Kia pe ye pa ñaväeta kuae kuimbae rami vae, Tumpa iespíritu oï jese vae?

GÉNESIS 41:39

Faraón jei José pe: —Tumpa etei oikuaauka kuaekuae ndeve, echa mbaetɨ ye kia iyarakuaa katu jare oikatu nde rami vae.

1 REYES 3:28

Jare opaete Israel oendu jókuae mburuvicha guasu oyapo morojäa vae regua; jare okɨɨye reta mburuvicha guasu güi, echa oecha reta oime ko jese Tumpa iyarakuaa oporojäa vaerä.

2 REYES 17:27

Jayave mburuvicha guasu Asiria pegua oporookuai, jei körai: “Peraja jokotɨ amogüe sacerdote joko güi perugüe reta güi, peraja toiko joko pe, jae tomboe reta jókuae tëta pegua Tumpa iporookuai re.”

1 CRÓNICAS 22:12

YandeYa tomee ndeve ndepɨarakuaa yae vaerä, reporookuai ma yave Israel re reyapo vaerä yandeYa Tumpa iporookuai reta.

1 CRÓNICAS 23:4

Kuae reta güi oyembojee omae vaerä mbaravɨkɨ tupao pegua re vae, oupitɨ veinticuatro mil, jare seis mil mburuvicharä jare oporojäa reta vaerä vi,

ESDRAS 10:4

Epüa, echa kuae jae ko ndeparavɨkɨ, jare ore reta roïta nde ndive; eñemoäta ngatu jare eparavɨkɨ.”

ESDRAS 6:6

Jayave mburuvicha guasu Darío jei tëta ruvicha Tatnai pe, Setar-boznai pe jare ïru reta ɨ̈aka Éufrates jovaicho pe yogüɨreko vae reta pe: “Pesɨrɨ Jerusalén güi

ESDRAS 7:10

Echa Esdras oñeñono opaete ipɨa ndive oyemboe kavi vaerä yandeYa iporookuai re, jae oyapo vaerä jare omboe vaerä Israel iñemuña reta jókuae mborookuai reta re.

ESDRAS 7:14

Echa mburuvicha guasu jare chiu imboarakuaa reta ko ndemondo remae vaerä neTumpa iporookuai ndepo pe renoi vae jei rami, ɨvɨ Judá pegua reta re jare Jerusalén pegua reta re.

NEHEMÍAS 9:3

Jökorai oyemboɨ ñogüɨnoi ramboeve mboapɨ ora rupi oyemongeta chupe reta iYa Tumpa iporookuai, jare ïru mboapɨ ora rupi oyemombeu reta iyoa re jare omboete reta iYa Tumpa.

SALMOS 19:7

YandeYa iporookuai jupigüe ko, oporopoepɨ vae ko; yandeYa iporookuai jupi ko, arakuaa oupitɨ katumbae pe omee arakuaa.

PROVERBIOS 2:6

Echa yandeYa ko omee arakuaa katu; mbae yaikuaa vae jare arakuaa katu chugüiño ko ou.

PROVERBIOS 6:23

Echa mborookuai reta jare mboromboe reta tembipe rami ko, yemboarakuaa reta tape tekove pegua ko.

MALAQUÍAS 2:7

Echa sacerdote reta oporomboe kavita ko, jare chugüi reta tëta pegua reta oekata mborookuai, echa jae reta ko Tumpa Imbaepuere yae ete vae iñeemombeúa.

San Mateo 13:52

Jayave Jesús jei chupe reta: —Opaete mborookuai re oporomboe vae ipoki yae ma araɨgua mborookuaía pegua pe vae, metei o iya rami ko. Echa jae mbaembae oñovatugüe oikatu güɨnoe ipɨau vae jare indechi vae.

San Marcos 6:34

Jesús ogüeyɨ yave barco raɨ güi, oecha jeta yae vae, jare oiparareko omae jese reta. Echa jae reta vecha iyangarekoambae rami yogüɨreko. Jare omboɨpɨ omboe reta jeta mbaembae re.

DEUTERONOMIO 16:18

Peñono mburuvicha oporojäa vae reta jare imborɨka reta perëta guasu ñavo rupi, yandeYa Tumpa omee ñemuña reta ñavo pe vae, jae reta toporojäa jupi rupi.

Colosenses 1:28

Ore romoërakua Cristo, romboarakuaa jare romboe reve opaete vae, arakuaa re, opaete vae okuakuaa kavi vaerä Cristo Jesús re.

Santiago 1:5

Oime yave pegüi reta pe oata arakuaa vae, toiporu Tumpa pe. Jae omeeta opaete pe jeta rupi jare iñeengetambae reve.