ESDRAS 7:16 - Biblia Guarani Tumpa Iñee

¹⁶ jökoraiño vi opaete korepoti jare oro oyemboatɨ ɨvɨ Babilonia pe vae, jare mbota reta kia ipɨa-kɨ̈reɨ ngatu reve omee vae, jare sacerdote reta vi omee iTumpa jo peguarä vae, Jerusalén pe oï vae.

ESDRAS 7:16 ပူးပေါင်းရင်းမြစ်များ

1 CRÓNICAS 29:17

CheRu Tumpa, che aikuaa nde reecha ko opaete vae ipɨa jare sɨmbi vae ndemboyerovia. Jáeramo chepɨa sɨmbi reve amee ndeve chepɨa-kɨ̈reɨ ngatu reve opaete kuae mbaembae reta. Jare añave yerovia katu reve aecha tëta ndembae kuae pe oyemboatɨ ñogüɨnoi vae omee ndeve mbota ipɨakavi reve.

1 CRÓNICAS 29:6

Jayave metei ñoëtara ñavo itenondegua reta, metei ñemuña ñavo itenondegua reta, sundaro ruvicha reta, sundaro jeta vae juvicha reta, jare mburuvicha guasu imbaeyekou re oyangareko vae reta itenondegua reta, omee reta mbota ipɨa-kɨ̈reɨ ngatu reve,

1 CRÓNICAS 29:9

Opaete vae reta oyerovia omee ramo mbota ipɨa-kɨ̈reɨ ngatu reve, echa kuae mbaembae reta omee yandeYa pe opaete ipɨa ndive.

2 CRÓNICAS 31:14

Jare levita Coré, Imna taɨ, öke kuaraɨ oëa kotɨgua iyangarekoa, oyangareko mbota reta pɨa-kɨ̈reɨ ngatu reve oñemee Tumpa peguarä vae re, jare omboyao vaerä mbota reta oñeñono tee yandeYa pe vae jare mbaembae oñeñono tee kavi yae Tumpa peguarä vae.

2 CRÓNICAS 6:2

Ërei che amopüa o ndeveguarä, pɨpe eiko jekuae avei pegua.”

2 CRÓNICAS 6:5

‘Jókuae ara anoe güive chembae vae reta ɨvɨ Egipto güi, mbaetɨ aiparavo metei ave tëta guasu ñemuña reta güi Israel pe, pɨpe oñemopüa vaerä tupao guasu joko pe oiko vaerä cheree, ani mbaetɨ vi aiparavo metei kuimbae oiko vaerä mburuvicharä chembae reta Israel re.

2 CRÓNICAS 6:6

Ërei aiparavo Jerusalén, joko pe oï vaerä cheree, jare aiparavo David oï vaerä tëta chembae vae Israel juvicharä.’

ESDRAS 1:4

Jare opaete jembɨregüe ketɨ ketɨ rupi ñogüɨnoia pe, joko pegua reta tomborɨ korepoti pe, oro pe, mbaembae pe jare mɨmba pe, jare mbota pɨa-kɨ̈reɨ ngatu reve oñemee vae güɨraja reta vaerä Tumpa jo peguarä, Jerusalén pe.’ ”

ESDRAS 1:6

Jare opaete iyɨ́vɨri yogüɨreko vae reta omborɨ korepoti pe, oro pe, mbaembae pe jare mɨmba reta pe, mbaembae ikavi jare jepɨ vae pe, jare vi opaete mbota ipɨa-kɨ̈reɨ ngatu reve omee chupe reta vae.

SALMOS 135:21

¡Sión güive toyemboeteuka yandeYa, jae oiko Jerusalén pe vae! ¡Aleluya!

2 Corintios 8:12

Echa ñanekɨ̈reɨ ngatu reve ñamee yave, Tumpa omboyerovia jókuae ñanoi rupi ñamee vae. Tumpa mbaetɨ oeka yandeve mbaetɨ ñanoi vae.

2 Corintios 9:7

Metei ñavo tomee, ipɨa pe oñono omee vaerä vae. Agüɨye tomee ipɨatɨtɨ reve ani che jae chupe güiño, echa Tumpa oaɨu oyerovia reve omee vae.