ESDRAS 7:15 - Biblia Guarani Tumpa Iñee

¹⁵ Jare reraja vaerä korepoti jare oro mburuvicha guasu jare imboarakuaa reta omee ipɨa-kɨ̈reɨ ngatu reve Israel iTumpa oiko Jerusalén pe vae pe,

ESDRAS 7:15 ပူးပေါင်းရင်းမြစ်များ

1 CRÓNICAS 29:6

Jayave metei ñoëtara ñavo itenondegua reta, metei ñemuña ñavo itenondegua reta, sundaro ruvicha reta, sundaro jeta vae juvicha reta, jare mburuvicha guasu imbaeyekou re oyangareko vae reta itenondegua reta, omee reta mbota ipɨa-kɨ̈reɨ ngatu reve,

2 CRÓNICAS 2:6

Ërei ¿kia pa ipuere omopüa tupao guasu chupe, echa ara reta ave mbaetɨ ipuere iyave? ¿Kia pa che amopüa vaerä tupao guasu chupe, jaeño oyeapɨ vaerä ikäti kavi vae incienso jae jóvai?

2 CRÓNICAS 32:23

Jare jeta güeru reta Jerusalén pe mbota yandeYa pe vae, jare vi mbota jepɨ vae Ezequías mburuvicha guasu Judá pegua pe. Jókuae güire Ezequías jërakua yae opaete ïru tëtaguasu rupi.

2 CRÓNICAS 6:2

Ërei che amopüa o ndeveguarä, pɨpe eiko jekuae avei pegua.”

2 CRÓNICAS 6:6

Ërei aiparavo Jerusalén, joko pe oï vaerä cheree, jare aiparavo David oï vaerä tëta chembae vae Israel juvicharä.’

ESDRAS 1:6

Jare opaete iyɨ́vɨri yogüɨreko vae reta omborɨ korepoti pe, oro pe, mbaembae pe jare mɨmba reta pe, mbaembae ikavi jare jepɨ vae pe, jare vi opaete mbota ipɨa-kɨ̈reɨ ngatu reve omee chupe reta vae.

ESDRAS 6:12

Jare Tumpa oiparavo oñono vaerä jee joko pe vae, tomboai opaete mburuvicha guasu reta ani tëtaguasu reta oipota oipoepɨ ani omboai Tumpa jo Jerusalén pegua vae. Che Darío amee kuae mborookuai, jare toyeapo jarembae voi.”

ESDRAS 6:4

Mboapɨ ñesɨro ita tuichagüe oñeñono vaerä, jare metei ñesɨro ɨvɨra ipɨau vae. Jare opaete tupao guasu re oyeporu vae mburuvicha guasu ikorepoti oñeñovatúa güi toyemboepɨ.

ESDRAS 7:14

Echa mburuvicha guasu jare chiu imboarakuaa reta ko ndemondo remae vaerä neTumpa iporookuai ndepo pe renoi vae jei rami, ɨvɨ Judá pegua reta re jare Jerusalén pegua reta re.

ESDRAS 8:25

Jare ajäa chupe reta oro, korepoti jare tembiporu reta, mburuvicha guasu jare imboarakuaa reta jare opaete Israel iñemuña reta joko pe ñogüɨnoi vae mbota omee vae, ñaneTumpa itupao guasu peguarä vae.

SALMOS 135:21

¡Sión güive toyemboeteuka yandeYa, jae oiko Jerusalén pe vae! ¡Aleluya!

SALMOS 26:8

CheYa, che aaɨu ndetupao, ndeyemboetea oïa.

SALMOS 72:10

¡Mburuvicha guasu reta Tarsis pegua jare ɨguasu jembeɨ rupigua togüeru chupe mbota reta, jare mburuvicha guasu reta Sabá jare Seba pegua togüeru vi chupe mbota reta!

SALMOS 76:11

Peyapo ñererökuavee peYa Tumpa pe, ërei pembopo jókuae perökuavee vae; opaete peï Kɨɨyea yae vae iyɨ́vɨri vae reta, peru chupe mbota reta.

SALMOS 76:2

Jerusalén pe oï itupao guakapi pegua, ɨvɨtɨ Sión re oï jae oikoa.

SALMOS 9:11

Sión pegua reta, petairari yandeYa pe; pemoërakua tëta reta pe jembiapo re.