ESDRAS 6:3 - Biblia Guarani Tumpa Iñee

³ “Mburuvicha guasu Ciro metei año ma oiko yave, omee mborookuai oñeñono ye vaerä tupao iguapɨka, oñemopüa ye vaerä Tumpa jo Jerusalén pe, joko pe oñemee vaerä mɨmba oyeyukagüe, jare ɨvategüe güɨnoi vaerä veintisiete metro jare ipɨgüe veintisiete metro.

ESDRAS 6:3 ပူးပေါင်းရင်းမြစ်များ

2 CRÓNICAS 2:3

Jare Salomón omondo jei Hiram mburuvicha guasu Tiro pegua pe: “Eyapo vi che ndive cheru David ndive reyapo rami, nde rembou chupe ɨ̈vɨrare omopüa vaerä jorä.

2 CRÓNICAS 2:6

Ërei ¿kia pa ipuere omopüa tupao guasu chupe, echa ara reta ave mbaetɨ ipuere iyave? ¿Kia pa che amopüa vaerä tupao guasu chupe, jaeño oyeapɨ vaerä ikäti kavi vae incienso jae jóvai?

2 CRÓNICAS 36:22

Jare tenondegua año Ciro omboɨpɨ oï mburuvicha guasurä Persia pe yave, oyembopo vaerä yandeYa iñee Jeremías rupi omombeu vae, yandeYa oñono Ciro mburuvicha guasu Persia pegua ipɨa pe omoërakuauka vaerä mborookuai ñee rupi jare tupapire rupi opaete iporookuaía rupi, kuae mborookuai:

ESDRAS 1:1

Tenondegua año Ciro omboɨpɨ oï mburuvicha guasurä Persia pe yave, oyembopo vaerä yandeYa iñee Jeremías rupi omombeu vae. YandeYa oñono Ciro mburuvicha guasu Persia pegua ipɨa pe omoërakuauka vaerä mborookuai ñee rupi jare tupapire rupi opaete iporookuaía rupi, jei reve:

ESDRAS 1:2

“Ciro mburuvicha guasu Persia pegua jei körai: ‘PeYa Tumpa ara pe oï vae omee chepo pe opaete mborookuaía reta ɨvɨ pegua, jare cheokuai amopüa vaerä chupe tupao Jerusalén pe, ɨvɨ Judá pe.

ESDRAS 3:7

Jare omee reta korepoti, o iyapoa reta pe jare ipoki oparavɨkɨ ɨvɨra pe vae reta pe, Tiroɨgua reta pe jare Sidón pegua reta pe omee tembíu, vino jare olivo iasaite güeru reta vaerä ɨ̈vɨrare Líbano güi ɨguasu rupi Jope pe, Ciro mburuvicha guasu Persia pegua jei rami.

ESDRAS 6:14

Jökorai judío itenondegua reta opa omboapɨ mbaravɨkɨ jarembae pegua, ñeemombeúa Hageo jare ñeemombeúa Zacarías, Iddo taɨ omoërakua rami. Omopüa reta jare opa oyapo reta Israel iTumpa omee mborookuai vae rupi, jare mburuvicha guasu reta Ciro jare Darío Persia pegua omee vae rupi, jare Artajerjes.

SALMOS 122:4

Jokotɨ yogüɨraja ñemuña yandeYa imbae vae reta, mborookuai oñemee Israel pe rami, omboete vaerä yandeYa jee.

Apocalipsis 21:16

Jare tëta guasu ipukugüe, ɨvategüe, ipɨgüe oyovake päve. Ipukugüe güɨnoi dos mil dosciento kilómetro, ɨvategüe güɨnoi dos mil dosciento kilómetro, ipɨgüe güɨnoi dos mil dosciento kilómetro.