ESDRAS 6:22 - Biblia Guarani Tumpa Iñee

²² Jare oyapo reta yerovia katu ndive arete mbaemboete pegua mbɨyape oyembovumbae pegua chiu ara, yandeYa omee ye oyerovia reta vaerä jeko pegua, jare oipoepɨ mburuvicha guasu Asiria pegua ipɨa ikotɨ reta, omomɨ̈rata vaerä omopüa Tumpa jo, Israel iTumpa.

ESDRAS 6:22 ပူးပေါင်းရင်းမြစ်များ

2 REYES 23:29

Jókuae ara rupi Faraón Necao, mburuvicha guasu Egipto pegua ojo ɨ̈aka Éufrates kotɨ oporepeña vaerä mburuvicha guasu Asiria pegua re. Javoi mburuvicha guasu Josías oë japerä pe; ërei Necao oecha rupive oyuka Meguido pe.

2 CRÓNICAS 23:18

Javoi Joiada oñono oyangareko tupao guasu re vaerä vae reta, sacerdote reta jare levita reta iporookuai igüɨ pe, David oñono reta rami tupao guasu pe oyeokuai vaerä, omee vaerä yandeYa pe mɨmba oyeyukagüe opaetei oyeapɨ vae, Moisés omee mborookuai vae pe oyekuatía oï rami, jare otairari reta vaerä oyerovia reve David oyókuai reta rami.

2 CRÓNICAS 29:30

Jayave mburuvicha guasu Ezequías jare iyɨvɨrigua mburuvicha reta jei levita reta pe otairari vaerä yandeYa pe, David jare mbae re oecha voi vae Asaf iñee reta pe. Jare jae reta oyerovia yae reve otairari, jare oyetavatɨka reta omee vaerä mbaemboete.

2 CRÓNICAS 30:21

Jökorai chiu ara Israel iñemuña reta Jerusalén pe ñogüɨnoi vae oyapo arete mbɨyape oyembovumbae mbaemboete pegua oyerovia reve. Jare sacerdote reta jare levita reta omboete ara ñavo yandeYa, otairari reta tembiporu reta tairari pegua ipu katu vae pe.

2 CRÓNICAS 33:11

Jáeramo yandeYa güeru chupe reta mburuvicha guasu Asiria pegua sundaro ruvicha reta, jae reta oipɨɨ Manasés, oipokua reta jare omoïcha reta karena jiero iyu vae pe güɨraja Babilonia pe.

2 CRÓNICAS 35:17

Jare Israel iñemuña reta ñogüɨnoi joko pe vae oyapo Pascua jókuae ara, jare chiu ara arete mbaemboete pegua, mbɨyape oyembovumbae oyeu vae.

ESDRAS 1:1

Tenondegua año Ciro omboɨpɨ oï mburuvicha guasurä Persia pe yave, oyembopo vaerä yandeYa iñee Jeremías rupi omombeu vae. YandeYa oñono Ciro mburuvicha guasu Persia pegua ipɨa pe omoërakuauka vaerä mborookuai ñee rupi jare tupapire rupi opaete iporookuaía rupi, jei reve:

ESDRAS 6:1

Jayave mburuvicha guasu Darío omee mborookuai oyeeka vaerä tupapire reta oñeñovatúa pe, mbae jepɨ vae reta oñeñovatúa pe Babilonia pe;

ESDRAS 7:27

Jayave Esdras ombaemboete körai: “Toyemboete yandeYa, ñaneñemuñagüe reta iTumpa, jae oñono kuae yemongeta mburuvicha guasu ipɨa pe, oyemboete vaerä yandeYa jo Jerusalén pe oï vae.

NEHEMÍAS 13:6

Opaete kuae mbaembae reta oasa yave, che mbaetɨ aï Jerusalén pe, echa mburuvicha guasu Babilonia pegua Artajerjes treinta y dos año ma oiko mburuvicharä yave, aja ye ípɨri; ërei mbovɨ año rupi aiporu ye mburuvicha guasu pe,

PROVERBIOS 16:7

Kuimbae, jeko kavi rupi omboyerovia yandeYa yave, jovaicho reta ave jae ombopɨakatuta chupe.

PROVERBIOS 21:1

Sekea rupi ɨ yamondo yaipotaa kotɨ rami; jökorai ko mburuvicha guasu iyemongeta yandeYa ipo pe.

EZEQUIEL 23:23

Babiloniaɨgua reta, Caldeaɨgua reta, Pecod, Soa jare Coa pegua reta, jare opaete Asiriaɨgua reta; opaete kuae reta ko taɨrusu maepöra vae mburuvicha reta, sundaro ruvicha reta, opaete kavayu regua reta.

San Mateo 26:17

Jare jókuae tenondegua ara judío reta omboɨpɨ jou mbɨyape oyembovumbae vae yave, Jesús jemimboe reta yogüeru oparandu chupe: —¿Kia pe pa reipota roñono kavi vecha kuimbae taɨrusu vae isoo Pascua pegua reu vaerä?

San Juan 19:11

Jesús jei chupe: —Ngaraa tëi mbaepuere renoi cheré, Tumpa omaeñoä nderé yave. Jáeramo chemee ndeve vae iyoa yae ma ko.