ESDRAS 6:14 - Biblia Guarani Tumpa Iñee

¹⁴ Jökorai judío itenondegua reta opa omboapɨ mbaravɨkɨ jarembae pegua, ñeemombeúa Hageo jare ñeemombeúa Zacarías, Iddo taɨ omoërakua rami. Omopüa reta jare opa oyapo reta Israel iTumpa omee mborookuai vae rupi, jare mburuvicha guasu reta Ciro jare Darío Persia pegua omee vae rupi, jare Artajerjes.

ESDRAS 6:14 ပူးပေါင်းရင်းမြစ်များ

ESDRAS 3:8

Mokoía año re mokoía yasɨa ma yogüeru oväe güire tupao oïa pe Jerusalén pe yave, omboɨpɨ reta mbaravɨkɨ Zorobabel, Salatiel taɨ, Jesúa, Josadac taɨ, jare ïru jëtara reta, sacerdote reta jare levita reta, jare opaete yogüeru ye tembipɨɨ güi Jerusalén pe vae reta ndive, jare oñono reta Leví iñemuña reta veinte año güɨnoi vae güi ɨvate vae reta ipo pe, omae reta vaerä mbaravɨkɨ yandeYa jo oyeapo vae re.

ESDRAS 4:24

Jökorai mbaravɨkɨ opɨta Tumpa jo oñemopüa ye oï Jerusalén pe vae, mokoía año ma Darío mburuvicha guasu Persia pegua oï mburuvicha guasurä yave regua.

ESDRAS 4:3

Ërei Zorobabel, Jesúa jare metei ñemuña itenondegua reta Israel pe vae, jei reta chupe reta: —Mbaetɨ orepuere romopüa oreTumpa jo pe reta ndive, oreño romopüata oreYa, Israel iTumpa jo, oreokuai orembou Ciro mburuvicha guasu Persia pegua rami.

ESDRAS 5:1

Ñeemombeúa Hageo jare ñeemombeúa Zacarías, Iddo taɨ omboeta reta judío reta Judá pegua pe jare Jerusalén pegua pe, Israel iTumpa jee re, jae reta ndive oime oï vae.

ESDRAS 5:13

Ërei tenondegua año Ciro omboɨpɨ oï mburuvicha guasurä Babiloniaɨgua reta re yave, jae etei omee mborookuai kuae Tumpa jo oñemopüa ye vaerä.’

ESDRAS 5:2

Jayave Zorobabel, Salatiel taɨ jare Jesúa, Josadac taɨ omboɨpɨ reta ye omopüa Tumpa jo Jerusalén pe, jare Tumpa iñeemombeúa reta ñogüɨnoi jae reta ndive omborɨ reta vaerä.

ESDRAS 6:3

“Mburuvicha guasu Ciro metei año ma oiko yave, omee mborookuai oñeñono ye vaerä tupao iguapɨka, oñemopüa ye vaerä Tumpa jo Jerusalén pe, joko pe oñemee vaerä mɨmba oyeyukagüe, jare ɨvategüe güɨnoi vaerä veintisiete metro jare ipɨgüe veintisiete metro.

ESDRAS 6:8

Che amee kuae mborookuai peve pemborɨ vaerä judío reta itenondegua reta, Tumpa jo oñemopüa ye vaerä: Jókuae ɨ̈aka jovaicho pe oyekovara mburuvicha peguarä vae güi, toñemee jókuae kuimbae reta pe oatambae reve agüɨye vaerä opɨta mbaravɨkɨ.

ESDRAS 7:1

Kuae mbaembae reta jaɨkue rupi, Artajerjes oiko mburuvicha guasurä Persia pe yave, oiko metei kuimbae Esdras jee vae Seraías taɨ, Seraías jae ko Azarías taɨ, Azarías jae ko Hilcías taɨ,

ESDRAS 9:9

Echa tembiokuairä roiko, ërei royeokuai pɨte pe nde oreTumpa mbaetɨ orereeya, nde oreparareko mburuvicha guasu reta Persia pegua jóvai, oremoäta ngatu romopüa pɨau ye vaerä tupao guasu oyemboai vae, ¡oreangareko Judá pe jare Jerusalén pe!

NEHEMÍAS 6:15

Jare opa oyeapo tëta guasu ikësea cincuenta y dos araa pe, jae ko veinticinco ara yasɨ Elul re.

ISAÍAS 44:28

Che jae mburuvicha guasu Ciro pe: ‘Nde ko jae chevecha iyangarekoa rami, reyapota opaete mbaembae royókuai vae’; jare Jerusalén pe jae: ‘Nde reñemopüa pɨau yeta ko’; jare tupao pe jae: ‘Oñeñonota ko ndeguapɨka.’ ”

HAGEO 1:1

Mokoía año ma Darío oiko mburuvicha guasurä yave, ova yasɨ tenondegua ara pe yandeYa iñee ou ñeemombeúa Hageo rupi, Zorobabel mburuvicha Judá pegua, Salatiel taɨ pe jare Josué sacerdote tenondegua, Josadac taɨ pe.

HAGEO 1:8

Pekua ɨvɨtɨ güi peru ɨvɨra jare pemopüa pɨau ye chero; añonota jese cheyerovia katu jare cheyemboetea, jei yandeYa.

ZACARÍAS 1:1

Darío mokoía año ma oiko mburuvicha guasurä yave, juría yasɨ pe ou yandeYa iñee ñeemombeúa Zacarías pe, Berequías taɨ, Iddo jɨmɨmino pe, jei körai:

ZACARÍAS 1:16

Jáeramo, che ayerova Jerusalén kotɨ cheporoparareko ndive, joko pe chero amopüa pɨau yeta jare Jerusalén, jei yandeYa Imbaepuere yae ete vae.’ ”

ZACARÍAS 4:9

“Zorobabel oñonota kuae o iguapɨka, jae ipo pe opata oyapo.” Jökorai peikuaata yandeYa Imbaepuere yae ete vae ko chembou.

ZACARÍAS 8:9

YandeYa Imbaepuere yae ete vae jei körai: “Peñemomɨ̈rata pe reta peendu ñee kuae ara rupi ñeemombeúa reta rupi vae, jókuae ara oyemboɨpɨ güive oñeñono o iguapɨka oñemopüa vaerä yave yandeYa Imbaepuere yae ete vae jo.