ESDRAS 5:12 - Biblia Guarani Tumpa Iñee

¹² Ërei jókuae jaɨkue rupi oreñemuñagüe reta omboarasɨuka Tumpa ara pe oï vae, jare jae omee Nabucodonosor mburuvicha guasu Babilonia pegua ipo pe, jae ko Caldeaɨgua, jókuae mburuvicha guasu opa omboai kuae tupao guasu, jare tëta pegua reta opa güɨraja tembipɨɨrä Babilonia pe.

ESDRAS 5:12 ပူးပေါင်းရင်းမြစ်များ

2 REYES 24:2

Ërei yandeYa ombou Joacim kotɨ oporepeña sundaro reta Caldeaɨgua reta, Siriaɨgua reta, Moab iñemuña reta, Amón iñemuña reta. Kuaekuae reta ombou Judá kotɨ opa vaerä omboai, yandeYa jei iñeemombeúa reta rupi rami.

2 REYES 25:1

Sedequías chau año ma oiko mburuvicha guasurä yave, payandepoa yasɨ, payandepo araa pe, Nabucodonosor mburuvicha guasu Babilonia pegua ou opaete isundaro reta ndive oporepeña Jerusalén re jare opa oñova. Oyembojeyupa reta jare omopüa reta yeupika jókuae tëta guasu iyɨ́vɨri rupi.

2 CRÓNICAS 36:20

Jaɨkue rupi opa güɨraja reta Babilonia kotɨ oasayepe mano güi vae, jare yogüɨreko reta jembiokuairä jare taɨ reta jembiokuairä ou regua Persia mborookuaía guasu,

SALMOS 106:40

Jáeramo, yandeYa iyarasɨ imbae vae reta kotɨ, jare güɨröɨro imbae vae reta;

ISAÍAS 47:6

Chearasɨ yae tëta chembae vae kotɨ yave, amee ñemomarai pe, jare amaeño oa ndepo pe. Nde mbaetɨ reiparareko, ndechi reta pe ave täta reiporarauka.

JEREMÍAS 5:29

Kuae jeko pegua, ¿amaeñota ra jese reta? Kuae rami oyapo vae, ¿mbaetɨ ra jupi aiporarauka vaerä chupe reta jeko re? Che peYa, jae.

JEREMÍAS 51:59

Sedequías irundɨa año ma mburuvicha guasurä oiko Judá pe yave, ñeemombeúa Jeremías omondo tembikuatía Seraías, Nerías taɨ, Maasías jɨmɨmino ndive. Seraías ojo mburuvicha guasu Sedequías ndive Babilonia kotɨ yave; ojo jae ndive oyapo kavi vaerä teyupa, mburuvicha guasu oputuu ñavo.

JEREMÍAS 52:12

Nabucodonosor mburuvicha guasurä oiko Babilonia pe diecinuevea año, pandepoa yasɨ, payandepo araa pe yave, Nabuzaradán, sundaro omaeäro vae reta juvicha, ou oväe Jerusalén pe

DANIEL 9:5

oreyoa, royapo ikavimbae, royapo jupimbae; orepɨa pochɨ jare royembosɨrɨ ndeporookuai reta güi.

DEUTERONOMIO 31:17

jókuae ara chearasɨta chupe reta, aeya retata, ayerovata chugüi reta jare oiporara yae jeta mbaembae ikavimbae vae jeko pegua jei retata jókuae ara: ‘¿Mbaetɨ ma ndipo ñaneTumpa oï yande ndive, jáeramo yaiporara kuae mbaembae reta?’

DEUTERONOMIO 32:30

¿Metei vaeño këraita pa ipuere ombotekuarai mil vae? ¿Ani mókoi vae ombotekuarai diez mil vae? ¡Jaeño yandeYa, Ita guasu rami vae, omee ipo pe yave!

JUECES 2:14

Jáeramo yandeYa iyarasɨ Israel iñemuña reta kotɨ, omee imonda vae reta opɨ̈ro vaerä chugüi reta imbaembae, jare omee vi jovaicho reta iyɨvɨrigua reta pe, jare mbaetɨ ma ipuere jovaicho reta re.

JUECES 4:2

jare yandeYa omee reta Jabín mburuvicha guasu Canaán pegua ipo pe, oporookuai tëta Hazor pe vae. Isundaro reta juvicha ko jae Sísara, jae oiko Haroset-goim pe.

JUECES 6:1

Jare Israel iñemuña reta oyapo ikavimbae yandeYa jesa róvai; jare yandeYa omee reta Madián iñemuña reta ipo pe chiu año rupi.