ESDRAS 5:11 - Biblia Guarani Tumpa Iñee

¹¹ Jare jei reta oreve körai: ‘Ore reta ko jae Tumpa ara pe jare ɨvɨ pe oï vae jembiokuai, jare romopüa ye roï kuae tupao guasu arakae oyeapo vae; mburuvicha guasu Israel pegua omboɨpɨ jare opa oyapo vae.

ESDRAS 5:11 ပူးပေါင်းရင်းမြစ်များ

GÉNESIS 24:3

jare yandeYa jee re ere añetete reyapota vae, Tumpa ara pe jare ɨvɨ pe oï vae, agüɨye emaeño cheraɨ Isaac tomenda Canaán pegua tayɨ ndive, che aï ipɨte pe vae,

1 REYES 6:38

jare once año ma oiko yave yasɨ Bul pe, jae ko juri yasɨ jókuae año pe, opa oyeapo tupao. Salomón opa oyapo tupao chiu año pe.

1 REYES 9:10

Oasa veinte año Salomón opa güire oyapo mókoi o, jae ko yandeYa itupao jare mburuvicha guasu jo,

ESDRAS 5:10

Jare roparandu vi chupe reta jee reta re roikuaauka vaerä ndeve, jókuae kuimbae reta oporomombaravɨkɨ ñogüɨnoi vae jee reta.

SALMOS 119:46

Tachemiari ndeporookuai reta re mburuvicha guasu reta jóvai, jare ngaraa chemara.

SALMOS 136:26

¡Pemboete Tumpa ara pe oï vae, echa iporoparareko jekuae avei vae ko!

DANIEL 3:26

Jayave Nabucodonosor oya horno jendɨvuku oï vae jöke re, jare jei: —¡Sadrac, Mesac jare Abed-nego, Tumpa Tuichagüe yae ete vae jembiokuai reta, peë peyu joko güi! Jayave Sadrac, Mesac jare Abed-nego ñogüɨnoi tata iyɨvɨte güi.

JONÁS 1:9

Jare Jonás jei chupe reta: —Hebreo ko che, cheYa Tumpa ara pegua güi oipoɨu vae, ɨguasu jare ɨvɨ iyapoa.

San Mateo 10:32

Kia nunga vae chemoërakua ïru vae reta jóvai yave, che amoërakuata vi cheRu ara pe oï vae jóvai.

San Lucas 12:8

Che jae peve kuae: Oime yave kia chemoërakua ïru vae reta jóvai vae, che Kuimbaerä ayeapo vae amoërakuata vi Tumpa iaraɨgua reta jóvai.

Hechos 27:23

Echa pɨare oyekuaa cheve metei Tumpa iaraɨgua. Jókuae Tumpa imbae ko che jare chupe ayeokuai.

Romanos 1:16

Mbaetɨ aromara ñee ikavi vae. Echa Tumpa imbaepuere ko, opaete güɨrovia vae reta güɨnoi vaerä yemboasa. Tenonde ete judío reta, jaɨkue rupi judiombae vae reta.

Romanos 6:16

¿Mbaetɨ pa peikuaa peñemee yave kia jembiokuairä, jókuae ipo pe ko peï vae? Jökorai ko mbaeyoa ipo peï, mano peguarä ani Tumpa jei vae re peï yave, peyembojupi vaerä.

Gálatas 6:14

Ërei yandeYa Jesucristo ikurusu reño ayemboeteta. Jesucristo re arovia ramo, chevegua ɨvɨ pegua teko omano, jare chupegua che amano vi.

JOSUÉ 24:15

Ërei mbaetɨ peipota peyeokuai yandeYa pe yave, peiparavo peyeupe kia pe peyeokuai vaerä; tumpa reta, peñemuñagüe reta oyeokuai ɨ̈aka Éufrates jembeɨ pe yogüɨreko yave vae pe, ani amorreo reta kuae ɨvɨ pe yogüɨreko vae reta itumpa pe. Ërei che jare chero pegua reta ndive royeokuaita yandeYa peño.