ESDRAS 4:5 - Biblia Guarani Tumpa Iñee

⁵ Omboepɨ vɨari reta vi amogüe mburuvicha reta pe ikotɨ reta, güɨrokomegua vaerä chugüi reta ikɨ̈reɨ tëi oyapo reta vae, jökorai oyapo reta opaete ara Ciro oiko ramboeve mburuvicha guasurä Persia pe, oguapɨ regua Darío mburuvicha guasurä Persia pe.

ESDRAS 4:5 ပူးပေါင်းရင်းမြစ်များ

2 CRÓNICAS 22:4

Oyapo ikavimbae vae yandeYa jesa róvai, Acab tayɨ iñemuña reta rami, echa tu omano yave jaɨkue rupi, jae reta omboarakuaa vae rupi ou oñemokañɨtei.

ESDRAS 4:24

Jökorai mbaravɨkɨ opɨta Tumpa jo oñemopüa ye oï Jerusalén pe vae, mokoía año ma Darío mburuvicha guasu Persia pegua oï mburuvicha guasurä yave regua.

ESDRAS 4:4

Ërei jókuae ɨvɨ pegua kuimbae reta omboɨpɨ omongɨɨye Judá iñemuña reta, jare omoäteɨ reta agüɨye vaerä omopüa reta o.

ESDRAS 4:6

Asuero omboɨpɨ oï mburuvicha guasurä rupive oikuatía reta chupe omboeko vaerä Judá jare Jerusalén pegua reta.

ESDRAS 5:5

Ërei yandeYa oï judío reta itenondegua reta ndive, jökorai tovaicho reta mbaetɨ omombɨtauka reta mbaravɨkɨ, oikuaauka regua kuae re Darío pe, jare jae ombou ye regua oikuaauka chupe reta tupapire rupi.

DANIEL 10:13

Ërei ɨvɨ Persia re mburuvicha oyangareko vae cheopia veintiuno ara rupi; ërei araɨgua Miguel, metei mburuvicha tenondegua ete ou chemborɨ vaerä; jökorai aiko mburuvicha guasu reta Persia pegua ñogüɨnoia pe.

NAHUM 1:11

Nínive, ndegüi oë Tumpa kotɨ oyemongeta kavimbae; oporomboarakuaa kavimbae vae.