ESDRAS 4:24 - Biblia Guarani Tumpa Iñee

²⁴ Jökorai mbaravɨkɨ opɨta Tumpa jo oñemopüa ye oï Jerusalén pe vae, mokoía año ma Darío mburuvicha guasu Persia pegua oï mburuvicha guasurä yave regua.

ESDRAS 4:24 ပူးပေါင်းရင်းမြစ်များ

ESDRAS 3:8

Mokoía año re mokoía yasɨa ma yogüeru oväe güire tupao oïa pe Jerusalén pe yave, omboɨpɨ reta mbaravɨkɨ Zorobabel, Salatiel taɨ, Jesúa, Josadac taɨ, jare ïru jëtara reta, sacerdote reta jare levita reta, jare opaete yogüeru ye tembipɨɨ güi Jerusalén pe vae reta ndive, jare oñono reta Leví iñemuña reta veinte año güɨnoi vae güi ɨvate vae reta ipo pe, omae reta vaerä mbaravɨkɨ yandeYa jo oyeapo vae re.

ESDRAS 4:23

Jare opa yave mburuvicha guasu Artajerjes tupapire ombou vae oyemongeta Rehum jare ombaekuatía vae Simsai, jare iñeïru reta jóvai, yogüɨraja jarembae voi Jerusalén pe judío reta oïa pe, jare iyarasɨ yae reve omombɨta reta iparavɨkɨ güi.

ESDRAS 4:5

Omboepɨ vɨari reta vi amogüe mburuvicha reta pe ikotɨ reta, güɨrokomegua vaerä chugüi reta ikɨ̈reɨ tëi oyapo reta vae, jökorai oyapo reta opaete ara Ciro oiko ramboeve mburuvicha guasurä Persia pe, oguapɨ regua Darío mburuvicha guasurä Persia pe.

ESDRAS 5:1

Ñeemombeúa Hageo jare ñeemombeúa Zacarías, Iddo taɨ omboeta reta judío reta Judá pegua pe jare Jerusalén pegua pe, Israel iTumpa jee re, jae reta ndive oime oï vae.

ESDRAS 5:5

Ërei yandeYa oï judío reta itenondegua reta ndive, jökorai tovaicho reta mbaetɨ omombɨtauka reta mbaravɨkɨ, oikuaauka regua kuae re Darío pe, jare jae ombou ye regua oikuaauka chupe reta tupapire rupi.

ESDRAS 6:1

Jayave mburuvicha guasu Darío omee mborookuai oyeeka vaerä tupapire reta oñeñovatúa pe, mbae jepɨ vae reta oñeñovatúa pe Babilonia pe;

ESDRAS 6:14

Jökorai judío itenondegua reta opa omboapɨ mbaravɨkɨ jarembae pegua, ñeemombeúa Hageo jare ñeemombeúa Zacarías, Iddo taɨ omoërakua rami. Omopüa reta jare opa oyapo reta Israel iTumpa omee mborookuai vae rupi, jare mburuvicha guasu reta Ciro jare Darío Persia pegua omee vae rupi, jare Artajerjes.

ESDRAS 6:15

Kuae tupao opa oyeapo mboapɨa ara yasɨ Adar pe, ovaa año ma Darío oiko mburuvicha guasuä yave.

NEHEMÍAS 6:3

Jayave amondo ñee jerajaa reta, jae chupe reta: “Mbaravɨkɨ tuichagüe ko ayapo aï, mbaetɨ chepuere aeya; echa aeya yave mbaravɨkɨ opɨtata ko, mbaetɨ chepuere aeya aja vaerä pekotɨ.”

NEHEMÍAS 6:9

Echa opaete jae reta oreiämondo jei reve: “Topɨta reta mbaravɨkɨ güi, agüɨye topa toyapo reta.” Ërei, ¡chemoäta ngatu cheRu Tumpa!

JOB 20:5

Iyoa vae reta iyerovia mbaetɨ ɨma oiko, oyerovia michi peguaño.

DANIEL 11:2

Añave aikuaaukata ndeve añetete vae: Oimeñota räri mboapɨ mburuvicha guasu reta Persia pe, ërei irundɨa mburuvicha guasu oikokatu yaeta jókuae mboapɨ tenondegua reta güi. Jókuae jeta imbaeyekou vae rupi imbaepuere yae ma yave, omopüata opaete vae, tëtaguasu Grecia pegua mborookuaía kotɨ.

DANIEL 9:25

Nde eikuaa kavi kuae: Jókuae mborookuai oñemee oñemopüa ye jare oñeñono kavi ye vaerä Jerusalén güive, oväe regua Mesías, oasata chiu semana, jare sesenta y dos semana; Jerusalén ikaye reta jare ikësea reta oñemopüa ye yave mbɨatɨtɨ yaeta jókuae ara rupi.

HAGEO 1:1

Mokoía año ma Darío oiko mburuvicha guasurä yave, ova yasɨ tenondegua ara pe yandeYa iñee ou ñeemombeúa Hageo rupi, Zorobabel mburuvicha Judá pegua, Salatiel taɨ pe jare Josué sacerdote tenondegua, Josadac taɨ pe.

HAGEO 1:15

mokoía año ma Darío oiko mburuvicha guasurä yave, ova yasɨ veinticuatro ara pe.

HAGEO 2:15

Añave, peyemongeta kavi pepɨa pe kuae ara güive tenonde kotɨ. Ndei pemboɨpɨ pemopüa pɨau tupao mbove,

HAGEO 2:18

Añave, peyemongeta kavi pepɨa pe kuae ara güive tenonde kotɨ, chaúa yasɨ veinticuatro ara güive, yandeYa jo iguapɨka peñono güive.

ZACARÍAS 1:1

Darío mokoía año ma oiko mburuvicha guasurä yave, juría yasɨ pe ou yandeYa iñee ñeemombeúa Zacarías pe, Berequías taɨ, Iddo jɨmɨmino pe, jei körai:

1 Tesalonicenses 2:18

jáeramo orekɨ̈reɨ yae rojo tëi pépɨri; che Pablo mbovɨ ye ma ayupavo tëi, ërei Satanás oremboavai.