ESDRAS 4:20 - Biblia Guarani Tumpa Iñee

²⁰ Jare Jerusalén pe yogüɨrekose yepi mburuvicha guasu imbaepuere yae vae reta, iporookuaía reta oupitɨ yepi ɨ̈aka Éufrates jovaicho rupi, jare omboepɨuka yepi chupe reta opaete mbaembae regua.

ESDRAS 4:20 ပူးပေါင်းရင်းမြစ်များ

GÉNESIS 15:18

Jókuae ara etei yandeYa oyapo morogüɨrökuavee päve Abram ndive, jei reve körai: —Neñemuña reta pe ameeta kuae ɨvɨ, ɨ̈aka Egipto pegua güive ɨ̈aka guasu kotɨ, ɨ̈aka Éufrates jee vae pe.

1 REYES 4:21

Jare Salomón güɨnoi mbaepuere opaete ïru mburuvicha guasu reta re, ɨ̈aka Éufrates güive filisteo reta iɨvɨ kotɨ, jare ɨvɨ Egipto jembeɨ kotɨ oya regua; güeru reta imbaemboepɨ, jare Salomón jeia re yogüɨreko, opaete ara rupi jae oikove oiko ramboeve.

1 REYES 4:24

echa Salomón güɨnoi vi mbaepuere Éufrates güi kuaraɨ oikea kotɨgua ɨvɨ re, Tifsa güive Gaza pe, jare opaete joko pegua mburuvicha reta re, jare oime mbɨakatu opaete ɨvɨ iyɨ́vɨri rupigua reta ndive.

1 REYES 5:1

Hiram mburuvicha guasu Tiro pegua omondo vi iyɨvɨrigua reta Salomón pɨri, oendu yave oiparavo reta mburuvicha guasurä tu jekovia pe; echa Hiram oaɨu aeño David.

1 REYES 5:4

Añave cheYa Tumpa omee cheve mbɨakatu opaete rupi; echa mbaetɨ tovaicho reta, mbaetɨ mbae ikavimbae güi yakɨɨye vaerä.

1 CRÓNICAS 18:13

Jare oñono sundaro reta omae vaerä Edom pe, jare opaete Edom-ɨgua reta yogüɨreko jae jeia re; jare yandeYa omee David pe oporomoamɨri vaerä kerupi ojoa rupi.

1 CRÓNICAS 18:3

David omoamɨri vi Hadad-ezer, mburuvicha guasu Soba pegua, Hamat re katu oï vae, jae ojo tëi opɨ̈ro vaerä ɨvɨ oï ɨ̈aka Éufrates pe yave.

1 CRÓNICAS 18:6

Javoi David oñono isundaro reta omae vaerä Siriaɨgua reta Damasco pe yogüɨreko vae re jare yogüɨreko reta David jeia re ombaemboepɨ reta reve. Jökorai yandeYa omee David pe oporomoamɨri vaerä kerupi ojoa rupi.

1 CRÓNICAS 19:19

Hadad-ezer iyɨvɨrigua reta oecha oñemoamɨriuka Israel iñemuña reta pe yave, oyapo reta mbɨakatu David ndive, jare yogüɨreko reta jae jeia re. Jayave güive Siriaɨgua mbaetɨ ye ma oipota omborɨ Amón iñemuña reta.

2 CRÓNICAS 17:11

Ërei filisteo reta güeru mbota jare korepoti ombaemboepɨ vaerä Josafat pe, Árabe reta güeru vi mɨmba siete mil seteciento vecha kuimbae jare siete mil seteciento kavara kuimbae.

2 CRÓNICAS 9:14

oyepapambae reve omaemee vae reta güerugüe. Jaeramiño vi mburuvicha guasu reta Arabia pegua jare tëta ruvicha reta jókuae ɨvɨ pegua güeru vi oro jare korepoti Salomón pe.

ESDRAS 4:13

Mburuvicha guasu, roikuaauka voi ndeve kuae tëta guasu oñemopüa ye yave jare ikësea opa ye oñeñono kavi yave, ngaraa ma omboepɨ reta mburuvicha guasu peguarä oyekovara vae, jare oatata korepoti mburuvicha guasu ikorepoti jɨru pe.

ESDRAS 4:16

Kuae roikuaauka ndeve mburuvicha guasu, kuae tëta oñemopüa ye yave, jare ikësea opa ye oyeapo kavi yave, jókuae ɨ̈aka Éufrates jovaicho pe yogüɨreko vae reta ngaraa ma oiko ndembaerä.’ ”

ESDRAS 4:19

jare che amee mborookuai oyeeka vaerä jókuae regua, jare oväe reta chupe kërai arakae güive jókuae tëta guasu oñemopüa mburuvicha reta re, jare mbaetɨ oyapo reta mburuvicha iporookuai, oñemopüa avei reta joko pe.

ESDRAS 4:21

Añave eyopia mbaravɨkɨ jókuae kuimbae reta güi, jare agüɨye toñemopüa ye jókuae tëta guasu, che jae ye regua chupe reta.

ESDRAS 7:24

Jare romombeu vi peve agüɨye vaerä kia okovara mburuvicha peguarä sacerdote reta pe, levita reta pe, otairari vae reta pe, öke iyangarekoa reta pe, tupao guasu pe oyeokuai vae reta pe, ani ïru tembiokuai reta tupao pe oyeokuai vae reta pe.

SALMOS 72:8

¡Togüɨnoi mbaepuere ɨguasu güive ïru ɨguasu kotɨ, jare ɨ̈aka Éufrates güive ketɨ ɨvɨ iyapɨ kotɨ!

LAMENTACIONES 1:1

¡Kërai ipombae opɨta, tëta guasu jeta yepi pɨpe vae! ¡Kuae tëta guasu jërakua ïru tëtaguasu reta rupi vae, ou opɨta kuña imemano vae rami! Tenondeguarä oiko yepi vae, añave ombaemboepɨ vaerä ma oiko.

EZEQUIEL 19:11

Jäka reta ipoguasu, chugüi oyeapo mburuvicha guasu reta ipo peguarä; okuakuaa ɨvate ïru reta güi, oyekuaa katu ɨvate jeko pegua jare jäka jeta jeko pegua.

San Mateo 9:9

Jare Jesús joko güi ojo yave, oecha metei kuimbae Mateo jee vae oguapɨ oï mburuvicha peguarä okovara ñogüɨnoia pe, jare jei chupe: —Eyu cherupíe. Jayave jae opüa jare ojo jupíe.