ESDRAS 4:15 - Biblia Guarani Tumpa Iñee

¹⁵ reeka vaerä neñemuñagüe reta jembikuatía reta pe. Jare reväeta kërai kuae tëta guasu ipɨapochɨ jare jeko kavimbae reta mburuvicha guasu reta kotɨ, jare tëta iyɨvɨrigua reta kotɨ, jare iyɨpɨ güive kuae tëta ipɨapochɨ, kuae jeko pegua opa oyemboai.

ESDRAS 4:15 ပူးပေါင်းရင်းမြစ်များ

2 REYES 24:20

Jáeramo yandeYa iyarasɨ Jerusalén jare Judá kotɨ, opa omoë omombo iyeugüi regua. Sedequías oñemopüa mburuvicha guasu Babilonia pegua re.

2 REYES 25:4

Jayave oipea reta japerä tëta guasu ikësea rupi, yepe tëi Caldeaɨgua reta oñova güɨnoi, mburuvicha guasu jare opaete sundaro reta otekuarai tëta guasu güi pɨ̈tu yave. Ñogüɨnoe reta öke tëta guasu ikësea mókoi oyóvai ñogüɨnoi vae ipäu pe oï vae rupi mburuvicha guasu iko raɨ rupi; ojo mburuvicha guasu tape Arabá kotɨ ojo vae rupi.

ESDRAS 4:12

‘Mburuvicha guasu, roikuaauka ndeve kërai judío reta joko güi yogüeru orekotɨ vae, yogüeru Jerusalén pe, jare omopüa ye ñogüɨnoi kuae tëta guasu ipɨapochɨ jare jeko kavimbae reta. Omopüa reta ma ñogüɨnoi tëta guasu ikësea, oñono kavi reta ma iguapɨkarä.

ESDRAS 4:14

Ore reta jese roiko vae mbaetɨta romaeño mburuvicha guasu jökorai oyeapouka, kuae jeko pegua romondo roikuaauka ndeve,

ESDRAS 4:16

Kuae roikuaauka ndeve mburuvicha guasu, kuae tëta oñemopüa ye yave, jare ikësea opa ye oyeapo kavi yave, jókuae ɨ̈aka Éufrates jovaicho pe yogüɨreko vae reta ngaraa ma oiko ndembaerä.’ ”

NEHEMÍAS 2:19

Ërei ngatu oendu Sanbalat horonita pegua jare tembiokuai Tobías Amón iñemuña, jare Gesem Arabiaɨgua yave, oreyóyai yóyai jare oremotareɨ reta, jei reve: —¿Mbae jei vae pa peyapo pe reta? ¿Peñemopüa pa peï mburuvicha guasu re?

NEHEMÍAS 6:6

körai oyekuatía jókuae tupapire pe: “Jërakua ñee tëtaguasu reta rupi jare Gasmu vi jei, kërai nde jare judío reta ndive peyemongeta peñemopüa vaerä mburuvicha guasu kotɨ; jare jáeramo pemopüa ye peï tëta guasu ikësea. Jërakua vi nde reïta mburuvicha guasurä vae,

ESTER 2:23

Jare oyeapo mbarandu kuae regua yave oñeväe añetete yepe; jáeramo mókoi reve jókuae eunuco reta, mburuvicha guasu oeterasauka ɨvɨra oyeatɨka vae re. Jare kuae mbaembae oyeapogüe oyekuatía oï tembikuatía pe, mburuvicha guasu regua oyekuatía oïa pe.