ESDRAS 3:8 - Biblia Guarani Tumpa Iñee

⁸ Mokoía año re mokoía yasɨa ma yogüeru oväe güire tupao oïa pe Jerusalén pe yave, omboɨpɨ reta mbaravɨkɨ Zorobabel, Salatiel taɨ, Jesúa, Josadac taɨ, jare ïru jëtara reta, sacerdote reta jare levita reta, jare opaete yogüeru ye tembipɨɨ güi Jerusalén pe vae reta ndive, jare oñono reta Leví iñemuña reta veinte año güɨnoi vae güi ɨvate vae reta ipo pe, omae reta vaerä mbaravɨkɨ yandeYa jo oyeapo vae re.

ESDRAS 3:8 ပူးပေါင်းရင်းမြစ်များ

1 CRÓNICAS 23:4

Kuae reta güi oyembojee omae vaerä mbaravɨkɨ tupao pegua re vae, oupitɨ veinticuatro mil, jare seis mil mburuvicharä jare oporojäa reta vaerä vi,

1 CRÓNICAS 3:17

Jeconías taɨ reta jae Asir jare Salatiel,

ESDRAS 10:18

Sacerdote iñemuña reta güɨreko kuña ketɨgua reta vae, jae kuae reta: Jesúa, Josadac taɨ iñemuña reta jare jëtara reta güi: Maasías, Eliezer, Jarib jare Gedalías.

ESDRAS 2:2

Kuae reta yogüeru Zorobabel ndive jare Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum jare Baana reta ndive. Opaete kuimbae Israel pegua reta oyepapa vae jae ko:

ESDRAS 3:2

Jayave Jesúa, Josadac taɨ jare jëtara sacerdote reta, jare Zorobabel, Salatiel taɨ jare jëtara reta, omopüa reta mɨmba oyeyukagüe oyeapɨ jese vae Israel iTumpa pe, omee vaerä jese mɨmba oyeyukagüe opaetei oyeapɨ vae, Moisés, Tumpa jembiokuai iporookuai reta jei rami.

ESDRAS 4:24

Jökorai mbaravɨkɨ opɨta Tumpa jo oñemopüa ye oï Jerusalén pe vae, mokoía año ma Darío mburuvicha guasu Persia pegua oï mburuvicha guasurä yave regua.

ESDRAS 4:3

Ërei Zorobabel, Jesúa jare metei ñemuña itenondegua reta Israel pe vae, jei reta chupe reta: —Mbaetɨ orepuere romopüa oreTumpa jo pe reta ndive, oreño romopüata oreYa, Israel iTumpa jo, oreokuai orembou Ciro mburuvicha guasu Persia pegua rami.

ESDRAS 5:16

Jayave Sesbasar ou jare oñono Tumpa jo iguapɨka reta kuae Jerusalén pe. Jayave güive oñemopüa oiko, ërei ndeiño opa oyeapo añave.

ESDRAS 5:2

Jayave Zorobabel, Salatiel taɨ jare Jesúa, Josadac taɨ omboɨpɨ reta ye omopüa Tumpa jo Jerusalén pe, jare Tumpa iñeemombeúa reta ñogüɨnoi jae reta ndive omborɨ reta vaerä.

HAGEO 1:1

Mokoía año ma Darío oiko mburuvicha guasurä yave, ova yasɨ tenondegua ara pe yandeYa iñee ou ñeemombeúa Hageo rupi, Zorobabel mburuvicha Judá pegua, Salatiel taɨ pe jare Josué sacerdote tenondegua, Josadac taɨ pe.

ZACARÍAS 4:9

“Zorobabel oñonota kuae o iguapɨka, jae ipo pe opata oyapo.” Jökorai peikuaata yandeYa Imbaepuere yae ete vae ko chembou.

ZACARÍAS 6:12

Jare ere chupe körai: ‘YandeYa Imbaepuere yae ete vae jei körai: Mase, ko kuimbae Jokɨ pɨau jee vae jeñɨita japo güi aeño, jae omopüa pɨau yeta yandeYa itupao.

NÚMEROS 4:3

treinta año güɨnoi vae güi cincuenta año güɨnoi vae pe, opaete ipuere oyapo tupao guakapi pegua pe mbaravɨkɨ vae reta.