ESDRAS 3:13 - Biblia Guarani Tumpa Iñee

¹³ Jare mbaetɨ oyeendu kavi, jäse oyaeo vae jare jäse osapúkai oyerovia güi vae reta; echa täta yae jäsémbai reta vae mombɨrɨ oyeendu.

ESDRAS 3:13 ပူးပေါင်းရင်းမြစ်များ

1 REYES 1:40

Javoi opaete vae yogüɨraja jaɨkue, otairari omoñee reve mimbɨ, jare oyerovia yae vae reta isapúkai omokana etei ɨvɨ.

1 REYES 1:45

Sacerdote Sadoc jare ñeemombeúa Natán oñono tee reta mburuvicha guasurä, Gihón pe, jare joko güi oyerovia yae oyerova reta. Jáeramo tëta guasu pe jäsémbai vae, jókuae jäsémbai vae ko pe reta peendu.

ESDRAS 3:12

Jare jeta sacerdote reta jare levita reta, jare metei tëtara vae itenondegua reta indechi ma vae reta oecha tenondegua tupao vae reta, oecha yave oñono reta o iguapɨka, oyaeo reta jäse reve, ïru reta osapúkai oyerovia reve.

ESDRAS 4:1

Judá jare Benjamín iñemuña jovaicho reta oendu yave oyerova ye iɨvɨ pe vae reta, omboɨpɨ ye omopüa tupao guasu yandeYa, Israel iTumpa imbae,

NEHEMÍAS 12:43

Jókuae ara omee reta jeta mɨmba oyeyukagüe Tumpa peguarä, jare oyerovia yae reta, echa Tumpa omee yerovia katu chupe reta; oyerovia vi kuña reta jare michia reta; jare jókuae yerovia katu oï Jerusalén pe vae matɨ oyeendu.

SALMOS 5:11

Ërei ngatu toyerovia yae opaete nderé oyeko vae reta; totairari reta yerovia katu reve jekuae avei, echa nde ko reepɨ; nderé toyerovia katu opaete nderee oaɨu vae reta.

JEREMÍAS 33:11

oyeendu yeta tairari arete pegua jare yerovia pegua, jare tairari menda pegua jare oyeenduta jei vae: ‘Pemee yasoropai yandeYa Imbaepuere yae ete vae pe, echa jae ipɨakavi jare iporoaɨu opambae ko.’ Jare güeru reta yeta mbota yasoropai pegua tupao pe, echa aru yeta tembipɨɨ güi, yogüɨreko ye vaerä tenonde yave rupi rami. Che ndeYa ko jae kuae.”

JEREMÍAS 50:4

YandeYa jei: “Jókuae ara Israel jare Judá pegua reta yogüeruta oyaeo reve chereeka, che iYa Tumpa.

ZACARÍAS 4:7

¿Mbae pa nde ɨvɨtɨ? Zorobabel jóvai repɨtata ñuu ipe kavi vae rami; jae oekɨta tenondegua ita jeta vae isapúkai reve: ¡Ikavi yae ko! ¡Ikavi yae ko!’ ”

JUECES 2:5

Jáeramo, jókuae oyaeo rendaa ombojee reta Boquim jare joko pe omee reta mɨmba oyeyukagüe yandeYa pe.

1 SAMUEL 4:5

Jare yandeYa ikäjou morogüɨrökuavee päve pegua güeru güɨroväe teyupa pe yave, Israel iñemuña reta osapúkai täta oyerovia güi, omokana etei reta ɨvɨ isapúkai pe.