ESDRAS 3:12 - Biblia Guarani Tumpa Iñee

¹² Jare jeta sacerdote reta jare levita reta, jare metei tëtara vae itenondegua reta indechi ma vae reta oecha tenondegua tupao vae reta, oecha yave oñono reta o iguapɨka, oyaeo reta jäse reve, ïru reta osapúkai oyerovia reve.

ESDRAS 3:12 ပူးပေါင်းရင်းမြစ်များ

ESDRAS 3:13

Jare mbaetɨ oyeendu kavi, jäse oyaeo vae jare jäse osapúkai oyerovia güi vae reta; echa täta yae jäsémbai reta vae mombɨrɨ oyeendu.

JOB 8:7

Jare yepe tëi tenonde yave ndeparavete, ërei jaɨkue rupi reikokatu yaeta.

SALMOS 126:6

Ojo yaeo reve temitɨ kavi güɨraja vae, oyerovia reve oyerova yeta, güeru reve imbaagüɨye reta.

SALMOS 147:1

¡Pemboete yandeYa! ¡Ikavi ko yatairari vaerä salmo reta ñaneTumpa pe! Echa ikavi jare ipöra yae ko ñamee mbaemboete chupe vae.

ISAÍAS 41:14

YandeYa jei: “Israel, Jacob iñemuña reta, yepe tëi mbovɨ yae peiko ani ndepɨtu yae, ërei agüɨye ekɨɨye; che ko romborɨ. Che, Tumpa Iyoambae Israel pegua ko jae ndeReepɨ vae.

ISAÍAS 60:22

Kuae mbovɨ yae vae, oyembojeta yaeta; kuae tëta michi yae vae, tëtaguasu tuicha yae vaerä ko. Che ndeYa, ameeta oyembopo vaerä jarembae, iara pe kavi.”

JEREMÍAS 50:4

YandeYa jei: “Jókuae ara Israel jare Judá pegua reta yogüeruta oyaeo reve chereeka, che iYa Tumpa.

HAGEO 2:3

‘Pegüi opɨta vae reta oecha kuae tupao kërai ko iyemboetea tenonde rupi vae, jare añave ¿kërai pa pemae jese? Mbaetɨ etei ko mbae, oyemboyovake yave jókuae tenondeguagüe tupao ndive.

ZACARÍAS 4:10

“Echa jókuae ara oyemboɨpɨ ramo yave mbaeä etei omae jese vae reta oyeroviata, jare oecha retata Zorobabel ipo pe güɨnoi plomada.” Kuae jaɨkue rupi araɨgua jei ye: “Kuae chiu mechero vae reta jae ko yandeYa jesa omae opaete ɨvɨ re vae.”