ESDRAS 3:11 - Biblia Guarani Tumpa Iñee

¹¹ Jare otairari reta, ombaemboete reta omee reta yasoropai yandeYa pe, jei reve: “Jae ipɨakavi ko, echa iporoparareko jekuae avei Israel re.” Jare opaete vae reta osapúkai täta oyerovia reve omboete reta yandeYa, echa jo iguapɨka oyemboɨpɨ ma oñeñono.

ESDRAS 3:11 ပူးပေါင်းရင်းမြစ်များ

1 CRÓNICAS 16:34

Pemee yasoropai yandeYa pe, echa jae ipɨakavi, echa iporoparareko opambae ko.

1 CRÓNICAS 16:41

Oeya vi jae reta ndive Hemán, Jedutún jare opaete oyembojee otairari vaerä vae: “Omee reta vaerä yandeYa pe mbaemboete, echa iporoparareko opambae ko.”

2 CRÓNICAS 5:13

Omoñee reta mimbɨguasu reta yave, jare otairari reta metei rami omboete vaerä jare omee vaerä yasoropai yandeYa pe yave, jare mimbɨguasu reta iñee ndive omboete reta yandeYa, jei reve: “Echa jae ipɨakavi, iporoparareko jekuae avei.” Jayave amapɨtu tɨnɨe yandeYa itupao guasu.

2 CRÓNICAS 7:3

Jare Israel iñemuña reta oecha yave ou tata jare yandeYa iyemboetea tupao guasu re, oyetavatɨka reta itindɨasɨ piso re omboete reta jare omee reta yasoropai yandeYa pe, jei reta reve: “Echa jae ipɨakavi jare iporoparareko jekuae avei.”

NEHEMÍAS 12:24

Levita tenondegua reta güi jae ko: Hasabías, Serebías, Jesúa jare Cadmiel jare jëtara reta ñogüɨnoi jae reta ndive ombaemboete jare oyerure vaerä Tumpa pe, metei ñavo oäro mbae ara pe ra oyeokuaita vae, David, Tumpa jembiokuai oeya mborookuai rami.

NEHEMÍAS 12:40

Javoi jókuae mókoi atɨ reve otairari vae reta opa yogüɨraja oväe Tumpa jo pe; jare ore rojo vi roväe jókuae mbovɨ mburuvicha yogüɨreko cherupíe vae reta ndive.

SALMOS 100:5

Echa yandeYa ipɨakavi ko; iporoparareko jekuae avei vae ko, jare iñee ombopo avei vae ko.

SALMOS 103:17

Ërei yandeYa iporoparareko, opambae vae ko, oipoɨu chugüi vae reta re; imbaejupi jekuae kuae rupi vae ko,

SALMOS 106:1

¡Aleluya! Pemboete yandeYa, echa jae ko ipɨakavi, echa iporoparareko jekuae avei vae ko.

SALMOS 107:1

Pemboete yandeYa, echa jae ko ipɨakavi, echa iporoparareko jekuae avei vae ko.

SALMOS 118:1

Pemboete yandeYa, echa jae ipɨakavi ko; echa iporoparareko jekuae avei vae ko.

SALMOS 131:1

CheYa, mbaetɨ chepɨayemboete, mbaetɨ aipotarai mbae re amae, mbaetɨ aeka mbae tuicha vae cheyeupe.

SALMOS 135:3

Pemboete yandeYa, petairari salmo reta pe chupe, echa jae ipɨakavi ko.

SALMOS 47:1

¡Opaete vae reta, peyepopete! ¡Pesapúkai Tumpa pe peyerovia katu reve!

SALMOS 47:5

¡YandeYa Tumpa oyeupi iguapɨa mborookuaía pegua pe, sapúkai yerovia katu pegua jare mimbɨguasu iñee ndive!

ÉXODO 15:21

jare María jei chupe reta: “Petairari yandeYa pe, echa oyembotuicha yae ete, opa omopɨ̈tupa ɨguasu pe kavayu jare kavayu regua reta.”

ISAÍAS 12:6

Pesapúkai jare petairari peyerovia güi, pe Sión pegua reta, echa Tumpa, Iyoambae Israel pegua tuicha yae vae, oime oï pepɨte pe.”

ISAÍAS 44:23

¡Ara, etairari reyerovia reve yandeYa oyapogüe re! ¡Ɨvɨroso guasu, esapúkai reyerovia reve! ¡Ɨvɨtɨ reta jare kaa reta opaete ɨvɨra reta pɨpegua ndive, pesapúkai peyerovia reve! Echa yandeYa oyora Israel, Jacob iñemuña reta, jare Israel iñemuña rupi oyemboeteuka yaeta.

ISAÍAS 6:3

Jare osapúkai päve jei oyoupe reta: “Iyoambae, Iyoambae, Iyoambae ko yandeYa Imbaepuere yae ete vae; opaete ɨvɨ tɨnɨe oï iyemboetea pe.”

JEREMÍAS 33:11

oyeendu yeta tairari arete pegua jare yerovia pegua, jare tairari menda pegua jare oyeenduta jei vae: ‘Pemee yasoropai yandeYa Imbaepuere yae ete vae pe, echa jae ipɨakavi jare iporoaɨu opambae ko.’ Jare güeru reta yeta mbota yasoropai pegua tupao pe, echa aru yeta tembipɨɨ güi, yogüɨreko ye vaerä tenonde yave rupi rami. Che ndeYa ko jae kuae.”

HAGEO 2:3

‘Pegüi opɨta vae reta oecha kuae tupao kërai ko iyemboetea tenonde rupi vae, jare añave ¿kërai pa pemae jese? Mbaetɨ etei ko mbae, oyemboyovake yave jókuae tenondeguagüe tupao ndive.

ZACARÍAS 4:7

¿Mbae pa nde ɨvɨtɨ? Zorobabel jóvai repɨtata ñuu ipe kavi vae rami; jae oekɨta tenondegua ita jeta vae isapúkai reve: ¡Ikavi yae ko! ¡Ikavi yae ko!’ ”

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

San Lucas 1:50

Jare Tumpa güɨnoi avei mboroparareko oipoɨu chugüi vae reta re.

JOSUÉ 6:10

Jare Josué oyókuai opaete vae, jei reve: “Pe reta agüɨye pesapúkai, peñee ave agüɨye pemoë; ‘¡pesapúkai!’, jae peve yave ramo, pesapukaita.”

JOSUÉ 6:16

Sacerdote reta chiúa ma omoñee reta temimbɨ yave, Josué jei opaete vae pe: “¡Pesapúkai! Echa yandeYa omee ma peve kuae tëta guasu.

JOSUÉ 6:5

Peendu omoñee puku reta mimbɨ vecha kuimbae-räti pegua yave, opaete vae tosapúkai täta, jare tëta guasu ikësea osururuta; jayave opaete vae metei ñavo toyeupi sɨmbi jenonde kotɨ.”