ESDRAS 3:1 - Biblia Guarani Tumpa Iñee

¹ Jare chiúa yasɨ pe, Israel iñemuña reta ñogüɨnoi kavi ma jëta guasu reta rupi yave, oyomboatɨ reta metei ramiño Jerusalén pe.

ESDRAS 3:1 ပူးပေါင်းရင်းမြစ်များ

NEHEMÍAS 7:72

jare ïru opaete vae reta omee ciento sesenta kilo oro, mil cien kilo korepoti, sesenta y siete temimonde sacerdote pegua.

NEHEMÍAS 7:73

Sacerdote reta, levita reta, öke iyangarekoa reta, otairari vae reta, opaete vae reta, tembiokuai reta tupao guasu pe oyeokuai vae jare opaete Israel iñemuña reta oñemoëta jëta jëta ae pe.” Oväe yasɨ chiúa, Israel iñemuña reta ñogüɨnoi ma jëta jëta ae rupi.

NEHEMÍAS 8:1

Javoi oyomboatɨ opaete vae reta metei rami oka guasu pe, öke Ɨ Röke jee vae jóvai, jare jei reta Esdras mborookuai re oporomboe vae pe güeru vaerä tembikuatía Moisés oikuatía mborookuai reta pɨpe vae, yandeYa omee Israel iñemuña reta pe vae.

NEHEMÍAS 8:14

Jare oväe reta mborookuai pe oyekuatía oï, kërai yandeYa Tumpa oporookuai Moisés rupi, ñogüɨnoi vaerä opaete Israel iñemuña reta o ñairaka pegua pe, yasɨ chiúa pe, arete mbaemboete pegua oyeapo yave;

LEVÍTICO 16:29

Kuae mborookuai jekuae avei pegua toiko peveguarä: Chiu yasɨa pe, payandepo araa pe jókuae yasɨ, peiporarauka peyeupe aeño, agüɨye peyapo mbae nunga mbaravɨkɨ ani ketɨgua reta ave pepɨte rupi yogüɨreko vae.

LEVÍTICO 23:24

“Ere Israel iñemuña reta pe: Tenondegua ara chiúa yasɨ pe, peyapo ara mbutuu pegua, peyapo yemboatɨ mbaemboete jare yemomaendúa pegua mimbɨñee rupi.

SOFONÍAS 3:9

Jókuae ara, che ameeta opaete vae pe iñee kavi vaerä, jökorai opaete vae chereenɨi vaerä jare oyeokuai vaerä cheve ipɨa-kɨ̈reɨ ngatu reve.

Hechos 2:46

Jare ara ñavo oyemboatɨ avei reta tupao pe. Jare o ñavo rupi omboyao tembíu oyoupe, okaru päve reta oyerovia jare ipɨakatu reve,

Hechos 4:32

Jare opaete oporogüɨrovia vae reta metei ramiño ñogüɨnoi. Mbaetɨ metei ave jei imbaembae re: “Kuae ko chembae.” Echa opaete imbaembae reta güɨnoi metei ramiño.

1 Corintios 1:10

Cherɨvɨ reta, che pomoñera yandeYa Jesucristo jee re pemiari kavi metei rami, agüɨye peyemboyao oyougüi. Pomoñera peiko kavi vaerä oyoupi. Toyovake peyemongeta jare pepɨa yovake.

DEUTERONOMIO 16:16

Opaete kuimbae reta toyogüeru mboapɨ vese año pe yandeYa Tumpa jóvai, jókuae jae oiparavo jee oï pɨpea pe: Arete mbɨyape oyembovumbae pegua pe, arete semana vae pe, jare o ñairaka pegua iyarete pe. Agüɨye etei kia tou ipogüɨrai yandeYa jóvai,

JUECES 20:1

Jayave opaete Israel iñemuña reta ñogüɨnoe, Dan güive Beerseba jare Galaad kotɨ güi, oyomboatɨ reta metei rami Mizpa pe, yandeYa jóvai.