ESDRAS 2:70 - Biblia Guarani Tumpa Iñee

⁷⁰ Jare opaete yogüɨreko jëta jëta ae pe, sacerdote reta, levita reta, tëta pegua reta, otairari vae reta, öke iyangarekoa reta, tupao guasu pe oyeokuai vae reta, jare opaete Israel iñemuña reta opɨta jëta guasu reta ae rupi.

ESDRAS 2:70 ပူးပေါင်းရင်းမြစ်များ

2 REYES 7:10

Jayave yogüeru, jare osapúkai reta sundaro reta tëta guasu jöke järoa pe, jei reta: —Rojo Siriaɨgua reta jeyupa pe, jare mbaetɨ etei kia joko pe oï vae, mbaetɨ etei ñee ave oyeendu joko pe. Jaeño ete ñogüɨnoi kavayu reta, mburika reta oñeapɨti oï jare küaraɨa guakapi pegua reta, jae reta omopüa ramiño ñogüɨnoi.

1 CRÓNICAS 11:2

Jare tenonde rupi Saúl oikose mburuvicha guasurä oreve yave, nde ko rerajase Israel iñemuña reta ñeraroa pe, jare reroyerova reta ye yepi. Jare yandeYa jei vi ndeve: ‘Nde reyangarekota tëta chembae Israel re, jare reikota Israel pe mburuvicharä.’ ”

1 CRÓNICAS 9:2

Tenonde ete yogüeru ye iɨvɨ ae pe jare jëta guasu pe vae jae Israel iñemuña reta, sacerdote reta, levita reta jare tembiokuai tupao pe oyeokuai vae reta.

ESDRAS 2:1

Jae kuae Israel iñemuña reta ɨvɨ Judá pegua, mburuvicha guasu Nabucodonosor güɨraja Babilonia pe vae, jare añave amogüe oyerova reta ye Jerusalén pe jare Judá pe jëta jëta ae rupi vae.

NEHEMÍAS 7:73

Sacerdote reta, levita reta, öke iyangarekoa reta, otairari vae reta, opaete vae reta, tembiokuai reta tupao guasu pe oyeokuai vae jare opaete Israel iñemuña reta oñemoëta jëta jëta ae pe.” Oväe yasɨ chiúa, Israel iñemuña reta ñogüɨnoi ma jëta jëta ae rupi.