ESDRAS 2:68 - Biblia Guarani Tumpa Iñee

⁶⁸ Jare amogüe tëtara reta itenondegua reta yogüeru oväe yandeYa jo oikoa pe Jerusalén pe yave, omee reta mbota ipɨa-kɨ̈reɨ reve, Tumpa jo oñemopüa pɨau ye vaerä jenda ae pe.

ESDRAS 2:68 ပူးပေါင်းရင်းမြစ်များ

1 CRÓNICAS 21:18

Jayave yandeYa iaraɨgua oyókuai Gad jei vaerä David pe omopüa vaerä metei mɨmba oyeyuka oyeapɨ jese vae yandeYa pe Ornán Jebús pegua itrigo oyembopiriría pe.

1 CRÓNICAS 22:1

Jáeramo jei David: “Kuae pe oïta yandeYa Tumpa jo, jare kuae pe mɨmba oyeyuka oyeapɨ jese vae, mɨmba oyeyukagüe opaetei oyeapɨ vae Israel peguarä.”

2 CRÓNICAS 3:1

Salomón omboɨpɨ omopüa tupao guasu yandeYa pe Jerusalén pe, ɨvɨtɨ Moriah re yandeYa oyekuaa tu David pea pe, joko pe David oñono kavi tupao jendarä, jae ko jebuseo Ornán trigo ombopiriría pe.

ESDRAS 2:67

cuatrociento treinta y cinco camello, jare seis mil seteciento veinte mburika.

ESDRAS 2:69

Jare oime güɨnoi rupi omee reta mbaravɨkɨ peguarä mbae iñovatúa ipo pe, cuatrociento ochenta y ocho kilo oro, dos mil seteciento cincuenta kilo korepoti, jare cien temimonde sacerdote pegua.

ESDRAS 3:3

Jare omopüa reta mɨmba oyeyukagüe oyeapɨ jese vae jendagüe re etei, echa okɨɨye reta jókuae ɨvɨ pegua kuimbae reta güi, jare omee reta jese mɨmba oyeyukagüe opaetei oyeapɨ vae yandeYa pe, ndeimbove yave jare kaaru yave.

ESDRAS 9:9

Echa tembiokuairä roiko, ërei royeokuai pɨte pe nde oreTumpa mbaetɨ orereeya, nde oreparareko mburuvicha guasu reta Persia pegua jóvai, oremoäta ngatu romopüa pɨau ye vaerä tupao guasu oyemboai vae, ¡oreangareko Judá pe jare Jerusalén pe!

SALMOS 110:3

Nerëtaɨgua reta oñemeeta ndeve ikɨ̈reɨ ngatu reve, renoi ma mbaepuere yave, ɨvɨtɨ oñeñono teea pe. Köembipe pegua ɨsápɨi rami, ara ñavo ndetaɨrusuta.

ÉXODO 25:2

“Ere Israel iñemuña reta pe tomee cheve mbota; opaete kuimbae ipɨakatu reve kavi tomee reta cheve mbota;

ÉXODO 35:21

javoi, opaete ipɨa pe oyandu kɨ̈reɨ ngatu vae, ipɨakavi reve güeru mbota yandeYa pe, tupao guakapi pegua oyeapo vaerä jare opaete mbaembae pɨpegua oyeapo vaerä, jare temimonde retarä.

ÉXODO 35:29

Kuimbae jare kuña Israel iñemuña reta, oime kɨ̈reɨ ngatu güɨnoi oporomborɨ vaerä opaete mbaravɨkɨ pe vae, oyeapo vaerä yandeYa oyókuai Moisés vae, güeru reta mbota ipɨakavi reve yandeYa pe.

ÉXODO 36:3

Jare oipɨɨ reta mbota Moisés güi Israel iñemuña reta güerugüe, o mbaemboetea pegua mbaravɨkɨ oyeapo vaerä vae. Jare Israel iñemuña reta jekuaeñoi ara ñavo güeru mbota, ipɨakavi reve omee reta vae.

2 Corintios 8:12

Echa ñanekɨ̈reɨ ngatu reve ñamee yave, Tumpa omboyerovia jókuae ñanoi rupi ñamee vae. Tumpa mbaetɨ oeka yandeve mbaetɨ ñanoi vae.

2 Corintios 8:3

Chepuere amombeu peve kërai jae reta omee güɨnoi rupi vae, jare oasa ye omee reta güɨnoi vae güi,

2 Corintios 9:7

Metei ñavo tomee, ipɨa pe oñono omee vaerä vae. Agüɨye tomee ipɨatɨtɨ reve ani che jae chupe güiño, echa Tumpa oaɨu oyerovia reve omee vae.