ESDRAS 2:63 - Biblia Guarani Tumpa Iñee

⁶³ Jare tëta ruvicha jei agüɨye vaerä jou tembíu oñeñono tee Tumpa peguarä vae güi, sacerdote oparandu regua Tumpa pe, Urim jare Tumim rupi.

ESDRAS 2:63 ပူးပေါင်းရင်းမြစ်များ

ESDRAS 2:64

Opaete reve oyemboatɨ vae jae ko cuarenta y dos mil tresciento sesenta,

NEHEMÍAS 10:1

Jee oikuatía vae reta jae ko: Che mburuvicha Nehemías, Hacalías taɨ, jare Sedequías,

NEHEMÍAS 10:2

Seraías, Azarías, Jeremías,

NEHEMÍAS 7:65

Jare tëta ruvicha jei chupe reta agüɨye vaerä jou reta oñeñono tee kavi yae Tumpa peguarä vae güi, ou regua metei sacerdote oikuaauka ita Urim jare Tumim jee vae rupi vae.

NEHEMÍAS 8:9

Jare mburuvicha Nehemías jare sacerdote Esdras mborookuai re oporomboe vae, jare levita reta omombeu kavi opaete vae pe vae, jei reta opaete vae pe: “Kuae ara oñeñono tee yandeYa Tumpa pe vae ko; agüɨye pepɨatɨtɨ, agüɨye peyaeo.” Echa opaete vae oyaeo oendu ramboeve ñee reta mborookuai regua.

ÉXODO 28:30

Jare toñono reta pɨtía regua morojäa pegua re Urim jare Tumim, Aarón güɨraja vaerä ipɨtía re oike yave che peYa jóvai; jökorai Aarón togüɨraja avei ipɨtía re Israel taɨ reta jee cheróvai.

LEVÍTICO 2:10

Jare jókuae mbota güi jembɨregüe topɨta Aarón jare taɨ reta peguarä; mbae oñeñono tee kavi yae ete vae ko mbota reta güi cheveguarä.

LEVÍTICO 2:3

Jare mbota güi jembɨregüe topɨta Aarón jare taɨ reta peguarä; mbae oñeñono tee kavi yae ete vae ko, mbota reta güi cheveguarä.

LEVÍTICO 22:10

Agüɨye kia nunga vae sacerdote iñemuña peguambae vae tou kuae mbota oñeñono tee vae güi. Agüɨye tou mbota oñeñono tee vae güi sacerdote imboupa ani oparavɨkɨ chupe vae.

LEVÍTICO 22:13

Ërei sacerdote tayɨ imemano vae ani ime omombogüe jare mbaetɨ imembɨ, jökorai ou ye yave oiko tu jo pe tenonde taɨrusu yave oikose rami, ipuere jou tu jembíu. Ërei sacerdote iñemuña peguambae reta mbaetɨ ipuere jou mbota reta oñeñono tee vae güi.

LEVÍTICO 6:17

Agüɨye tomboyɨ reta mbae oyembovu pɨpe vae ndive; amee ko chupe reta mbota oyeapɨ oñemee cheve vae güi jae reta imbaerä; jae ko mbae oñeñono tee kavi yae cheve vae, mɨmba oyeyukagüe mbaeyoa re vae rami, jare mɨmba oyeyuka ñɨ̈ro peguarä vae rami.

LEVÍTICO 6:29

Opaete sacerdote reta tou joko güi. Kuae ko mbae oñeñono tee kavi yae Tumpa peguarä vae.

LEVÍTICO 7:16

Ërei omee yave mɨmba oyeyukagüe iñererökuavee ombopo vaerä ani ipɨa-kɨ̈reɨ ngatu rupi vae, toyeu jókuae mbota jókuae ara oñemee yave, jare jembɨregüe toyeu pɨareve pe.

LEVÍTICO 8:8

Jare oñono jese pɨtía regua jare oñono pɨpe ita Urim jare Tumim jee vae.

NÚMEROS 18:19

Opaete Israel iñemuña reta mbota güɨrökuavee omee cheve mbae oñeñono tee vae güi vae amee ko ndeve, nderaɨ reta jare nderayɨ reta yogüɨreko ndépɨri vae pe, jekuae avei pegua; yukɨ morogüɨrökuavee päve jekuae avei pegua ko yandeYa oyapo, nde ndive jare neñemuña reta ndive.”

NÚMEROS 18:32

Jökorai, omee yave ikavigüe cheveguarä, mbaetɨta iyoa jou yave; jare mbaetɨta omongɨa Israel iñemuña reta mbae oñono tee vae, jare ngaraa omano.’ ”

NÚMEROS 27:21

Jare tojo sacerdote Eleazar jóvai, jae toparandu cheve Urim rupi. Josué tomee mborookuai, jae iporookuai rupi opaete mbae toyeapo.

DEUTERONOMIO 33:8

Leví iñemuña reta pe jei: “CheYa ndeTumim jare ndeUrim emee nderembiokuai jupi vae pe, Masah pe rejäa vae, reyomboarasɨ jae ndive ɨ Meriba pegua pe vae,

1 SAMUEL 28:6

Jayave oparandu yandeYa pe; ërei yandeYa mbaetɨ omombeu chupe mbaɨu rupi, Urim rupi, ani ñeemombeúa reta rupi ave.