ESDRAS 10:8 - Biblia Guarani Tumpa Iñee

⁸ Jare mboapɨ araa rupi kia nunga mbaetɨ ou yave, toñepɨ̈ro opaete imbaembae chugüi, mburuvicha reta jare tenondegua reta jei rami, jare toyemombo tembipɨɨ güi oyerova ye vae reta ipɨte güi.

ESDRAS 10:8 ပူးပေါင်းရင်းမြစ်များ

ESDRAS 10:7

Javoi omoërakuauka Judá rupi jare Jerusalén rupi opaete tembipɨɨ güi oyerova ye vae, oyemboatɨ vaerä Jerusalén pe.

ESDRAS 10:9

Jökorai opaete kuimbae reta Judá pegua jare Benjamín pegua reta oyemboatɨ mboapɨ araa pe Jerusalén pe, veinte ara chau yasɨa re. Jare opaete oguapɨ reta Tumpa itupao joka pe, orɨrɨi reta okɨɨye güi jare omborɨrɨi reta ama okɨ vae.

ESDRAS 7:26

Jare kia nunga vae mbaetɨ oyapo mburuvicha guasu jare neTumpa iporookuai yave, toñejäauka voi jare jeko oï rupi tomano, ani toyemombouka, tombaemboepɨ, ani toñeñono tembɨpɨɨrɨru pe.”

NEHEMÍAS 13:28

Jare metei Joiada taɨ, sacerdote tenondegua Eliasib jɨmɨmino amombo cheɨpɨ güi; jókuae kuimbae ko Sanbalat horonita jovaya.

NEHEMÍAS 13:3

Javoi, jae reta oendu mbae ko mborookuai jei vae yave, omboyao reta Israel iñemuña reta güi opaete oyea jugüɨ ketɨgua reta ndive vae.

LEVÍTICO 27:28

Ërei mbaetɨ eteita oñemee ani oyegua mbae oñemee oñeñono tee cheve vae, kuimbae, mɨmba ani ɨvɨ, opaete mbae oñeñono tee vae, toñeñono tee kavi yae cheveguaräño.

San Mateo 18:17

Jare mbaetɨ oipota yave oyeapɨsaka jese reta ave, emombeu Tumpa jembiparavo reta pe. Ërei nerëtara mbaetɨ oipota oyeapɨsaka jókuae reta re ave yave, emae jese metei judiombae rami ani mburuvicha peguarä okovara vae rami.

San Juan 16:2

Judío reta pemombota itupao reta güi. Jare oväeta ara, jókuae peyuka vae reta güɨroviata Tumpa pe ko oyeokuai.

San Juan 9:22

Körai jei tu reta, okɨɨye reta ramo judío reta güi. Echa judío reta jei ma oyoupe: “Jókuae ‘Jesús ko jae Mesías’, jei vae toyemombo yandetupao güi.”

San Juan 9:34

Jayave judío reta jei chupe: —Nde rea mbaeyoa pe voi vae, ¿oremboeta ra? Jayave omombo reta joko güi.

1 Corintios 5:13

Tumpa ko ojäata jókuae oporogüɨroviambae vae reta. Jáeramo peekɨ pepɨte güi jókuae ikavimbae iyapoa.

JOSUÉ 6:19

Ërei opaete korepoti, oro, tembiporu jiero iyu vae pegua, jare jiero pegua, toñeñono tee yandeYa peguarä, jare toike yandeYa jo pe mbaembae jepɨ vae oñeñovatúa pe.”

JUECES 21:5

Jare oparandu reta oyoupe: “¿Kia pa yandegüi reta mbaetɨ oï yandepɨte pe yayemboatɨ yave Mizpa pe?” Echa jei reta, añetete oyukata jókuae mbaetɨ oï yemboatɨa pe vae.

1 SAMUEL 11:7

Oipɨɨ oyuka mókoi güeye jare opa oyasɨa sɨa, jare omondo opaete Israel iɨvɨ rupi ñee jerajaa reta ndive jei reve: “Köraita oyeapo igüeye jókuae ñäteɨ oñemoïru che ndive jare Samuel ndive vae.” Jare Tumpa ombou kɨɨye opaete re, jare metei rami tëta ñogüɨnoe oñemoïru jae reta ndive.