ESDRAS 10:6 - Biblia Guarani Tumpa Iñee

⁶ Javoi Esdras ojo Tumpa jo jóvai güi, jare oike Johanán, Eliasib taɨ jo pe, jare joko pe opɨta, mbaetɨ okaru jare oɨu, echa ipɨatɨtɨ yae tembipɨɨ güi oyerova ye vae reta iyoa re.

ESDRAS 10:6 ပူးပေါင်းရင်းမြစ်များ

ESDRAS 10:1

Esdras oyerure jare oyemombeu oyaeo reve oyetavatɨka Tumpa jo jóvai oï ramboeve, jeta yae Israel iñemuña reta yatɨ jese: Kuimbae reta, kuña reta jare michia reta; opaete vae oyaeo reta ipɨatɨtɨ reve.

ESDRAS 10:7

Javoi omoërakuauka Judá rupi jare Jerusalén rupi opaete tembipɨɨ güi oyerova ye vae, oyemboatɨ vaerä Jerusalén pe.

ESDRAS 9:4

Jare oyemboatɨ reta aïa pe opaete okɨɨye Israel iTumpa güi vae, tembipɨɨ güi oyerova ye vae reta oyavɨ oikuaa reve jeko pegua, ërei che chepɨatɨtɨ yae apɨta mɨmba oyeyukagüe oñemee vae iora regua kaaru yave,

NEHEMÍAS 12:10

Jesúa jae Joiacim tu, Joiacim jae Eliasib tu, jare Eliasib jae Joiada tu;

NEHEMÍAS 12:22

Eliasib, Joiada, Johanán jare Jadúa sacerdote tenondegua yogüɨreko yave, tëtara ñavo tenondegua reta levita reta jare sacerdote reta jee oyekuatía, Darío Persia pegua oiko regua mburuvicha guasu.

NEHEMÍAS 13:28

Jare metei Joiada taɨ, sacerdote tenondegua Eliasib jɨmɨmino amombo cheɨpɨ güi; jókuae kuimbae ko Sanbalat horonita jovaya.

NEHEMÍAS 13:5

jare oiporuka yepe chupe cuarto tuicha vae oñeñovatuse pɨpe mbota reta vae, ikäti kavi vae incienso, tembiporu reta, jare payandepo güi metei oñemee trigo vae, vino vae, jare olivo iasaite reta güi vae, echa joko güi ko oñemeese yepi levita reta pe, otairari vae reta pe, öke iyangarekoa reta pe, jare vi mbota sacerdote reta peguarä oñemee vae.

NEHEMÍAS 3:1

Jayave sacerdote tenondegua Eliasib jare jëtara sacerdote reta ndive omopüa reta ye öke Vecha Röke jee vae. Oñono reta jese ɨvɨra oñeopagüe jare oyapo reta ye öke, omopüa reta ye vi tëta ikësea maeka ɨvate vae Hamea jee vae güive maeka ɨvate vae Hananeel jee vae pe.

NEHEMÍAS 3:20

Chugüi kutɨ oï Baruc, Zabai taɨ, ipɨa-kɨ̈reɨ ngatu reve omopüa ye, ekina güive oyapo güɨrajai güɨroväe sacerdote tenondegua Eliasib jöke pe.

JOB 23:12

Mbaetɨ apia jae iporookuai güi, ambotenonde iñee, tembíu güi.

SALMOS 102:4

Chepɨa ipuere veä ma, ñana opa ipiru vae rami aï; ¡jáeramo, cheakañɨ tembíu güi ave!

ÉXODO 34:28

Moisés opɨta yandeYa ndive joko pe cuarenta ara jare cuarenta pɨ̈tu, okarumbae jare oɨumbae; jare oikuatía ita ipe vae re ñee reta morogüɨrökuavee päve pegua, payandepo mborookuai reta.

ISAÍAS 22:12

Jáeramo, kuae ara yandeYa Imbaepuere yae ete vae, oparea peve reta peyaeo vaerä jare pepɨatɨtɨ vaerä, oparea peve reta peñeapi vaerä jare pemonde reta vaerä temimonde mbɨatɨtɨ pegua.

DANIEL 9:3

Ayerure cheYa Tumpa pe yemborɨ re, ayekuaku reve tembíu güi, ayemonde temimonde mbɨatɨtɨ pegua pe jare aguapɨ tanimbu re chepɨatɨtɨ güi.

DEUTERONOMIO 9:18

Javoi ayetavatɨka yandeYa jóvai tenonde yave rami, cuarenta ara jare cuarenta pɨ̈tu akarumbae jare aɨumbae, pe reta peyoa pemboarasɨuka yandeYa jeko pegua.