ESDRAS 10:4 - Biblia Guarani Tumpa Iñee

⁴ Epüa, echa kuae jae ko ndeparavɨkɨ, jare ore reta roïta nde ndive; eñemoäta ngatu jare eparavɨkɨ.”

ESDRAS 10:4 ပူးပေါင်းရင်းမြစ်များ

1 CRÓNICAS 22:19

Jáeramo, peñemoäta ngatu peeka yandeYa Tumpa. Jayave peïndaivi pemopüa vaerä o mbaemboete pegua Tumpa yandeYa pe, yaroyakavo vaerä käjou morogüɨrökuavee päve pegua Tumpa imbae jare tembiporu reta oñeñono tee tupao pe Tumpa peguarä vae oñemopüata yandeYa peguarä.”

1 CRÓNICAS 28:10

Mase, añave yandeYa ndeparavo remopüa vaerä chupe metei o mbaemboete pegua. ¡Jáeramo, eñemoäta ngatu jare eyapo!’ ”

1 CRÓNICAS 28:20

Jayave David jei taɨ Salomón pe: “¡Eñemoäta ngatu jare eñemomɨ̈rata, eyapo mbaravɨkɨ! ¡Agüɨye eyembopɨtu jare ekɨɨye, echa yandeYa cheTumpa oïta nde ndive! Jae ngaraa ndereeya ani osɨrɨ ndegüi opa reyapo regua mbaravɨkɨ yandeYa pe: Tupao jare opaete oyeporuta pɨpe vae.

1 CRÓNICAS 28:21

Ko ñogüɨnoi sacerdote jare levita reta mbaravɨkɨ oyapo vaerä tupao pe; ñogüɨnoi aveita nde ndive opaete mbaravɨkɨ pe; jökoraiño vi ikɨ̈reɨ ngatu vae reta jare ipɨarakuaa opaete mbaravɨkɨ pe vae, mburuvicha reta jare opaete vae oyapo vaerä nde rere vae.”

ESDRAS 10:5

Jayave Esdras opüa jare jeiuka Tumpa jee re sacerdote reta, jare levita reta itenondegua pe, jare opaete Israel iñemuña reta oyapo vaerä jókuae jei vae; jare jae reta oñererökuavee Tumpa jee re oyapo vaerä.

ECLESIASTÉS 9:10

Opaete mbae renoi reyapo vaerä vae, eyapo ndepuere rupi; echa omanogüe reta ñogüɨnoia pe, jókuae reotaa pe, mbaetɨ etei mbae oyeapo, mbaetɨ mbaravɨkɨ, mbaetɨ yemboe tuichagüe, mbaetɨ arakuaa ave.

San Marcos 13:34

Yambojaanga metei kuimbae ojo mombɨrɨ vae oeya jo vae re. Ojota ma yave, oeya jembiokuai reta ipo pe iparavɨkɨ ae ae oyapo reta vaerä; jare oyókuai vi öke järoa oäro avei vaerä.

Hebreos 10:24

Yaeka kërai yayomborɨ päve vaerä, ñañomoäta ngatu yayoaɨu vaerä jare tembiapo reta ikavigüe pe.