ESDRAS 10:18 - Biblia Guarani Tumpa Iñee

¹⁸ Sacerdote iñemuña reta güɨreko kuña ketɨgua reta vae, jae kuae reta: Jesúa, Josadac taɨ iñemuña reta jare jëtara reta güi: Maasías, Eliezer, Jarib jare Gedalías.

ESDRAS 10:18 ပူးပေါင်းရင်းမြစ်များ

ESDRAS 10:17

Jare tenondegua ara tenondegua yasɨ pe, opa oñono kavi reta jókuae teko reta, opaete jókuae kuimbae reta güɨreko kuña ketɨgua reta vae regua.

ESDRAS 2:2

Kuae reta yogüeru Zorobabel ndive jare Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum jare Baana reta ndive. Opaete kuimbae Israel pegua reta oyepapa vae jae ko:

ESDRAS 2:36

Sacerdote reta güi: Jedaías iñemuña reta, noveciento setenta y tres, jae ko Jesúa jëtara reta.

ESDRAS 3:2

Jayave Jesúa, Josadac taɨ jare jëtara sacerdote reta, jare Zorobabel, Salatiel taɨ jare jëtara reta, omopüa reta mɨmba oyeyukagüe oyeapɨ jese vae Israel iTumpa pe, omee vaerä jese mɨmba oyeyukagüe opaetei oyeapɨ vae, Moisés, Tumpa jembiokuai iporookuai reta jei rami.

ESDRAS 3:8

Mokoía año re mokoía yasɨa ma yogüeru oväe güire tupao oïa pe Jerusalén pe yave, omboɨpɨ reta mbaravɨkɨ Zorobabel, Salatiel taɨ, Jesúa, Josadac taɨ, jare ïru jëtara reta, sacerdote reta jare levita reta, jare opaete yogüeru ye tembipɨɨ güi Jerusalén pe vae reta ndive, jare oñono reta Leví iñemuña reta veinte año güɨnoi vae güi ɨvate vae reta ipo pe, omae reta vaerä mbaravɨkɨ yandeYa jo oyeapo vae re.

ESDRAS 5:2

Jayave Zorobabel, Salatiel taɨ jare Jesúa, Josadac taɨ omboɨpɨ reta ye omopüa Tumpa jo Jerusalén pe, jare Tumpa iñeemombeúa reta ñogüɨnoi jae reta ndive omborɨ reta vaerä.

ESDRAS 9:1

Opa oyeapo kuaekuae reta yave, mburuvicha reta yogüeru chekotɨ jei reve: “Israel iñemuña reta, sacerdote reta, jare levita reta mbaetɨ oyembosɨrɨ kuae ɨvɨ pegua tëta reta güi, jae ko cananeo reta, heteo reta, ferezeo reta, jebuseo reta, amonita reta, moabita reta, Egiptoɨgua reta jare amorreo reta güi, oyapo reta teko pɨ̈chɨi jae reta rami.

ESDRAS 9:2

Echa jae reta jare taɨ reta güɨreko jókuae ɨvɨ pegua reta tayɨ, jökorai Tumpa jembiparavo reta oyea ïru tëta pegua reta ndive. Mburuvicha reta etei tenonde oyapo kuae mbaeyoa.”

NEHEMÍAS 12:10

Jesúa jae Joiacim tu, Joiacim jae Eliasib tu, jare Eliasib jae Joiada tu;

NEHEMÍAS 13:28

Jare metei Joiada taɨ, sacerdote tenondegua Eliasib jɨmɨmino amombo cheɨpɨ güi; jókuae kuimbae ko Sanbalat horonita jovaya.

NEHEMÍAS 8:4

Jare Esdras, mborookuai re oporomboe vae, oyemboɨ oï ñemoñee renda ɨvɨra pegua re, jókuae peguarä oyeapo vae re, iyakatu kotɨ ñogüɨnoi jae ndive: Matatías, Sema, Anías, Urías, Hilcías, jare Maasías. Jare iyasu kotɨ ñogüɨnoi: Pedaías, Misael, Malquías, Hasum, Hasbadana, Zacarías jare Mesulam.

NEHEMÍAS 8:7

Jare levita reta Jesúa, Bani, Serebías, Jamín, Acub, Sabetai, Hodías, Maasías, Kelita, Azarías, Jozabed, Hanán jare Pelaía, oikuaauka kavi reta mborookuai opaete vae pe; jare opaete vae kïrii ngatu oyeapɨsaka jenda jenda ae pe,

JEREMÍAS 23:10

Echa tëtaguasu tɨnɨe iyaguasa pota vae reta, kuimbae reta osɨi oyapo ikavimbae, imbaepuere oiporu reta jupimbae oyapo reta vaerä. Jáeramo yandeYa oyepopeyu ɨvɨ re, jare ɨvɨ otini, jare kapii ñuu rupigua opa ipiru.

JEREMÍAS 23:11

YandeYa jei: “Ñeemombeúa reta jare sacerdote reta ave iyoa; chetupao pe ave aväe ikavimbae oyapo reta vae.

JEREMÍAS 23:14

Che aecha ñeemombeúa reta Jerusalén pegua oyapo mbae pɨ̈chɨi yae vae; oyapo reta aguasa jare oporombotavɨ reta, jökorai omoäta ngatu reta jeko kavimbae reta, agüɨye vaerä oyepoepɨ reta jeko kavimbae güi. Jae reta jare tëta pegua reta, Sodoma jare Gomorra rami ko cheve.

EZEQUIEL 44:22

Agüɨye tomenda imemano vae ani ramo ime omombo vae ndive, jaeño tomenda Israel iñemuña pegua kuñatai ndei etei oasa kuimbae ndive vae ani ramo sacerdote amɨri jembirekogüe ndive.

LEVÍTICO 21:7

Agüɨye tomenda reta kuña iyaguasa pota vae ndive, ani kuimbae ndive oasa ma vae ndive ani ime omombogüe ndive; echa sacerdote reta oñeñono tee ko Tumpa pe.

HAGEO 1:1

Mokoía año ma Darío oiko mburuvicha guasurä yave, ova yasɨ tenondegua ara pe yandeYa iñee ou ñeemombeúa Hageo rupi, Zorobabel mburuvicha Judá pegua, Salatiel taɨ pe jare Josué sacerdote tenondegua, Josadac taɨ pe.

HAGEO 1:12

Zorobabel, Salatiel taɨ jare sacerdote Josué tenondegua ete Josadac taɨ jare opaete ïru reta oendu yandeYa Tumpa iñee, ñeemombeúa Hageo rupi jei chupe reta vae, yandeYa Tumpa oyókuai vae rami; jare opaete vae okɨɨye yandeYa güi.

HAGEO 2:4

Ërei yandeYa jei: ¡Añave eñemomɨ̈rata Zorobabel! ¡Eñemomɨ̈rata Josué sacerdote tenondegua, ete Josadac taɨ! Peñemoäta ngatu opaete vae kuae ɨvɨ pe peiko vae jare peparavɨkɨ; echa che aï pe ndive, jei yandeYa Imbaepuere yae ete vae.

ZACARÍAS 3:1

YandeYa oechauka cheve, sacerdote tenondegua Josué oyemboɨ oï yandeYa iaraɨgua jóvai, jare Satanás oï iyakatu kotɨ, omboeko vaerä.

1 Timoteo 3:11

Jökoraiño vi kuña reta toiko reta jupi rupi, agüɨye tiporoangaose, agüɨyeta jei jeiiño, opaete pe tijupi.