ESDRAS 10:1 - Biblia Guarani Tumpa Iñee

¹ Esdras oyerure jare oyemombeu oyaeo reve oyetavatɨka Tumpa jo jóvai oï ramboeve, jeta yae Israel iñemuña reta yatɨ jese: Kuimbae reta, kuña reta jare michia reta; opaete vae oyaeo reta ipɨatɨtɨ reve.

ESDRAS 10:1 ပူးပေါင်းရင်းမြစ်များ

1 REYES 8:30

Añave eendu, nderembiokuai iyerure, jare Israel tëta ndembae vae iyerure; oyerure reta yave kuae pe, nde reenduta vi reikoa pe, ara pe; eendu jare neɨ̈ro.

1 REYES 9:3

Jare yandeYa jei chupe: “Che aendu ndeyerure jare neporomoñera reyapo cheróvai vae. Che añono tee kuae o nde remopüa vae, añono vaerä cheree pɨpe jekuae avei pegua; jare opaete ara rupi ayangarekota jese.

2 CRÓNICAS 20:13

Jare opaete Judá pegua reta oyemboɨ ñogüɨnoi yandeYa jóvai, jembireko reve reve, taɨ reta, jare imichia reve reve.

2 CRÓNICAS 20:9

‘Ou orerupi mbae ikavimbae, roiporara vaerä ñeraro, mbaerasɨ ovakatu vae ani karuai yave, roñeñonota kuae tupao guasu jóvai jare nderóvai, echa nde reiko kuae tupao guasu pe, jare roiporara yave roiporuta ndeve yemborɨ jare nde reenduta oreve jare orereepɨta.’

ESDRAS 10:6

Javoi Esdras ojo Tumpa jo jóvai güi, jare oike Johanán, Eliasib taɨ jo pe, jare joko pe opɨta, mbaetɨ okaru jare oɨu, echa ipɨatɨtɨ yae tembipɨɨ güi oyerova ye vae reta iyoa re.

NEHEMÍAS 1:4

Aendu yave kuae ñee reta, aguapɨ jare ayaeo; chepɨatɨtɨ mbovɨ ara rupi, ayekuaku tembíu güi jare ayerure Tumpa ara pe oï vae jóvai.

NEHEMÍAS 1:6

añave eendu jare emae che nderembiokuai iyerure re; ara ñavo jare pɨ̈tu ñavo ayapo aï nderóvai nderembiokuai Israel iñemuña reta re vae. Amombeu ore Israel iñemuña reta oreyoa ndekotɨ vae. ¡Añetete, che jare cheru jo pegua reta ave ko oreyoa!

NEHEMÍAS 10:28

Jare ïru vae reta: Sacerdote reta, levita reta, öke iyangarekoa reta, otairari vae reta, tembiokuai reta tupao guasu pe oyeokuai vae, jare opaete oyembosɨrɨ ïru tëta ambuae reta güi yogüɨreko vaerä Tumpa iporookuai rupi vae reta, jembireko reve reve, taɨ reta, tayɨ reta, opaete yarakuaa ma vae reta,

NEHEMÍAS 8:9

Jare mburuvicha Nehemías jare sacerdote Esdras mborookuai re oporomboe vae, jare levita reta omombeu kavi opaete vae pe vae, jei reta opaete vae pe: “Kuae ara oñeñono tee yandeYa Tumpa pe vae ko; agüɨye pepɨatɨtɨ, agüɨye peyaeo.” Echa opaete vae oyaeo oendu ramboeve ñee reta mborookuai regua.

SALMOS 119:136

Cheresaɨ oyepɨyere ɨ rami, echa mbaetɨ oyemboete ndeporookuai.

SALMOS 32:5

Cheyoa amombeu ndeve, mbaetɨ añomi ndegüi mbaeyoa ayapogüe. Jae: “Tamombeu cheYa pe mbaetɨ iporookuai ayapo vae.” Jare nde neɨ̈ro cheyoa ikavimbae re.

JEREMÍAS 13:17

Ërei mbaetɨ yave peendu kuae, ayaeo vɨarita pepɨapochɨ jeko pegua; cheresaɨ osɨrɨta, echa cheYa imbae vae reta opa oyererajauka tembipɨɨrä.

JEREMÍAS 9:1

¡Mbae mona cheäka ɨkua rami, jare cheresa ɨesaɨ rami, aäpiro vaerä ara rupi jare pɨ̈tu rupi cherëtaɨgua reta omano vae!

DANIEL 9:20

Che jekuaeñoi ayerure jare ayemombeu cheyoa re jare cherëta Israel iyoa re, aeka yemborɨ cheYa Tumpa pe iɨvɨtɨ oñeñono tee vae peguarä.

OSEAS 14:2

Peyu peYa kotɨ jare pere pemoñera reve: “Neɨ̈ro oreve opaete oreyoa re, ndepɨakatu oreve, mbaemboete romee ndeve vae re.

ZACARÍAS 12:10

Jare che apɨyereta David iñemuña reta re jare Jerusalén pegua reta re mbɨakavi jare kɨ̈reɨ yerure pegua. Jayave omae retata cheré, jae reta oikutu vae re, jare oyaeo retata, kia nunga oyaeo membɨ jae vaeño re rami, ipɨatɨtɨ reve jese, kia nunga vae ipɨatɨtɨ membɨrɨpɨ re rami.

San Mateo 3:6

Jare Juan ombobautisa reta ɨ̈aka Jordán pe iyoa reta opa omombeu güire.

San Lucas 19:41

Jare Jesús köiño ma ou Jerusalén güi yave, oecha jare oäpiro,

Hechos 10:30

Jayave Cornelio jei chupe: —Irundɨ ara ma oasa koyave ayerure aï ayekuaku reve tembíu güi kuae chero pe. Jare güɨramoiño mboapɨ ora ma kaaru yave aecha metei kuimbae jemimonde jembipeasɨ vae oyemboɨ oï cheróvai.

Hechos 21:5

Jókuae ara reta oasa yave, opaete oporogüɨrovia vae reta jembireko reta jare imichia reta ndive oremoïru reta tëta guasu güi ikatu pe, jayave royetavatɨka ɨembeɨ pe royerure Tumpa pe.

Romanos 9:2

kërai chepɨatɨtɨ yae, jare chepɨa etei jasɨ avei.

DEUTERONOMIO 31:12

Emboatɨuka opaete vae, kuimbae reta, kuña reta, michia reta, ketɨgua reta perëta pe yogüɨreko vae, oendu reta vaerä jare oyemboe reta vaerä, oipoɨu vaerä yandeYa Tumpa güi, oyapo reta vaerä opaete kuae mborookuai jei vae.

JOSUÉ 7:6

Jayave Josué jare Israel iñemuña itenondegua reta, omondoro jemimonde jare oñono reta ɨvɨkúi iñäka re ipɨatɨtɨ güi; javoi oyetavatɨka reta itindɨasɨ ɨvɨ re yandeYa ikäjou jóvai, ojoi kaaru chupe reta regua.

JOSUÉ 8:35

Opaete Moisés iporookuai güi, Josué mbaetɨ metei ave ñee omongetaukambae opaete Israel iñemuña reta pe vae, kuña reta, michia reta jare ketɨgua reta yogüɨreko jae reta ipɨte pe vae pe.