ESDRAS 1:1 - Biblia Guarani Tumpa Iñee

¹ Tenondegua año Ciro omboɨpɨ oï mburuvicha guasurä Persia pe yave, oyembopo vaerä yandeYa iñee Jeremías rupi omombeu vae. YandeYa oñono Ciro mburuvicha guasu Persia pegua ipɨa pe omoërakuauka vaerä mborookuai ñee rupi jare tupapire rupi opaete iporookuaía rupi, jei reve:

ESDRAS 1:1 ပူးပေါင်းရင်းမြစ်များ

ESDRAS 1:5

Jayave oyupavo Judá jare Benjamín iñemuña itenondegua reta, sacerdote reta jare levita reta, opaete jókuae Tumpa omokɨ̈reɨ ipɨa pe yogüeru ye vaerä omopüa yandeYa jo vae reta, Jerusalén pe.

ESDRAS 4:3

Ërei Zorobabel, Jesúa jare metei ñemuña itenondegua reta Israel pe vae, jei reta chupe reta: —Mbaetɨ orepuere romopüa oreTumpa jo pe reta ndive, oreño romopüata oreYa, Israel iTumpa jo, oreokuai orembou Ciro mburuvicha guasu Persia pegua rami.

ESDRAS 6:14

Jökorai judío itenondegua reta opa omboapɨ mbaravɨkɨ jarembae pegua, ñeemombeúa Hageo jare ñeemombeúa Zacarías, Iddo taɨ omoërakua rami. Omopüa reta jare opa oyapo reta Israel iTumpa omee mborookuai vae rupi, jare mburuvicha guasu reta Ciro jare Darío Persia pegua omee vae rupi, jare Artajerjes.

ESDRAS 6:22

Jare oyapo reta yerovia katu ndive arete mbaemboete pegua mbɨyape oyembovumbae pegua chiu ara, yandeYa omee ye oyerovia reta vaerä jeko pegua, jare oipoepɨ mburuvicha guasu Asiria pegua ipɨa ikotɨ reta, omomɨ̈rata vaerä omopüa Tumpa jo, Israel iTumpa.

ESDRAS 6:3

“Mburuvicha guasu Ciro metei año ma oiko yave, omee mborookuai oñeñono ye vaerä tupao iguapɨka, oñemopüa ye vaerä Tumpa jo Jerusalén pe, joko pe oñemee vaerä mɨmba oyeyukagüe, jare ɨvategüe güɨnoi vaerä veintisiete metro jare ipɨgüe veintisiete metro.

ESDRAS 7:27

Jayave Esdras ombaemboete körai: “Toyemboete yandeYa, ñaneñemuñagüe reta iTumpa, jae oñono kuae yemongeta mburuvicha guasu ipɨa pe, oyemboete vaerä yandeYa jo Jerusalén pe oï vae.

SALMOS 106:46

¡Yepe tëi jae reta yogüɨreko imoamɨría reta ipo pe, ërei Tumpa omee vi jókuae reta, güɨnoi vaerä mboroparareko jese reta!

PROVERBIOS 21:1

Sekea rupi ɨ yamondo yaipotaa kotɨ rami; jökorai ko mburuvicha guasu iyemongeta yandeYa ipo pe.

ISAÍAS 44:28

Che jae mburuvicha guasu Ciro pe: ‘Nde ko jae chevecha iyangarekoa rami, reyapota opaete mbaembae royókuai vae’; jare Jerusalén pe jae: ‘Nde reñemopüa pɨau yeta ko’; jare tupao pe jae: ‘Oñeñonota ko ndeguapɨka.’ ”

ISAÍAS 45:1

YandeYa jei jembiparavo Ciro kotɨ. Che ko aipoko araja ipo pe, opaete tëtaguasu reta oñemomichi vaerä jae jeia re, mburuvicha guasu reta re güɨnoi vaerä mbaepuere. Che peYa aipeata öke reta Ciro japerä pe, ngaraa kia ipuere oyokenda chugüi. Jei ye vi chupe:

JEREMÍAS 1:1

Jeremías, Hilcías taɨ iñee reta, jae ko metei sacerdote reta güi yogüɨrekose Anatot pe, Benjamín iñemuña reta ɨvɨ pe vae.

JEREMÍAS 29:10

“YandeYa jei körai: ‘Babilonia imbaepuere iyapɨ ma yave setenta añoa pe, che ayuta pomborɨ, ambopo vaerä cheñee, pomboyerova ye vaerä kuae ɨvɨ pe.

EZEQUIEL 38:5

Jare tëtaguasu Persia, Cus jare Fut ñogüɨnoi jae reta ndive; opaete jae reta ñogüɨnoi yeopiaka jare äka-ɨru jiero pegua ñeraro pegua reve reve;

DANIEL 1:21

Jare Daniel oiko joko pe Ciro oike tenondegua año mburuvicha guasurä yave regua.

DANIEL 2:1

Nabucodonosor mokoía año ma oiko mburuvicha guasurä yave opaɨu, jókuae ombopɨa jopa jare ipuereä oke.

DANIEL 6:25

Jayave mburuvicha guasu Darío oikuatía opaete vae tëta reta pe jare tëtaguasu reta pe jare ïru ñee pe imiari vae reta opaete ɨvɨ rupi ñogüɨnoi vae reta pe; oikuatía körai: “Mbɨakatu toñemoïru avei peve.

DANIEL 9:2

Tenondegua añoa re oiko mburuvicha guasurä yave, che, Daniel, ayemboe mbegüe pe kavi Jeremías jembikuatía re, kërai setenta año rupi Jerusalén oyemboai oiko, yandeYa jei iñeemombeúa Jeremías pe rami.

San Juan 1:23

Jayave Juan jei: —Che ko jae metei ñuu pe asapúkai reve jae vae: “Pembosɨmbi yandeYa japerä.” Ñeemombeúa Isaías jei rami.