Efesios 6:9 - Biblia Guarani Tumpa Iñee

⁹ Jare pe mbaravɨkɨ iya reta peyapo jupi vae perembiokuai reta pe, agüɨye “ronupata” pere chupe reta. Echa peikuaa jae reta iYa jare peYa ara pe oï vae, mbaetɨ ko oporomboyoavɨ.

Nuevo Testamento Guaraní Pe

⁹ Jare oporoócuai vae reta toyapo icavi vae jembiócuai reta cotɨ. Agüɨye jecuaeño tomomburu. Echa toicuaa jae reta vi güɨnoi co iYa ara pe. Jare ñandeYa ara pe oi vae mbaeti oaɨu metei vaeño iru vae güi.

Efesios 6:9 ပူးပေါင်းရင်းမြစ်များ

NEHEMÍAS 5:5

“Ore mbaetɨ ko ambuae vae orerëtara reta güi, oremichia reta mbaetɨ ko ambuae vae imichia reta güi; ërei, ore opa romee oreraɨ jare orerayɨ reta yogüɨreko vaerä tembiokuairä. Jare oime ma ko amogüe orerayɨ reta ñogüɨnoi jökorai, añave ore mbaetɨ orepuere mbae royapo, echa oreɨvɨ jare oreuvarupa reta ïru vae reta imbae ma ko.”

JOB 34:19

Jae mbaetɨ oñeñono mburuvicha reta ndive, mbaetɨ vi omborɨ oikokatu vae reta paravete vae reta güi, echa jae jembiapo ko opareve.

SALMOS 140:12

Aikuaa yandeYa oyapota jupi vae oiporara vae pe, jare mbae oata chupe vae pe.

ECLESIASTÉS 5:8

Metei tëtaguasu pe reecha yave paravete vae oyererekoasɨ katu jare jupigüe mbaetɨ oyeapo chupe yave, agüɨye nepɨakañɨ jese; echa metei mburuvicha re omae, ïru mburuvicha ma tuicha vae, jare ïru mburuvicha tuicha yae ete vae güɨnoi mbaepuere kuae mókoi reta re.

ISAÍAS 47:6

Chearasɨ yae tëta chembae vae kotɨ yave, amee ñemomarai pe, jare amaeño oa ndepo pe. Nde mbaetɨ reiparareko, ndechi reta pe ave täta reiporarauka.

DANIEL 3:15

Añave, peendu oñemoñee mimbɨ vecha kuimbae-räti, jare angúa ipu, arpa, ngitara, zampoña, jare opaete temimbɨ tairari pegua yave, ¿peyetavatɨkata pa pemboete mbae iä amopüaukagüe? Echa mbaetɨ yave pemboete, jupiveiño peyemomboukata metei horno jendɨvuku oï vae japɨpe; ¿jare kia nunga tumpa pa ipuereta pereepɨ chepo güi?

DANIEL 3:6

jare oipotagüe vae mbaetɨ oyetavatɨka omboete yave, jupiveiño oyemombota metei horno tuicha vae jendɨvuku oï vae japɨpe.”

LEVÍTICO 19:13

Agüɨye peyuvanga perapicha re, agüɨye peñomi mbae chugüi. Agüɨye pemombɨta oparavɨkɨ peve vae ikorepoti pɨareve peguarä, pemboepɨ voi chupe.

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

San Mateo 22:10

Jayave mburuvicha guasu jembiokuai reta yogüɨraja tape rupi jare omboatɨ opaete oväe chupe vae reta; jeko kavi vae reta jare jeko kavimbae vae reta. Jare jökorai mburuvicha guasu jo tɨnɨe vae.

San Mateo 22:8

Jayave mburuvicha guasu jei jembiokuai reta pe: ‘Kuae menda jare iarete oyeapo vaerä ma ko oï; ërei aparea chupe vae reta jupiä yogüeru vaerä.

San Mateo 24:48

Ërei jókuae tembiokuai jeko kavimbae jei yave iyeupe: ‘Cheya ngaraa ou ye jarembae.’

San Mateo 24:51

Iya oiporarauka yaeta chupe jare omondota oiko vaerä opaete ïru jova mókoi vae reta ndive. Joko pe oyaeota jare jäi ombokɨrɨrɨuta.

San Mateo 7:12

Jáeramo peipota yave ïru vae reta oyapo peve ikavi vae, peyapo ïru vae reta pe ikavi vae. Echa kuae jae ko mborookuai jei vae jare ñeemombeúa reta jei vae.

San Lucas 6:31

Peipota yave ïru vae reta oyapo peve ikavi vae, peyapo ïru vae reta pe ikavi vae.

San Juan 13:13

Pe reta pere cheve: “Oporomboe vae”, jare pere vi: “OreYa.” Añetete ko kuae pere vae. Echa jae ko che.

Hechos 10:34

Jayave Pedro jei chupe reta: —Añetete aikuaa ma kërai Tumpa mbaetɨ oporomboyoavɨ.

Romanos 2:11

Echa Tumpa mbaetɨ ko oporomboyoavɨ.

1 Corintios 1:2

romondo kuae tupapire oporogüɨrovia vae reta Tumpa imbae Corinto pe peï vae pe. Tumpa peñono tee iyeupeguarä Cristo Jesús rupi vae reta pe. Tumpa peparavo, opaete kerupi omboete yandeYa Jesucristo vae reta ndive; jae reta iYa ko jare yande yandeYa ko.

1 Corintios 7:22

Echa yandeYa oenɨi oyemboasauka vaerä tembiokuai yave, oyeyora ma ko yandeYa peguarä. Jaeramiño vi yandeYa oenɨi oyemboasauka vaerä tembiokuaimbae vae yave, jae oyeapo ma ko Cristo jembiokuairä.

DEUTERONOMIO 10:17

echa yandeYa Tumpa güɨnoi mbaepuere tumpa-raanga reta güi, jare imbaepuere yae ete mbaepuere güɨnoi vae reta güi, Tumpa tuicha yae vae jare imbaepuere yae vae, mbaetɨ oporomboyoavɨ jare mbaetɨ oipɨɨ vɨari mbae oyemboepɨ vɨarigüe;

Colosenses 3:25

Ërei jupimbae oyapo vae pe, oyemboekoviata jókuae jupimbae oyapo vae, echa Tumpa mbaetɨ ko oporomboyoavɨ.

Colosenses 4:1

Mbaravɨkɨ iya reta, peyapo jupi vae jare isɨmbi vae perembiokuai reta pe, echa peikuaa ko oime vi penoi peYa ara pe.

Santiago 2:13

Echa kia mbaetɨ oiparareko japicha vae, Tumpa ojäata oipararekombae reve; ërei oporoparareko vae mbaetɨta oñejäa.

Santiago 2:8

Peyapo yave jupi rupi mborookuai añetete vae, Tumpa Iñee pe jei rami, körai: “Eaɨu nderapicha nde reyeaɨu rami.” Peyapo ko ikavi vae.

Santiago 5:4

Mase, oparavɨkɨ vae reta ombaarɨvo peve vae reta pe mbaetɨ pemboepɨ vae, oñeapo oï peré. Pe reta pembotavɨ rupi mbaetɨ pemboepɨ chupe vae. Jare yandeYa Imbaepuere yae vae oendu ma iñeengeta peve jókuae ombaarɨvo vae reta vae.

1 SAMUEL 15:17

Jare Samuel jei: —¿Yepe tëi michi yae viña remae ndeyé reveä pa, reiko Israel pegua ñemuña reta itenondeguarä? YandeYa ko ndeparavo mburuvicha guasurä Israel iñemuña reta re.