Efesios 6:5 - Biblia Guarani Tumpa Iñee

⁵ Tembiokuai reta, peyapo peya reta jei vae pemboete reve jare peipoɨu reve, jupi reve kavi, Cristo pe peyeokuai rami.

Nuevo Testamento Guaraní Pe

⁵ Oyeócuai vae reta toyapo iya ɨvɨ pegua jeigüe oipoɨu reve jare omboete reve. Ipɨaquɨreɨ reve toyeócuai iya pe. Toyeócuai chupe, Cristo pe oyeócuai rami.

Efesios 6:5 ပူးပေါင်းရင်းမြစ်များ

GÉNESIS 16:9

YandeYa iaraɨgua jei chupe: —Eyerova ye ekua ndeya kuña kotɨ, jare eiko jeia re.

1 CRÓNICAS 29:17

CheRu Tumpa, che aikuaa nde reecha ko opaete vae ipɨa jare sɨmbi vae ndemboyerovia. Jáeramo chepɨa sɨmbi reve amee ndeve chepɨa-kɨ̈reɨ ngatu reve opaete kuae mbaembae reta. Jare añave yerovia katu reve aecha tëta ndembae kuae pe oyemboatɨ ñogüɨnoi vae omee ndeve mbota ipɨakavi reve.

SALMOS 123:2

Mase, ko romae ndekotɨ oreYa Tumpa, tembiokuai omae iya rei rami, ani tembiokuai kuña omae iya kuña rei rami, jökorai roäro, nde oreparareko vaerä.

SALMOS 86:11

CheYa Tumpa, chemboe aguata vaerä nderemimbota rupi, aiko vaerä jupi rupi nderóvai; eñono kavi chepɨa, amboete vaerä nderee.

MALAQUÍAS 1:6

YandeYa jei sacerdote reta pe: “Membɨ reta omboete tu, jare tembiokuai omboete iya. Añave che ko jae peRu yave, ¿maera pa mbaetɨ chemboete? Che ko jae peYa yave ¿Maera pa mbaetɨ peipoɨu chegüi? Jei peve yandeYa Imbaepuere yae ete vae: Pe sacerdote reta peröɨro cheree, jare pere: ‘¿Mbae pe pa rogüɨröɨro nderee?’

San Mateo 6:22

Yanderesa ko tembipe rami yanderete peguarä. Jayave, nderesa ikavi yave, nderete tɨnɨeta tembipe pe.

San Mateo 6:24

Ngaraa kia ipuere oyeokuai kavi mókoi iya güɨnoi yave; echa omotareɨta metei iya jare oaɨuta ïru, ani oyeokuai kavita metei pe jare güɨröɨrota ïru. Ngaraa pepuere peyeokuai päve Tumpa pe ani mbaeyekou pe.

San Mateo 8:9

Echa oime mburuvicha mbaepuere güɨnoi cheré vae. Jare che anoi vi mbaepuere sundaro reta re. Che jae yave metei sundaro pe: “Ekua”, jare ojo. Ani jae yave ïru sundaro pe: “Eyu”, jare ou. Jare cherembiokuai pe jae yave: “Eyapo kuae”, jae oyapo.

Hechos 2:46

Jare ara ñavo oyemboatɨ avei reta tupao pe. Jare o ñavo rupi omboyao tembíu oyoupe, okaru päve reta oyerovia jare ipɨakatu reve,

Romanos 9:3

Echa aipotaecha ayembosɨrɨ Cristo güi, metei yepopeyu oa jese vae rami, aaɨu ramo, cherɨvɨ reta. Jae ko cherëtara reta.

1 Corintios 2:3

Jare pepɨte pe aï yave, ayembopɨtu jare arɨrɨi akɨɨye güi;

1 Corintios 7:22

Echa yandeYa oenɨi oyemboasauka vaerä tembiokuai yave, oyeyora ma ko yandeYa peguarä. Jaeramiño vi yandeYa oenɨi oyemboasauka vaerä tembiokuaimbae vae yave, jae oyeapo ma ko Cristo jembiokuairä.

2 Corintios 1:12

Ore roiko kavi oporogüɨroviambae vae reta ipɨte pe jare pepɨte pe vi, Tumpa oremborɨ ramo. Mbaetɨ etei roporombotavɨ. Jare körai roiko Tumpa ipɨakavi rupi, mbaetɨ roiko orearakuaa rupiño. Jáeramo royerovia.

2 Corintios 7:15

Jare Tito peraɨu yae ma. Echa imaendúa kërai peyapo jae peokuai yave vae re, jare kërai pemboresive kavi pemboete reve jare peñemomichi reve.

Efesios 5:22

Kuña reta toiko ime jeia re, yandeYa re rami;

Efesios 6:24

Tumpa ipɨakavi toï opaete yandeYa Jesucristo oaɨu yae añetete pegua vae reta ndive. ¡Amén!

Filipenses 2:12

Jáeramo, cherɨvɨ poaɨu vae reta. Peyapo avei che jae peve peyapo vaerä vae rami, peyapo yepe tëi añave mbaetɨ aï pe ndive. Peñemoäta ngatu yae yemboasa penoi vae rupi peipoɨu pemboete reve;

Filemón 1:16

ërei mbaetɨ ma metei tembiokuai rami, tembiokuai oasa ete ye ikavi vae ma ko; emboresive yanderɨvɨ yaaɨu vae rami. Che aaɨu ko, jaeramiño vi nde reaɨu yaeta ko, mbaetɨta kia yaaɨu vae ramiño, yaaɨu ete kavi yandeYa re.

JOSUÉ 24:14

Añave, pemboete yandeYa, peyeokuai chupe jupi rupi jare mboromboete rupi. Pemombo peyeugüi tumpa ambuae reta peñemuñagüe reta oyeokuai chupe ɨ̈aka Eufrates jovaicho kotɨ vae, jare Egipto pe vae, jare peyeokuai yandeYa pe.

1 Pedro 3:2

Oecha yave pereko reta jupi, jare peporomboete.