Efesios 6:24 - Biblia Guarani Tumpa Iñee

²⁴ Tumpa ipɨakavi toï opaete yandeYa Jesucristo oaɨu yae añetete pegua vae reta ndive. ¡Amén!

Nuevo Testamento Guaraní Pe

²⁴ Tumpa tomee ipɨacavi opaete mboroaɨu opa mbae vae ñandeYa Jesucristo cotɨ güɨnoi vae reta pe. Amén.

Efesios 6:24 ပူးပေါင်းရင်းမြစ်များ

San Mateo 22:37

Jayave Jesús jei chupe: —Eaɨu ndeYa Tumpa opaete ndepɨa reve, opaete nderekove ndive, jare opaete ndeyemongeta ndive.

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

San Mateo 6:13

Jare agüɨye emaeño roipota oreyoa vaerä. Orereepɨ ikavimbae güi. Echa ndembae ko jekuae avei pegua mborookuaía, mbaepuere jare yemboetea. Amén.’

Romanos 2:7

Omeeta tekove opambae vae, jókuae ipɨaguasu reve oyapo ikavi vae, jare oeka mbaemboete jare manombae vae pe;

2 Corintios 13:14

YandeYa Jesucristo ipɨakavi, Tumpa iporoaɨu jare Espíritu Santo iñemoïru toï opaete pe ndive. ¡Amén!

2 Corintios 8:12

Echa ñanekɨ̈reɨ ngatu reve ñamee yave, Tumpa omboyerovia jókuae ñanoi rupi ñamee vae. Tumpa mbaetɨ oeka yandeve mbaetɨ ñanoi vae.

2 Corintios 8:8

Kuae che jae peve vae mbaetɨ ko metei mborookuai. Ërei chemiari ko peve ïru vae reta ikɨ̈reɨ ngatu re, jökorai peechauka vaerä vi peporoaɨu añetete ko vae.

Efesios 6:23

Cherɨvɨ reta, yandeRu Tumpa jare yandeYa Jesucristo ipɨakatu, iporoaɨu jare mborogüɨrovia toï pe ndive.

Filipenses 1:1

Che Pablo jare Timoteo Jesucristo jembiokuai reta, roikuatía opaete peporogüɨrovia vae Cristo Jesús re jare petenondegua reta jare oporomborɨ vae reta Filipo pe peiko vae pe.

Colosenses 4:18

Che etei amondo peve tamaraeme, aikuatía chepo pe etei. Pemaendúa tembipɨɨrɨru pe aï vae re. Tumpa ipɨakavi toï pe ndive. ¡Amén!

2 Timoteo 4:22

YandeYa Jesucristo toï nde ndive. Tumpa ipɨakavi toï pe ndive. ¡Amén!

Tito 2:7

Nde etei eyapo opaete mbaravɨkɨ reta ikavi vae, eporomboe añete vae re, ndereko tisɨmbi,

Tito 3:15

Opaete che ndive ñogüɨnoi vae omondo peve tamaraeme. Tamaraeme toñogüɨnoi opaete oporogüɨrovia vae reta oreraɨu vae. Tumpa ipɨakavi toï opaete pe reta ndive. ¡Amén!

Hebreos 13:25

Tumpa ipɨakavi toï opaete pe ndive. ¡Amén!