Efesios 6:23 - Biblia Guarani Tumpa Iñee

²³ Cherɨvɨ reta, yandeRu Tumpa jare yandeYa Jesucristo ipɨakatu, iporoaɨu jare mborogüɨrovia toï pe ndive.

Nuevo Testamento Guaraní Pe

²³ ÑandeRu Tumpa jare ñandeYa Jesucristo tomee peve, cherɨvɨ reta, mbɨacatu jare mboroaɨu jare mborogüɨrovia.

Efesios 6:23 ပူးပေါင်းရင်းမြစ်များ

GÉNESIS 43:23

Jae jei chupe reta: —Pepɨakatuño, agüɨye pekɨɨye; peTumpa ko jare peru iTumpa ko omee mbaeyekou peve pevoɨtarɨru pe; che etei ko aipɨɨ pekorepoti. Jare güɨnoe Simeón chupe reta;

San Juan 14:27

Mbɨakatu aeya pe ndive. Mbɨakatu che anoi vae amee peve. Che ameeä peve ɨvɨ pegua reta omee rami. Agüɨye peyembopɨajopa, agüɨye vi pekɨɨye.

Romanos 1:7

Aikuatía kuae tupapire opaete Roma pe peiko vae pe. Tumpa peraɨu jare peñono tee iyeupeguarä vae. YandeRu Tumpa jare yandeYa Jesucristo ipɨakavi jare ipɨakatu toï pe ndive.

Romanos 15:33

Tumpa güɨnoi mbɨakatu vae toï opaete pe reta ndive. Amén.

1 Corintios 1:3

YandeRu Tumpa jare yandeYa Jesucristo ipɨakavi jare ipɨakatu toï pe ndive.

2 Corintios 13:11

Yamboapɨ vaerä, cherɨvɨ reta, peyerovia, peyembojupi, peyombopɨakatu, peiko kavi metei rami, jare peiko päve mbɨakatu rupi; jare Tumpa ipɨakatu vae jare iporoaɨu vae oikota pe ndive.

Gálatas 5:6

Echa Cristo Jesús re, mbaeä ko oyembocircuncida vae, ani oyembocircuncidaukambae vae. Ikavi vae jae ñanoi yave mborogüɨrovia mboroaɨu reve vae.

Gálatas 6:16

Jare opaete kuae tekove ipɨau vae re yogüɨreko vae ndive toï Tumpa ipɨakatu jare iporoparareko, jare opaete Israel pegua reta Tumpa imbae vae ndive.

Efesios 6:24

Tumpa ipɨakavi toï opaete yandeYa Jesucristo oaɨu yae añetete pegua vae reta ndive. ¡Amén!

1 Tesalonicenses 5:8

ërei yande yaiko tembipe pe vae reta yayeandu ñaï, yamonde reve mborogüɨrovia pe jare mboroaɨu pe temimonde ñeraro pegua pe rami. Jare peñono peäka re äka-ɨru jiero pegua yemboasa pegua.

2 Tesalonicenses 1:3

Cherɨvɨ reta, jupi ko romee avei vaerä yasoropai Tumpa pe peré, echa peporogüɨrovia okuakuaa avei ojo oiko, jare peporoaɨu jeiete okuakuaa vi oyokotɨ.

2 Tesalonicenses 3:16

Jare yandeYa oporombopɨakatu vae temee avei peve mbɨakatu. YandeYa toï opaete pe ndive.

1 Timoteo 1:14

Ërei yandeYa tuicha yae ipɨakavi cheve, mborogüɨrovia jare mboroaɨu rupi Cristo Jesús re yarovia yave.

1 Timoteo 1:3

Repɨta Efeso pe, Macedonia kotɨ aja yave che jae ndeve rami, reyopia vaerä amogüe vae agüɨye vaerä oporomboe ambuae mboromboe re,

1 Timoteo 5:8

Ërei kia oyangarekoä jo pegua reta re ani jëtara reta re vae, oikuaku rami ko iporogüɨrovia, oasa ete ye ko oporogüɨroviambae vae güi.

1 Pedro 5:14

Peyapo maraetei oyoupe peyovapɨte peyoaɨu reve kavi. Mbɨakatu toï opaete pe reta Jesucristo re peï vae ndive. ¡Amén!

3 Juan 1:14

echa aipota roecha jarembaeño, ñanemiari vaerä oyoova pe etei.

Apocalipsis 1:4

Che Juan aikuatía kuae tupapire chiu tëta reta Asia pegua pe peporogüɨrovia vae reta pe, Tumpa ipɨakavi jare ipɨakatu pemboresive, jae ko iyɨpɨ güive, añave jare outa vae, jare chiu espíritu vae, Tumpa iguapɨa jóvai oï vae

1 SAMUEL 25:6

Oyókuai jei vaerä körai: “Mbɨakatu toï nde ndive, ndero pegua reta ndive jare opaete ndembaembae ndive.