Efesios 6:20 - Biblia Guarani Tumpa Iñee

²⁰ Echa Tumpa chembou jekovia pe amoërakua vaerä; kuae jeko pegua tembipɨɨ aï. Peyerure cheré, amoërakua vaerä akɨɨyembae reve.

Nuevo Testamento Guaraní Pe

²⁰ Echa Tumpa chembou amombeu vaera cuae ñee, jare cuae ñee jeco pegua añeapɨti ai. Peyerure cheré, amombeu vaera aquɨye mbae reve. Echa jocorai icavi co amombeu vaera.

Efesios 6:20 ပူးပေါင်းရင်းမြစ်များ

PROVERBIOS 13:17

Ñee jerajaa imiari kavimbae, oporombosusere, ërei ñee jerajaa jupi vae oporombopɨakatu.

ISAÍAS 33:7

¡Mase, kërai jäseta tëta guasu ikatu pe, omondo imiari jekovia pe vae reta, yogüɨraja mbɨakatu oyapo vaerä vae reta täta oyaeota!

ISAÍAS 58:1

YandeYa jei cheve: “Esapúkai täta, reipoɨumbae reve, neñeeäta mimbɨguasu iñee rami; emboeta chembae vae reta Jacob iñemuña reta pe, ipɨapochɨ re jare iyoa re.

JEREMÍAS 1:17

Jare nde, eyeumbɨkua täta, ekua jare ere chupe reta opaete che royókuai vae. Agüɨye ekɨɨye chugüi reta, echa rekɨɨye ko yave, che ameeta nde rekɨɨye vaerä chugüi reta.

JEREMÍAS 40:1

YandeYa jei Jeremías pe, Nabuzaradán, sundaro omaeäro vae reta juvicha oyora güire Ramá pe. Nabuzaradán oväe chupe tembipɨɨ reta Jerusalén pegua reta jare Judá pegua reta ipɨte pe, oyepokua karena pe oï; oyereraja ñogüɨnoi iɨvɨ güi Babilonia kotɨ vae reta ipɨte pe.

Hechos 21:33

Jayave sundaro jeta vae juvicha ou oväe yave oipɨɨ Pablo. Oyókuai sundaro reta oipokua vaerä mókoi karena pe. Jayave oparandu kia ra ko jae jare mbae ra ko oyapo vae.

Hechos 26:29

Jayave Pablo jei chupe: —Mbae mona Tumpa oipota jarembae ani ɨma pe, nde jare opaete ïru añave oyeapɨsaka cheré vae reta peyeapo vaerä che rami, ërei agüɨye kuae nunga karena ndive.

Hechos 28:20

Jáeramo che poenɨi poecha vaerä jare chemiari vaerä pe ndive. Echa yande Israel pegua reta ñaäro vae re ko ayepokua aï kuae karena pe.

Hechos 28:31

Jare omombeu reve Tumpa iporookuaía regua, jare oporomboe yandeYa Jesucristo re okɨɨyembae reve, jare mbaetɨ kia omboavai.

Hechos 5:29

Jayave Pedro jare ïru temimondo reta jei chupe reta: —Royapo tai ko Tumpa iporookuai, kuimbae reta iporookuai güi.

2 Corintios 3:12

Jáeramo kuae re rogüɨrovia ramo, romombeu kavi peve roipoɨumbae reve.

2 Corintios 5:20

Jáeramo Cristo yandemondo jae jee re jekovia pe, Tumpa etei imiari oï yande rupi rami. Jáeramo pomoñera Cristo jee re, peñeñono kavi ye Tumpa ndive.

Efesios 3:1

Kuae jeko pegua che Pablo, Cristo Jesús jembipɨɨ, pe judiombae vae reta re;

Efesios 4:1

Che tembipɨɨ yandeYa re vae, pomoñera peguata kavi vaerä, Tumpa oenɨigüe reta oguata rami kavi:

Efesios 6:19

jare cheré vi, Tumpa omee vaerä cheve ñee, akɨɨyembae reve aikuaauka vaerä yaikuaa rapembae vae ñee ikavi regua.

Filipenses 1:20

Körai oyeapota che aäro vae, echa jekuaeño aipota aiko chemarambae reve. Aipota aiko akɨɨyembae reve Cristo oyemboeteuka vaerä cherupi, aikove vae rupi ani amano vae rupi.

Filipenses 1:7

Jupi ko ayemongeta vaerä körai peré, echa poaɨu yae. Tembipɨɨrɨru pe aï yave, ayeepɨ aï yave jare ñee ikavi vae amoañete aï yave, opaete pe reta vi ko peï che ndive.

Colosenses 4:3

Jare peyerure vi oreré, yandeYa oipea vaerä oreve öke romoërakua vaerä Cristo regua yaikuaambae vae, echa jókuae re ko che aï kuae tembipɨɨrɨru pe.

Colosenses 4:4

Peyerure cheré, chepuere vaerä aikuaauka kavi.

1 Tesalonicenses 2:2

Yepe tëi roiporara yae Filipos pe, pe reta peikuaa rokɨɨyembae reve Tumpa re romombeu peve Tumpa ñee ikavi vae, yemboavai jeta yae tëi reve.

2 Timoteo 1:16

YandeYa toiparareko Onesíforo jo pegua reta, echa jae jeta vese chemboyerovia, jare mbaetɨ imara opou vaerä chépɨri, yepe tëi aiko tembipɨɨrɨru pe.

2 Timoteo 2:9

Jese aiporara aiporara aï tembipɨɨrɨru pe ikavimbae iyapo rami. Ërei Tumpa iñee mbaetɨ oyeokenda oï.

Filemón 1:10

romoñera cheraɨ Onésimo re. Echa jae ayapo ma cheraɨrä yandeYa re tembipɨɨrɨru pe aï ramboeve.

Filemón 1:9

Ërei mboroaɨu reve romoñera; che chendechi ma ko, jare añave Jesucristo jembipɨɨ;

1 Juan 3:16

Kuae re yaikuaa kërai ko mboroaɨu vae, echa Jesucristo omano yanderé. Jaeramiño vi ikavi ko yande ñamee yanderekove ïru oporogüɨrovia vae reta re.

Judas 1:3

Cherɨvɨ aaɨu vae reta, chekɨ̈reɨ yae aikuatía peve yandeyemboasa regua. Ërei ikavi cheve aikuatía vaerä peve pomboarakuaa vaerä peñemoäta ngatu mborogüɨrovia oñemee oñeñono tee vae reta pe vae re.