Efesios 6:19 - Biblia Guarani Tumpa Iñee

¹⁹ jare cheré vi, Tumpa omee vaerä cheve ñee, akɨɨyembae reve aikuaauka vaerä yaikuaa rapembae vae ñee ikavi regua.

Nuevo Testamento Guaraní Pe

¹⁹ Peyerure yae cheré, Tumpa omee vaera cheve chemiari vaera aquɨye mbae reve, aicuauca vaera ñee icavi vae tenonde yave mbaeti oyecuaa vae.

Efesios 6:19 ပူးပေါင်းရင်းမြစ်များ

Hechos 13:46

Jayave Pablo jare Bernabé imiari okɨɨyembae reve chupe reta. Jei reta: —Añete jaekavi ko romoërakua vaerä peve räri Tumpa iñee. Ërei peröɨro ma. Mbaetɨ ma peipota, jökorai peikuaauka oreve mbaetɨta penoi tekove opambae vae. Jáeramo añave romoërakuata judiombae vae reta pe.

Hechos 14:3

Jáeramo Pablo jare Bernabé opɨta joko pe ɨma pegua, jare imiari ïru vae reta pe okɨɨyembae reve, oyeko reve yandeYa re. Jare yandeYa oechauka añete ko iñee mbɨakavi regua mɨakañɨ Pablo jare Bernabé oyapo vae reta rupi.

Hechos 18:26

Jae omboɨpɨ imiari okɨɨyembae reve judío reta itupao pe. Ërei Priscila jare Aquila oendu yave jei vae, güɨraja imiari jae ndive jaeño pe, jare omboe kavi Tumpa jemimbota re.

Hechos 19:8

Jayave Pablo oike judío reta itupao pe, jare imiari okɨɨyembae reve. Jare mboapɨ yasɨ oyoaka jare güɨroviauka Tumpa iporookuaía re.

Hechos 2:4

Jayave opaete joko pe ñogüɨnoi vae reta tɨnɨe Espíritu Santo pe, jare omboɨpɨ imiari reta ambuaeyee vae ñee reta pe, Espíritu Santo omee chupe reta imiari vaerä vae pe.

Hechos 28:31

Jare omombeu reve Tumpa iporookuaía regua, jare oporomboe yandeYa Jesucristo re okɨɨyembae reve, jare mbaetɨ kia omboavai.

Hechos 4:13

Jayave oecha reta yave kërai Pedro jare Juan okɨɨyembae reve imiari, jare oikuaa reta mbaetɨ ko oyemboe vae. Ipɨakañɨ yae jese reta, jare oikuaa reta Jesús jemimboe ko vae.

Hechos 4:29

Añave, oreYa, emae oremomburu reve oreokuai vae reta re. Emee nderembiokuai reta pe okɨɨyembae reve imiari vaerä neñee re.

Hechos 4:31

Jare opa oyerure yave, yatɨ ñogüɨnoia okana. Jare opaete jae reta tɨnɨe Espíritu Santo pe, jare imiari reta Tumpa iñee re okɨɨyembae reve.

Hechos 9:27

Jayave Bernabé güɨraja Saulo temimondo reta pɨri, jare omombeu chupe reta kërai Saulo oecha yandeYa tape rupi, jare kërai yandeYa omomiari vae. Jei vi chupe reta kërai Saulo omoërakua okɨɨyembae reve Damasco pe Jesús regua.

Hechos 9:29

Jare omoërakua okɨɨyembae reve yandeYa regua. Jare oyoaka vi griego pe imiari vae reta ndive. Jáeramo jae reta oipota oyuka.

Romanos 15:30

Pomoñera cherɨvɨ reta, yandeYa Jesucristo jare Espíritu Santo iporoaɨu rupi, chemborɨ vaerä peyerure cheré Tumpa pe,

Romanos 16:25

Yamboete Tumpa, jae ipuere pemomɨ̈rata ñee ikavi vae Jesucristo regua amoërakua vae rupi. Kuae ñee ikavi vae yaikuaambae oñeomi oiko ndei ɨvɨ oyeapo mbove vae.

1 Corintios 1:5

Echa Cristo rupi Tumpa omee peve opaete mbaembae, peñee ngatu vaerä jare pearakuaa katu vaerä.

1 Corintios 2:7

Ërei oremiari ko Tumpa iyarakuaa yaikuaa rapembae vae, arakuaa oñemi vae; kuae ko Tumpa ombosɨrɨ ndei ɨvɨ oyeapo mbove, yayemboeteuka vaerä.

1 Corintios 4:1

Jáeramo pemae oreré, ore reta ko Cristo jembiokuai reta, Tumpa iyemongeta yaikuaa rapembae roikuaauka vae.

2 Corintios 1:11

pe reta oremborɨ peyerure oreré vae rupi. Jökorai jeta vae reta iyerure rupi oñemee oreve Tumpa ipɨakavi. Jare jeta vae omee yasoropai Tumpa pe.

2 Corintios 3:12

Jáeramo kuae re rogüɨrovia ramo, romombeu kavi peve roipoɨumbae reve.

2 Corintios 6:11

Corintoɨgua reta, roe kavi yae ko peve, orepɨa roipea reve peve.

2 Corintios 7:4

Chemiari kavi ko peve aipoɨumbae reve; ayemboete yae peré. Chepɨakatu yae jare ayerovia yae aï, opaete yaiporara yae vae ipɨte pe.

2 Corintios 8:7

Pe reta ko tenonde opaete mbaembae pe, mborogüɨrovia pe, ñee pe, arakuaa pe, kɨ̈reɨ ngatu pe jare oreraɨu yae vae pe. Jáeramo peikuaauka vi pepɨa kavi, kuae pemeeta vae rupi.

Efesios 1:9

jare oikuaauka yandeve jemimbota yaikuaa rapembae vae, jae ipɨakavi rupi. Jae etei oyemongeta oyapo vaerä vae.

Efesios 3:9

jare aikuaauka vaerä opaete pe oyekuaambae iyɨpɨ güive Tumpa re vae, jae ko opaete mbaembae iyapoa.

Colosenses 2:2

pepɨakatu vaerä, jare peyoaɨu vaerä metei ramiño, peupitɨ regua opaete arakuaa, peikuaa regua yandeRu Tumpa jare Cristo regua yaikuaambae vae.

Colosenses 4:3

Jare peyerure vi oreré, yandeYa oipea vaerä oreve öke romoërakua vaerä Cristo regua yaikuaambae vae, echa jókuae re ko che aï kuae tembipɨɨrɨru pe.

1 Tesalonicenses 2:2

Yepe tëi roiporara yae Filipos pe, pe reta peikuaa rokɨɨyembae reve Tumpa re romombeu peve Tumpa ñee ikavi vae, yemboavai jeta yae tëi reve.

1 Tesalonicenses 5:25

Cherɨvɨ reta, peyerure oreré.

2 Tesalonicenses 3:1

Jare añave cherɨvɨ reta, peyerure oreré, yandeYa iñee oñemoai vaerä jare oyemboete vaerä, pepɨte rupi oasa rami.

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

Filemón 1:22

Romoñera vi reyapokatu vaerä cheve apɨta pepɨ vaerä. Echa arovia pe reta peyerure Tumpa pe cheré vae rupi ajata pépɨri.

Hebreos 13:18

Peyerure Tumpa pe oreré. Echa roikuaa jekuaeño royapo ikavi vae pekotɨ. Jekuaeño roipota royapo jupi vae.