Efesios 6:16 - Biblia Guarani Tumpa Iñee

¹⁶ Jare opaete kuaekuae güi, peipɨɨ yeopiaka jae ko mborogüɨrovia, agüɨye vaerä aña imii raɨ jendɨ vae oa peré.

Nuevo Testamento Guaraní Pe

¹⁶ Jare mborogüɨrovia jecuaeño penoi yave, icavita peve metei yeopiaca icavi sundaro pe rami. Echa sundaro ipuere oyopia yeopiaca pe opaete uɨ jovaicho reta oyapi pɨpe vae. Jae ramiño vi mborogüɨrovia jecuaeño penoi yave, ngaraa peyapo icavi mbae vae, yepe tei aña guasu oipota yae peyapo vaera.

Efesios 6:16 ပူးပေါင်းရင်းမြစ်များ

GÉNESIS 15:1

Opa kuaekuae reta oasa güire yandeYa oyeechauka Abram pe, jei reve chupe: —Agüɨye ekɨɨye Abram, che ko jae ndeyeopiaka. Mbaeyekou ndeparavɨkɨ jepɨgüe jeta yaeta.

2 SAMUEL 22:36

Nde chereepɨ jare chereroasayepe, ndepɨakavi chembotuicha.

SALMOS 120:4

¡Jëia yae vae juvɨ jakuaroviasɨ vae ko oäro! Jare, ¡Urundeɨ jätapɨi ikavi yae vae!

SALMOS 7:13

¡Oñono kavi ma vi tembiporu oporoyuka vae, uvɨ jendɨ vae!

PROVERBIOS 18:10

Ñepɨ̈roka jëguambae rami ko yandeYa jee, jupi vae reta yogüɨraja oñepɨ̈ro jese.

San Mateo 5:37

Ërei rere yave: ‘Ayapota’, eyapo. Ani rere yave: ‘Ngaraa ayapo’, agüɨye eyapo. Echa remboasa ete kuae güi rere yave, reyapota ikavimbae vae.

2 Corintios 1:24

Mbaetɨ ko rogüɨnoi mbaepuere peporogüɨrovia re. Echa pepɨ̈rata ma peporogüɨrovia re. Jaeño roipota pomborɨ, pe reta peyerovia vaerä.

1 Tesalonicenses 5:19

Agüɨye pembogüe Espíritu Santo.

1 Tesalonicenses 5:8

ërei yande yaiko tembipe pe vae reta yayeandu ñaï, yamonde reve mborogüɨrovia pe jare mboroaɨu pe temimonde ñeraro pegua pe rami. Jare peñono peäka re äka-ɨru jiero pegua yemboasa pegua.