Efesios 6:11 - Biblia Guarani Tumpa Iñee

¹¹ Peyemonde tembiporu ñeraro pegua Tumpa omee vae pe, pepuere vaerä täta peï opaete mbae ikavimbae vae aña guasu oipota oyapo peve vae güi.

Nuevo Testamento Guaraní Pe

¹¹ Peiporu opaete Tumpa ipuere omee ñandeve vae, pepuere vaera peyeepɨ opaete mbae icavi mbae vae aña guasu oipota oyapo peve vae güi.

Efesios 6:11 ပူးပေါင်းရင်းမြစ်များ

NEHEMÍAS 4:13

jayave ayókuai metei ñavo vae ñogüɨnoi vaerä jo pegua reta ñavo ndive tëta guasu ikësea ɨ̈vɨia japɨpe rupi, oasavi vae ñavo rupi, güɨnoi reve ipo ñavo pe ikɨsepuku, mii jare juvɨ reve reve.

San Marcos 13:22

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta, oporombotavɨ vaerä, jare ipuereta vi ombotavɨ Tumpa jembiparavo reta ave.

Romanos 13:12

Pɨare katu yae ma, köe seri ma. Jáeramo agüɨye mo yayapo pɨtumimbi jembiapo. Yayemonde tembiporu tembipe pegua pe.

Romanos 13:14

Ërei peyemonde etei yandeYa Jesucristo pe. Agüɨye peñemee pesoo jemimbota pe.

1 Corintios 10:13

Echa mbaetɨ ko ou morojäa peve mbaetɨta peropɨa vae, ërei Tumpa jupi ko, ngaraa omaeño peñejäauka pepuere potambae peropɨa vae. Echa omeeta vi peve ñejäa ndive peropɨa vaerä.

2 Corintios 10:4

Echa orerembiporu reta ñeraro pegua kuae ɨvɨ peguaä ko, Tumpa imbaepuere etei ko, orepuere vaerä romoamɨri jëguambae vae.

2 Corintios 11:3

Ërei aipoɨu, güɨramoi jókuae mboi ipoki oporombotavɨ vaerä vae ombotavɨ Eva rami, peyembotavɨuka jare pepia Cristo güi.

2 Corintios 2:11

agüɨye vaerä Satanás ñanemoamɨri, echa yaikuaa kavi ko jae iñuai.

2 Corintios 4:4

Echa kuae ɨvɨ pegua tumpa ombopɨtumimbi oporogüɨroviambae reta iyarakuaa, agüɨye vaerä oikuaa kavi ñee ikavi vae Cristo iyemboetea regua. Jae ko Tumpa etei.

2 Corintios 6:7

ñee añete vae rupi, Tumpa imbaepuere pe, royapo avei jupi vae,

Efesios 4:14

Agüɨye vaerä mo yaiko michia rami. Oipotagüe yemboe pe yayererajauka vaerä. Echa mboromboe añetembae vae re oporomboe vae reta ipoki yae ko oporombotavɨ vaerä.

Efesios 4:24

Peyemonde teko ipɨau vae pe, Tumpa jae rami oyapo vae pe, jupi vae pegua pe, oñeñono tee añetete pegua vae.

Efesios 6:13

Jáeramo, peiporu opaete tembiporu ñeraro pegua Tumpa omee vae, pepuere vaerä peropɨa ikavimbae iara pe, jare pemoamɨri güire pepɨ̈rata vaerä pepɨta.

Colosenses 3:10

jare peyemonde ma teko ipɨau vae pe. Echa kuae teko ipɨau vae oyembopɨau aveita ojo oiko oyekuaa regua iyapoa rami, oikuaa kavi regua.

1 Tesalonicenses 5:8

ërei yande yaiko tembipe pe vae reta yayeandu ñaï, yamonde reve mborogüɨrovia pe jare mboroaɨu pe temimonde ñeraro pegua pe rami. Jare peñono peäka re äka-ɨru jiero pegua yemboasa pegua.

Hebreos 7:25

Jáeramo, jae ipuere omboasa jekuae avei pegua, opaete oya jae rupi Tumpa re vae reta, echa oiko avei oyerure vaerä Tumpa pe jese reta.

Santiago 4:7

Peñeñono Tumpa ipo igüɨ pe. Peñemomɨ̈rata añaguasu pe, jare jae otekuaraita pegüi.

1 Pedro 5:8

Peyeandu katu jare peïndaivi, echa perovaicho aña guasu yaguapope oñee rami oeka kia omokañɨtei vaerä.

Judas 1:24

Jókuae imbaepuere yae ñaneovatu vaerä yagüɨapimbae reve vae, jare ñaneñono vaerä ikɨambae jare yayerovia yae reve jae jóvai iyemboetea pe,

Apocalipsis 12:9

Jare oyemombouka jókuae mbaeporou guasu, mboi ñɨma vae, aña guasu Satanás jee vae, jae ko ombotavɨ opaete ɨvɨ pegua reta vae; oyemombouka ara güi opaete iaraɨgua reta ndive.

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.

Apocalipsis 2:24

Ërei pe reta jare opaete Tiatira pe peï vae reta, mbaetɨ jókuae mboromboe omomoe vae reta, jare mbaetɨ oikuaa Satanás iporomboe tɨpɨ yae vae reta, che yae peve mbaetɨta ma amoïru mborookuai,

JUECES 3:2

Jare oikatu vaerä oñeraro Israel iñemuña reta, mbaetɨ etei oikuaa kërai ko ñeraro vae.