Efesios 6:1 - Biblia Guarani Tumpa Iñee

¹ Kunumi reta jare kuñatai reta toyapo tu jare ichɨ jei vae, yandeYa re güɨrovia ramo, echa kuae jupi ko.

Nuevo Testamento Guaraní Pe

¹ Cunumi reta jare cuñatai reta toyapo tu jare ichɨ jeigüe, ñandeYa re güɨrovia rambue. Echa cuae jupi co.

Efesios 6:1 ပူးပေါင်းရင်းမြစ်များ

GÉNESIS 28:7

Jacob oyapo tu jare ichɨ jei vae, jare ojo Padan-aram kotɨ.

GÉNESIS 37:13

Jayave Israel jei José pe: —Nderɨkeɨ reta oime omongaru vecha reta ñogüɨnoi Siquem pe: Mase, romondota remae vaerä nderɨkeɨ reta re. Jare jae jei tu pe: —Ërei, taja.

GÉNESIS 48:12

Jayave José oekɨ imichia reta tu jäpapau güi jare itindɨasɨ ɨvɨ re.

GÉNESIS 50:12

Jacob taɨ reta oyapo chupe, opaete jae oyokuaigüe.

NEHEMÍAS 9:13

Jare regüeyɨ ɨvɨtɨ Sinaí re, nemiari jae reta ndive ara kotɨ güi, remee chupe reta yemongeta kavi, mborookuai reta añetetegüe jare ikavigüe.

ESTER 2:20

Jare Ester, Mardoqueo oyókuai rami mbaetɨ etei omombeu Judáɨgua ko vae ani jëtara ave; echa Ester oyapo Mardoqueo jeigüe, jese oiko yave oyapose rami.

JOB 33:27

Jae omae opaete kuimbae re, jare nde rere: “Cheyoa, ayavɨ, ërei Tumpa mbaetɨ oiporarauka cheve,

SALMOS 119:128

Jáeramo ko, amae jese jupi ko opaete ndeporookuai reta, opaete mbaembae reta güi, jare amotareɨ opaete apu reta.

SALMOS 119:75

CheYa Tumpa, aikuaa ndeporookuai jupi ko, jupi ko reiporarauka cheve yave.

SALMOS 19:8

Sɨmbi ko yandeYa iporookuai reta, oporomboyerovia vae, ikɨambae ko yandeYa iporookuai, oechauka opaete mbaembae vae.

PROVERBIOS 1:8

Cheraɨ, eendu nderu iporomboe, agüɨye eröɨro ndesɨ iporomboarakuaa,

PROVERBIOS 23:22

Eyeapɨsaka nderu iñee re, jókuae chugüi reñemuña vae re; agüɨye eröɨro ndesɨ itɨ̈aro ma yave.

PROVERBIOS 30:11

Oime amogüe oyepopeyu tu re vae, jare mbaetɨ iñee kavi ichɨ pe vae.

PROVERBIOS 30:17

Tu güɨnoti vae ichɨ iporomboe güɨröɨro vae, jupi ko omanoasɨ katu vaerä, jare chucha reta opa vaerä jou.

PROVERBIOS 6:20

Cheraɨ, eñovatu nderu iporookuai reta, agüɨye eeya ndesɨ iporomboarakuaa reta.

JEREMÍAS 35:14

Jonadab, Recab taɨ iñemuña reta, oyapo iñemuñagüe oyókuai vae, agüɨye vaerä jou reta vino, jare mbaetɨi jou reta añave regua, echa oyapo reta iñemuñagüe oyókuai vae. Che poyókuai avei iyɨpɨ güive, ërei mbaetɨ peyapo che jae vae.

JEREMÍAS 35:18

Jare Jeremías jei Recab iñemuña reta pe: “YandeYa Imbaepuere yae ete vae Israel iTumpa jei: ‘Pe reta peyapo ma peñemuñagüe Jonadab peokuai vae, jare opaete pemboegüe rupi peiko.

JEREMÍAS 35:8

Jare ore reta royapo oreñemuñagüe Jonadab, Recab taɨ jei vae, mbaetɨ etei rou vino, ore jare orerembireko reta, oreraɨ reta jare orerayɨ reta,

OSEAS 14:9

Yarakuaa katu vae jare oyeandu katu vae reta toikuaa kuae ñee: YandeYa jemimbota sɨmbi ko, jupi vae reta oguatata jokoropi, ërei ipɨapochɨ vae reta, oyepɨakata jokoropi.

LEVÍTICO 19:3

Metei ñavo tomboete tu jare ichɨ, Tomboete vi cheara mbutuu pegua. Che ko peYa Tumpa.

San Lucas 2:51

Jayave Jesús ojo ye Nazaret pe jae reta jupíe, jare oiko jae reta jeia re. Jare Jesús ichɨ oñovatu ipɨa pe opaete kuae kuae.

Romanos 12:2

Agüɨye mo peiko añave ipɨa jemimbota reño yogüɨreko vae rami. Peipoepɨ peyemongeta, oyepoepɨ vaerä vi peikogüe vae jare peikuaa vaerä Tumpa jemimbota re; jae ko ikavi yae vae, omboyerovia vae, jaekavi yae vae.

Romanos 16:2

Pemboresive kavi yandeYa jee re, jupi ko körai oyapo vaerä oporogüɨrovia vae reta. Jare pemborɨ, opaño mbaembae pe, echa jae omborɨ jeta vae, jare chemborɨ vi.

Romanos 7:12

Ërei mborookuai ikɨambae ko, jare mborookuai jei vae ikɨambae ko, jupi ko jare ikavi vae ko.

1 Corintios 15:58

Jáeramo, cherɨvɨ aaɨu vae reta, peñemoäta ngatu jare peñemomɨ̈rata, peparavɨkɨ avei yandeYa pe, echa peikuaa kërai mbaetɨ ko peparavɨkɨiño yandeYa pe.

DEUTERONOMIO 21:18

Oime yave kia nunga vae taɨ mbaetɨ oipota oyapo mborookuai jare ipɨapochɨ, yepe tëi oyókuai tu ani ichɨ, jare yepe tëi oinupa jese,

1 Timoteo 5:4

Ërei imemano vae oime yave güɨnoi imembɨ reta ani jamariro reta, jae reta räri tomborɨ jo pegua reta jare tu reta, echa jókuae ko ikavi jare omboyerovia Tumpa.

1 Pedro 2:13

YandeYa perovia ramo peyapo opaete mburuvicha reta ɨvɨ pegua jei vae; mburuvicha guasu, echa peruvicha ko,

RUT 3:5

Jare Rut jei chupe: —Tayapo opaete nde cheokuai vae.

1 SAMUEL 17:20

Jayave David opüa ndeimboveasɨ, oeya vecha reta ïru vae ipo pe, jare jae ojo ivoɨta ndive tu Isaí oyókuai rami. Jare ojo oväe teyupa pe yave, sundaro reta oyupavo ñogüɨnoi yogüɨraja vaerä ñeraroa pe, osapúkai reta sapúkai ñeraro pegua pe.