Efesios 5:8 - Biblia Guarani Tumpa Iñee

⁸ Echa tenonde yave peikose pɨtumimbi pe rami. Ërei añave peiko tembipe rami yandeYa re. Peiko tembipe pe yogüɨreko vae reta rami.

Nuevo Testamento Guaraní Pe

⁸ Echa tenonde yave pe reta peico yogüɨreco pɨtumimbi pe vae reta rami. Erei añave peico tembipe ñandeYa omee peve vae pe. Jecuaeño peico yogüɨreco tembipe pe vae reta rami.

Efesios 5:8 ပူးပေါင်းရင်းမြစ်များ

SALMOS 74:20

¡Nemaendúa neporogüɨrökuavee päve re, echa kuae ɨvɨ tɨnɨe oï tekorai pe!

ISAÍAS 2:5

¡Peyu, Jacob iñemuña reta, yaguata yandeYa omee tembipe yandeve vae pe!

ISAÍAS 42:16

Jesambae reta arajata tape, jae reta oikuaambaea rupi, jae reta japerä rupi pɨtumimbi amoembipeta, tape pɨ̈chɨi vae ambokavita. Kuaekuae, ayapota chupe reta, mbaetɨta aeya reta jae aeño.

ISAÍAS 49:6

Jae jei körai: “Mbaetɨta royókuai, remopüa ye Jacob iñemuña reta vaeräño, Israel iñemuña jembɨregüe reta; roñono vi ko tembipe rami opaete tëtaguasu reta peguarä, reraja vaerä yereroasayepe amee vae opaete vae reta pe, ɨvɨ jembeɨ rupi ave.”

ISAÍAS 49:9

Rere vaerä tembipɨɨ reta ñogüɨnoi vae reta pe: ‘Peë’, jare pɨtumimbía pe ñogüɨnoi vae reta pe ere: ‘Peyeechauka.’ Tape rupi peväeta kapii, jare opaete ɨvɨ ipombaea rupi oimeta perɨmba reta jembiurä.

ISAÍAS 50:10

Opaete pe reta peipoɨu yandeYa güi vae, jare peendu jembiokuai iñee vae: Pɨtumimbía rupi peguata yave, ani mbaetɨ jembipe ete kavi mbatee peve yave, peyeko yandeYa re, peyeko peTumpa re.

ISAÍAS 9:2

Tëta pɨtumimbi pe oguatase vae oecha tembipe tuicha yae vae; mano ipo pe yogüɨrekose vae reta re, tembipe oesape.

JEREMÍAS 13:16

Pemboete peYa Tumpa, ndei jae ombou mbove pɨtumimbi vae, jare ndei pepɨ̈sa-yeyuka mbove ɨvɨtɨ reta rupi; peäro tëi tembipe, ërei jae oipoepɨ pɨtumimbiasɨ pe peve, ñamano rape katu vae pe.

San Mateo 3:8

peyapo ikavi vae, jökorai pemboyekuaa añetete peeya ko peyemongeta ikavimbae vae pepɨa pe penoi vae.

San Mateo 4:16

Pɨtumimbi pe yogüɨrekose vae reta oecha ma tembipe tuicha yae vae. Mano ipo pe yogüɨrekose vae reta re tembipe oesape.”

San Lucas 1:79

omoembɨpe vaerä pɨtumimbi rupi jare ñamano rape katu vae rupi yogüɨreko vae reta pe, Jae yandemborɨ vaerä yaguata tape mbɨakatu pegua rupi.”

San Lucas 16:8

Jare kuimbae oikokatu vae omboete imbaembae iyangarekoa ñarakuaa vae, ipoki reve oyapo iyeupe vae re. Echa kuae ɨvɨ pegua reta oikatu yae ko iyeupe ïru ndive Tumpa pe oyeokuai vae reta güi.

San Juan 1:9

Jókuae tembipe añetete pegua vae, omboesape opaete vae reta re vae ou kuae ɨvɨ pe.

San Juan 12:35

Jesús jei chupe reta: —Tembipe oimeño pe reta ndive ramboeve peguata tembipe pe, agüɨye vaerä pepokou pɨ̈tu. Echa pɨtumimbi pe oguata vae mbaetɨ oikuaa kerupi ojo.

San Juan 12:36

Tembipe oï pe ndive ramboeve, perovia tembipe re, peiko vaerä tembipe pe. Kuae jei ma yave, Jesús ojo chugüi reta, jare okañɨ chugüi reta.

San Juan 12:46

Ayu ɨvɨ pe amee vaerä tembipe ɨvɨ pegua reta pe, agüɨye vaerä cheré güɨrovia vae oiko pɨtumimbi pe.

San Juan 8:12

Kuae jaɨkue rupi Jesús jei jeta vae reta pe: —Che ko tembipe ɨvɨ peguarä. Oiko che ndive vae ngaraa oguata pɨtumimbi pe. Echa güɨnoita tembipe tekove pegua.

Hechos 17:30

Ërei Tumpa ɨma rupi mbaetɨ oiporarauka oikuaambae vae reta pe. Ërei añave jae oyókuai opaete ɨvɨ pegua reta oeya vaerä iyemongeta ikavimbae vae ipɨa pe güɨnoi vae.

Hechos 26:18

reipea vaerä jesa reta, jare oyepoepɨ reta vaerä pɨtumimbi güi tembipe pe jare Satanás imbaepuere güi Tumpa kotɨ. Cheré güɨrovia reta yave Tumpa iñɨ̈rota chupe reta iyoa reta re jare omboresive retata vi imbaerä vae ïru oñeñono tee Tumpa peguarä vae reta ndive.

Romanos 1:21

Oikuaa reta tëi Tumpa, ërei jeseve mbaetɨ omboete. Omeeä vi yasoropai chupe. Ërei ipɨa pe oyemongeta reta iyarakuaambae rami, jare iyemongeta reta opa oyembopɨtumimbi.

Romanos 13:12

Pɨare katu yae ma, köe seri ma. Jáeramo agüɨye mo yayapo pɨtumimbi jembiapo. Yayemonde tembiporu tembipe pegua pe.

Romanos 2:19

Nde reyererovia katu reroata vaerä jesambae Tumpa jóvai vae reta, jare remboesape pɨtumimbi pe ñogüɨnoi vae reta pe;

1 Corintios 1:30

Ërei Tumpa etei peapo metei ramiño Cristo Jesús ndive. Echa Cristo Jesús rupi Tumpa omee yandeve arakuaa, yembojupi, ñaneñono tee jare yandereepɨ.

2 Corintios 3:18

Jáeramo, opaete yande ñamae ramboeve yandeYa iyemboetea re epeo rupi rami, yayepoepɨ yaja yaiko yandeYa iEspíritu rupi.

2 Corintios 4:6

Echa Tumpa ko jei oime vaerä pɨtumimbi pe tembipe. Jae etei ko omoembipe orepɨa pe, roikuaa vaerä Tumpa iyemboetea oyekuaa Jesucristo rupi.

2 Corintios 6:14

Agüɨye peñemoïru oporogüɨroviambae vae reta ndive. Echa ¿këraita pa mbaejupi oñemoïru mbaejupimbae ndive?, ani ¿këraita pa tembipe oñemoïru pɨtumimbi ndive?

Gálatas 5:25

Yaiko ma yave Espíritu Santo rupi, yayapo Espíritu Santo jeia.

Efesios 2:2

Echa jókuae pe ko peyapo yepi tenonde rupi, pemomoe teko kuae ɨvɨ pegua, peyapo jókuae mburuvicha yaechambae vae iñeereendumbae vae re oparavɨkɨ oï vae jemimbota.

Efesios 4:18

echa iyemongeta oyembopɨtumimbi ma. Mbaetɨ güɨnoi reta tekove Tumpa omee vae, mbaetɨ oikuaa reta ipɨatäta ramo;

Efesios 5:2

Peyoaɨu, Cristo yanderaɨu rami. Echa jae oñemee omano vaerä yanderé, mɨmba oyeyukagüe ipiche katu vae Tumpa pe oñemee rami.

Efesios 6:12

Echa mbaetɨ ñañeraro ñaï ɨvɨ pegua reta ndive. Ñañeraro ko ñaï mburuvicha reta, imbaepuere vae reta, tenondegua ete mburuvicha pɨtumimbi pegua reta ndive, jeta vae ara rupigua reta ikavimbae pegua reta ndive.

Colosenses 1:12

Peyerovia reve pemee yasoropai yandeRu pe, echa jae omee ma peve penoi vaerä pembaerä opaete ïru oporogüɨrovia vae reta tembipe pegua pe oñemeeta vae.

Colosenses 1:13

YandeRu yandereepɨ ma mbaepuere pɨtumimbi pegua güi, jare yandereroyakavo ma Taɨ oaɨu vae iporookuaía pe;

Tito 3:3

Echa tenonde yave yandearakuaambaese yepi, yandepɨapochɨ, yanderopa, yaikose yanderete jemimbota reta reño, yaiko ikavimbae rupi, yandepɨakatúä,

1 Juan 1:7

Ërei yaiko yave tembipe pe, Tumpa oiko tembipe rami, ñañemoïru ko oyoupi, jare Taɨ Jesucristo jugüɨ yandeyoe opaete mbaeyoa güi.