Efesios 5:32 - Biblia Guarani Tumpa Iñee

³² Tuicha yae ko kuae yaikuaa rapembae vae. Chemiari ko aï peve Cristo re jare oporogüɨrovia vae reta re.

Nuevo Testamento Guaraní Pe

³² Mbaeti etei ñandepuere yaicuaa cavi cuae regua. Erei chemiari ai peve Cristo jare oporogüɨrovia vae reta re.

Efesios 5:32 ပူးပေါင်းရင်းမြစ်များ

ISAÍAS 54:5

Echa ndeApoa ko jae neme rami. Jae ko jee yandeYa Imbaepuere yae ete vae; ndeReepɨ vae, jae ko Iyoambae Israel pegua, jae ko jee Tumpa, opaete ɨvɨ pe.

San Juan 3:29

Jae ko metei kuimbae omendata vae rami. Che ko omendata vae ivɨa-ïru rami. Echa omendata vae ivɨa-ïru opɨta omendata vae ndive jare oyeapɨsaka jese jare oyerovia iñee oendu yave. Jökoraiño vi ko che añave ayerovia yae.

2 Corintios 11:2

Cherägüɨro peré, Tumpa jägüɨro rami. Echa pomee ma Cristo pe imenda ïrurä, poñono vaerä jóvai metei kuñatai ndeiño etei oasa kuimbae ndive vae rami.

Efesios 5:31

“Jáeramo, kuimbae toeya tu jare ichɨ, toyogüɨreko jembireko ndive, jare toyogüɨreko metei ramiño.”

Efesios 5:33

Ërei metei vae ñavo toaɨu jembireko, jae oyeaɨu rami. Jare kuña tomboete ime.

Efesios 6:19

jare cheré vi, Tumpa omee vaerä cheve ñee, akɨɨyembae reve aikuaauka vaerä yaikuaa rapembae vae ñee ikavi regua.

Colosenses 2:2

pepɨakatu vaerä, jare peyoaɨu vaerä metei ramiño, peupitɨ regua opaete arakuaa, peikuaa regua yandeRu Tumpa jare Cristo regua yaikuaambae vae.

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

1 Timoteo 3:8

Jaeramiño vi oporogüɨrovia vae reta imborɨa reta toiko reta jupi rupi kavi, agüɨye toipoepɨ katu iyemongeta, agüɨye tikause, agüɨye tomonganaiño jupimbae reve;

Apocalipsis 21:2

Jare che etei aecha jókuae tëta guasu oñeñono tee Tumpa peguarä vae, jae ko Jerusalén ipɨau vae, ogüeyɨ ou Tumpa oïa güi. Oyeapokatu ou metei kuñatai omendata vae rami.