Efesios 5:29 - Biblia Guarani Tumpa Iñee

²⁹ Echa mbaetɨi ko kia omotareɨ jete vae, jaeño omongaru jare oyangareko jese. Jökorai ko Cristo oyangareko oporogüɨrovia vae reta re,

Nuevo Testamento Guaraní Pe

²⁹ Echa mbaeti etei quia omotareɨ jete ae. Opaete vae omongaru jete ae, jare oñangareco jese. Jae ramiño vi Cristo oñangareco oporogüɨrovia vae reta re.

Efesios 5:29 ပူးပေါင်းရင်းမြစ်များ

GÉNESIS 2:23

Jayave Adán jei: “¡Kuae ko jae chekägüe ïru jare chesoo ïru! Jeeta ‘kuña’, echa kuimbae güi ko oyeapo.”

PROVERBIOS 11:17

Iporoparareko vae, ikavi vae ko oyapo iyeupeguarä, ërei ipɨa-pïrimbae, iyeupeguaräño ko oyapo ikavimbae.

ECLESIASTÉS 4:5

Yarakuaambae, mbaetɨ mbae oipota oyapo, jökorai jaeiño oñemokañɨtei.

ISAÍAS 40:11

Ou vecha iyangarekoa oyangareko ivecha re rami, ovoɨ vecha kuimbae taɨrusu vae reta, oiküava güɨraja ipɨtía re, jare oyangareko kavi imembɨmii vae reta re.

EZEQUIEL 34:27

Ɨvɨra reta iata, ɨvɨ omeeta mbaagüɨye, jare jae reta yogüɨreko pɨagüiveta iɨvɨ pe. Aepɨ yave chembae vae reta tembɨpɨɨrä yogüɨreko vae güi, jayave chekuaa retata che ko jae peYa vae.

San Mateo 23:37

¡Jerusalén! ¡Jerusalén!, reyuka ñeemombeúa reta. Reyapi reyuka ita pe Tumpa ombou ndekotɨ vae reta. Jeta vese chekɨ̈reɨ tëi amboatɨ ndeipo reta, uru omboatɨ imembɨ reta ipepo igüɨ pe rami, ërei nde mbaetɨ reipota.

San Mateo 6:26

Pemae güɨra reta re. Kërai jae reta mbaetɨ tëi omaetɨ jare ombaarɨvo. Mbaetɨ tëi vi iyavatío. Ërei peRu ara pe oï vae omongaru reta. ¿Pe retaa pa ko Tumpa peraɨu yae chugüi reta vae?

Romanos 1:31

Arakuaambae pe, jei oyapo vaerä vae oyapombae vae, iporoaɨumbae vae, ipɨa pïrimbae yae vae, iporopararekombae vae.

Efesios 5:28

Jökoraiño vi kuimbae reta toaɨu jembireko, jae reta oyeaɨu rami. Jembireko oaɨu vae, jae etei oyeaɨu.

Efesios 5:30

echa yande ko jae Cristo jete, isoo jare ikägüe reta.

Efesios 5:31

“Jáeramo, kuimbae toeya tu jare ichɨ, toyogüɨreko jembireko ndive, jare toyogüɨreko metei ramiño.”