Efesios 5:27 - Biblia Guarani Tumpa Iñee

²⁷ jökorai oporogüɨrovia vae reta imboetea yae reve güeru vaerä jóvai ikɨambae reve ani jova oñɨñɨimbae reve ani jókuae rami vae, jaeño ikɨambae etei, ikavi yae reve.

Nuevo Testamento Guaraní Pe

²⁷ Jocorai Cristo oyapo, oporogüɨrovia vae reta oñemboeteuca vaera jae jóvai ñogüɨnoi yave. Ngaraa güɨnoi mbae iquɨa vae jare mbae oñemopochɨi vae. Ngaraa etei güɨnoi cuae nunga mbaembae. Echa Cristo oñemoeterenga omano vaera, oporogüɨrovia vae reta oñeñono tee vaera chupeguara, jare icavi yae ñogüɨnoi vaera.

Efesios 5:27 ပူးပေါင်းရင်းမြစ်များ

SALMOS 45:13

¡Mburuvicha guasu tayɨ maepöra yae vae omopöra reïa! ¡Jemimonde imbopotɨa omopöra vae oro pegua!

SALMOS 87:3

Tumpa jëta guasu, ndemboete yae rupi jei reta ndekotɨ vae:

CANTARES 4:7

¡Roaɨu vae, nepöra yae ko! ¡Täta nderete kavi!

ISAÍAS 62:3

Jare äka-regua yemboetearä peikota, äka-regua mborookuaía pegua neTumpa ipo pe.

JEREMÍAS 33:9

Jare Jerusalén oïta cheve yerovia katurä, mbaemboete jare yemboete pegua opaete tëtaguasu reta ɨvɨ pegua jóvai. Jare jae reta oikuaa che amee opaete mbae ikavi vae Jerusalén pegua reta pe yave, orɨrɨi retata okɨɨye güi.”

2 Corintios 11:2

Cherägüɨro peré, Tumpa jägüɨro rami. Echa pomee ma Cristo pe imenda ïrurä, poñono vaerä jóvai metei kuñatai ndeiño etei oasa kuimbae ndive vae rami.

2 Corintios 4:14

Echa roikuaa Tumpa omoingove ye yandeYa Jesús. Jaeramiño vi roikuaa Tumpa oremoingove yeta ko Jesús ndive, jare orererajata pe reta ndive jae jóvai.

Efesios 1:4

jae yandeparavo jese ndei ɨvɨ oyeapo mbove, ñañeñono tee yaiko vaerä ikɨambae jae jóvai;

Colosenses 1:22

jae jete omano vae rupi. Jökorai oyapo, peñono tee vaerä, ikɨambae, jekombae vae iyeupeguarä jae jóvai.

Colosenses 1:28

Ore romoërakua Cristo, romboarakuaa jare romboe reve opaete vae, arakuaa re, opaete vae okuakuaa kavi vaerä Cristo Jesús re.

1 Tesalonicenses 5:23

Tumpa etei, mbɨakatu omee vae, tapeñono tee jare toyangareko kavi peré, peespíritu re, perekove re jare perete re, agüɨye vaerä kia pemboeko mbae re yandeYa Jesucristo ou ye yave.

Hebreos 9:14

Vɨtei pa Cristo jugüɨ, echa jae Espíritu Santo oikoño mai vae rupi oñemee Tumpa pe ikɨambae etei, jókuae rupi oitɨo yandeyemongeta ikavimbae mano pegua güi, yayeokuai vaerä Tumpa oikove vae pe.

1 Pedro 1:19

jaeño Cristo jugüɨ jepɨ yae vae rupi, jókuae vecha kuimbae taɨrusu vae jete kavi jare ikɨambae vae oñemee Tumpa pe rami.

2 Pedro 3:14

Jáeramo, cherɨvɨ aaɨu vae reta, peäro ramboeve peï kuae mbaembae reta, peyeandu agüɨye vaerä peñeväeuka pekɨa reve ani teko pe, jaeño mbɨakatu pe.

Judas 1:21

Peiko avei Tumpa iporoaɨu pe. Peäro reve yandeYa Jesucristo iporoparareko rupi omee vaerä peve tekove opambae vae.

Judas 1:24

Jókuae imbaepuere yae ñaneovatu vaerä yagüɨapimbae reve vae, jare ñaneñono vaerä ikɨambae jare yayerovia yae reve jae jóvai iyemboetea pe,

Apocalipsis 14:4

Jae reta mbaetɨ oyemongɨa kuña reta ndive. Echa mbaetɨ etei oasa reta kuña ndive. Jae reta yogüɨraja Vecha kuimbae taɨrusu vae ndive kerupi ojoa rupi. Kuae reta ko Cristo oepɨ ɨvɨ pegua reta ipɨte güi vae. Jae reta ko mbaagüɨye rɨpɨ rami Tumpa jare Vecha kuimbae taɨrusu vae peguarä.