Efesios 5:23 - Biblia Guarani Tumpa Iñee

²³ echa kuimbae ko jae kuña iñäka, Cristo oporogüɨrovia vae reta iñäka rami. Echa oporogüɨrovia vae reta jae ko Cristo jete jare Cristo ko jae imboasaa.

Nuevo Testamento Guaraní Pe

²³ Echa cuimbae oyócuai jembireco, ñaneaca oyócuai ñanderete rami. Jae ramiño vi Cristo co jae oporogüɨrovia vae reta iñaca. Jare oporogüɨrovia vae reta co jae Cristo jete, jare Cristo co jae oporogüɨrovia vae reta omboasa vae.

Efesios 5:23 ပူးပေါင်းရင်းမြစ်များ

Hechos 20:28

Jáeramo peyeandu jare peyangareko opaete oporogüɨrovia vae reta re, Espíritu Santo peparavo peyangareko jese vaerä vae reta re. Jókuae yandeYa oiparavo vae reta re, jae ogua jugüɨ ae pe vae.

1 Corintios 6:13

Tembíu yanderɨe peguarä ko, jare yanderɨe tembíu pegua ko. Ërei Tumpa omboaita ko mókoi reve. Ërei yanderete mbaetɨ ko aguasa peguarä jaeño ko oï yandeYa peguarä, jare yandeYa yanderete peguarä.

Efesios 4:15

Ërei jekuaeño yaiko añete vae rupi mboroaɨu reve, yakuakuaa vaerä Cristo oipota rami, jae ko oporogüɨrovia vae reta iñäka.

Efesios 5:24

Oporogüɨrovia vae reta yogüɨreko Cristo jeia re rami, jökorai vi kuña reta toiko ime jeia re opaete pe.

Colosenses 1:18

Jae ko oporogüɨrovia vae reta iñäka, jare jae ko tenondegua vae. Echa jae tenonde voi oikove ye omanogüe reta ipɨte güi, jae oiko vaerä opaete vae itenondeguarä.

1 Tesalonicenses 1:10

jare kërai peäro peï Tumpa Taɨ ou ye vaerä ara güi, jae ko Jesús, jókuae Tumpa omoingove ye omanogüe reta ipɨte güi vae. Jae ko yandereepɨ Tumpa iyarasɨ outa vae güi vae.

Apocalipsis 19:7

Yavɨakatu, yayerovia jare yamboete; echa oväe ma ara Vecha kuimbae taɨrusu vae omenda vaerä jare jembirekorä vae oyeapokatu ma:

Apocalipsis 5:9

jare jae reta otairari metei tairari ipɨau vae, jei reve: “Jupi ko nde reipɨɨ vaerä tembikuatía, jare reyora vaerä imboyaa, echa reyeyukauka, jare nderugüɨ pe oreyora Tumpa peguarä, opaete ñemuña, ñee, tëta jare tëtaguasu,