Efesios 5:2 - Biblia Guarani Tumpa Iñee

² Peyoaɨu, Cristo yanderaɨu rami. Echa jae oñemee omano vaerä yanderé, mɨmba oyeyukagüe ipiche katu vae Tumpa pe oñemee rami.

Nuevo Testamento Guaraní Pe

² Jae rambue peico peyoaɨu reve, Cristo ñanderaɨu rami. Echa Cristo oñemoeterenga omano vaera, metei maemɨmba oyeyucagüe Tumpa pe oñererocuavee vae rami. Jare cuae oyapo omboai vaera ñanembaeyoa reta. Cuae omboyerovia Tumpa, mbae ipiche cavi vae oporomboyerovia rami.

Efesios 5:2 ပူးပေါင်းရင်းမြစ်များ

GÉNESIS 8:21

YandeYa oëtu yave ipiche katu mbota, jei ipɨa pe: “Ngaraa ye ma ayepopeyu ɨvɨ re kuimbae jeko pegua, yepe tëi kuimbae taɨrusu güive ipɨa pɨ̈chɨi yae vae reño; ngaraa ye ma amboai opaete oikove vae añave ayapo rami.

ÉXODO 29:18

Jare opaetei eapɨ vecha kuimbae mɨmba oyeyuka oyeapɨ jese vae re; mɨmba oyeyukagüe opaetei oyeapɨ vae ipiche katu vae ko peYa peguarä; jae ko che peYa peguarä mbota oyeapɨ vae.

ÉXODO 29:25

Jaɨkue rupi eekɨ ipo reta güi jare eapɨ mɨmba oyeyuka oyeapɨ jese vae re, mɨmba oyeyukagüe opaetei oyeapɨ vae ndive, ipiche katu vaerä otimbo cheróvai. Jae ko mbota oyeapɨ che peYa pe vae.

LEVÍTICO 1:13

Jare toyoe ɨ pe ichuri churigüe jare iugüe reta; jare sacerdote tomee opaete, toapɨ mɨmba oyeyuka oyeapɨ jese vae re; mɨmba oyeyukagüe opaetei oyeapɨ vae ko, mbota ipiche katu vae ko cheveguarä.

LEVÍTICO 1:17

Jare toipeka ikupepɨte rupi ipepo reta ipäu rupi, ërei agüɨye tomboyao oyougüi; jare sacerdote toapɨ mɨmba oyeyuka oyeapɨ jese vae re, yepea oï tata pe vae re; mɨmba oyeyukagüe opaetei oyeapɨ vae ko, mbota ipiche katu vae ko cheveguarä.

LEVÍTICO 1:9

Jare mbota omee vae toyoe ɨ pe ichuri churigüe jare iugüe reta, jare sacerdote toapɨ mɨmba oyeyuka oyeapɨ jese vae re; mɨmba oyeyukagüe opaetei oyeapɨ vae ko, mbota ipiche katu vae ko cheveguarä.

LEVÍTICO 3:16

Jare sacerdote toapɨ kuae reta mɨmba oyeyuka oyeapɨ jese vae re; mbota tembíu oyeapɨ ipiche katu vae ko cheveguarä. Opaete mɨmba ikɨragüe chembae ko.

AMÓS 5:21

Amotareɨ jare chemboyuguaru ko opaete peporomboete pemopöra yae peyapo vae; jare mbaetɨ chepɨakatu peyemboatɨ guasu reta re.

San Mateo 20:28

Echa che Kuimbaerä ayeapo vae ayu ayeokuai vaerä ïru vae reta pe. Mbaetɨ ayu ïru vae reta oyeokuai cheve vaerä. Ayu amano vaerä, jeta vae aepɨ vaerä.

San Juan 13:34

Amee peve metei mborookuai ipɨau vae, jae ko: Peyoaɨu. Peyoaɨu che poaɨu rami.

San Juan 6:51

Che ko jae mbɨyape oikove vae ara güi ogüeyɨ vae. Kia nunga jou kuae mbɨyape vae oikoveta jekuae avei pegua. Jare jókuae mbɨyape ameeta vae cherete ko, jae ameeta ɨvɨ pegua reta jekove re vae.

Romanos 15:16

ayeokuai vaerä Jesucristo pe judiombae vae reta ipɨte pe, amoërakua Tumpa ñee ikavi vae. Judiombae vae reta vi oñemee vaerä mbota Tumpa pe oñemee vae rami, oñono tee Espíritu Santo rupi vae.

Romanos 4:25

echa jae oñemee omano vaerä yandeyoa reta re jare oikove ye yandembojupi vaerä.

Romanos 8:3

Echa Tumpa oyapo, mborookuai mbaetɨ ipuere oyapo vae, echa mborookuai ipuereä yandemborɨ yandeyoa jeko pegua. Jáeramo, ombou Taɨ kuae ɨvɨ pe, metei kuimbae iyoa vae rami, omano vaerä yandeyoa re. Jökorai omoamɨri mbaeyoa jókuae jete rupi;

Romanos 8:37

Ërei yepe tëi opaete kuae oyeapo yandeve, jekuaeñoi ñaporomoamɨri jókuae yanderaɨu vae rupi.

1 Corintios 16:14

Opaete mbae peyapo vae peyapo peporoaɨu reve.

1 Corintios 5:7

Peyetɨo mbɨyape imbovúa indechigüe güi, peï vaerä mbɨyaperä ipɨau vae oyembovumbae rami. Echa Cristo ko vecha kuimbae taɨrusu vae yandePascua pegua, omano ma yanderé.

2 Corintios 2:14

Yasoropai Tumpa pe, echa jae jekuaeño oremborɨ roporomoamɨri vaerä Cristo Jesús rupi, jare omee oreve ñee ikavi vae roikuaauka vaerä opaete kerupi, mbae ikäti kavi vae otimbo kavi opaete rupi rami.

2 Corintios 2:15

Echa ore reta Cristo re, mbae ikäti kavi vae rami ko Tumpa pe. Jökoraiño vi oporogüɨrovia vae reta pe jare oporogüɨroviambae vae reta ipɨte pe.

2 Corintios 8:9

Peikuaa kavi ko kërai yandeYa Jesucristo ipɨa kavi, kërai jae yepe tëi oikokatu, ërei oyemombaravete peraɨu ramo, peikokatu vaerä.

Gálatas 1:4

YandeYa Jesucristo oñemee omano vaerä yandeyoa reta re, yandeyora vaerä teko ikavimbae vae ɨvɨ pegua güi. Echa kuae ko jae yandeRu Tumpa jemimbota.

Gálatas 2:20

Cristo ndive ko che ayekutu kurusu re, jáeramo mbaetɨ ma aikove, jaeño Cristo oikove chepɨa pe. Jare añave aikove aiko ramboeve, aiko mborogüɨrovia Tumpa Taɨ re anoi vae re. Echa jae cheraɨu, jare jae aeño oñemee omano vaerä cheré.

Efesios 1:4

jae yandeparavo jese ndei ɨvɨ oyeapo mbove, ñañeñono tee yaiko vaerä ikɨambae jae jóvai;

Efesios 3:17

Cristo toiko pepɨa pe peporogüɨrovia rupi, jökorai tätagüe jare pepɨ̈rata vaerä mboroaɨu pe,

Efesios 3:19

jökorai peikuaa Cristo iporoaɨu oyapɨraa ko opaete arakuaa, petɨnɨe vaerä Tumpa pe.

Efesios 4:15

Ërei jekuaeño yaiko añete vae rupi mboroaɨu reve, yakuakuaa vaerä Cristo oipota rami, jae ko oporogüɨrovia vae reta iñäka.

Efesios 4:2

Peñemomichi reve, pepɨaguasu oyoupe peyoaɨu reve,

Efesios 5:15

Jáeramo, peñemoäta ngatu peiko kavi vaerä, agüɨye peiko iyarakuaambae vae reta rami. Peiko iyarakuaa vae reta rami.

Efesios 5:25

Kuimbae reta toaɨu jembireko, Cristo oaɨu oporogüɨrovia vae reta rami, echa jae oñemee omano vaerä jese reta,

DEUTERONOMIO 27:6

Ita joko revegüe pe peyapo mɨmba oyeyuka oyeapɨ jese vae yandeYa Tumpa peguarä. Jókuae re pemee mɨmba oyeyukagüe opaetei oyeapɨ vae yandeYa Tumpa pe

Filipenses 4:18

Ërei che opaete mbaembae amboresive. Mbaetɨ mbae oata cheve. Echa amboresive ma Epafrodito güi pembou cheve vae. Jókuae pembou vae metei mbota ipiche katu vae oñemee Tumpa pe vae rami ko. Jókuae omboyerovia Tumpa vae.

Colosenses 3:14

Opaete kuaekuae reta güi peyoaɨu. Echa mboroaɨu ko ikavi yae oporomometei vaerä.

1 Tesalonicenses 4:9

Ërei mboroaɨu penoi vae regua, aecha mbaetɨ jupi aikuatía vaerä peve. Echa peikuaa ma Tumpa pemboe ma ko peyoaɨu vaerä.

1 Timoteo 2:6

Jae oñemee omano vaerä, oepɨ vaerä opaete vae. Jare Tumpa oikuaauka kuae, iara pe kavi.

1 Timoteo 4:12

Agüɨye kia tanereröɨro ndetaɨrusu ramo, ërei eechauka oporogüɨrovia vae reta pe neñee rupi, reiko vae rupi, mboroaɨu rupi, espíritu rupi, mborogüɨrovia rupi jare teko kavi rupi.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

Hebreos 8:3

Opaete sacerdote tenondegua ete reta ñogüɨnoi ko omee vaerä mbota reta jare mɨmba oyeyukagüe reta. Jáeramo jupi ko kuae sacerdote tenondegua ete vae omee vaerä mbae,

Hebreos 9:14

Vɨtei pa Cristo jugüɨ, echa jae Espíritu Santo oikoño mai vae rupi oñemee Tumpa pe ikɨambae etei, jókuae rupi oitɨo yandeyemongeta ikavimbae mano pegua güi, yayeokuai vaerä Tumpa oikove vae pe.

Hebreos 9:23

Jare opaete kuae reta ara pegua re oyembojaanga vae ikavi oyetɨo vaerä Tumpa kotɨ jökorai. Ërei mbaembae ara pegua oyetɨo tugüɨ ikavi yae ete vae pe, jókuae reta güi.

Hebreos 9:26

echa jökorai yave mona, omanota tëi ko jeta vese ɨvɨ oyeapo güive. Ërei añave ara reta taɨkuegua pe oñemee omano vaerä metei veseño jekuae avei pegua, omboai vaerä mbaeyoa reta.

1 Pedro 4:8

Pembotenonde peyoaɨu yae avei vae. Echa mboroaɨu güeru jeta ñɨ̈ro mbaeyoa re.

1 Juan 3:16

Kuae re yaikuaa kërai ko mboroaɨu vae, echa Jesucristo omano yanderé. Jaeramiño vi ikavi ko yande ñamee yanderekove ïru oporogüɨrovia vae reta re.

1 Juan 3:23

Jare Tumpa yandeokuai vae jae ko yarovia vaerä Taɨ Jesucristo jare yayoaɨu päve vaerä jae yandeokuai rami.

Apocalipsis 1:5

jare Jesucristo jupi rupi imiari vae, tenonde voi oikove ye omanogüe reta güi vae, mburuvicha guasu reta ɨvɨ pegua juvicha guasu güi. Yanderaɨu jare oyoe jugüɨ pe yandeyoa reta vae,

Apocalipsis 5:9

jare jae reta otairari metei tairari ipɨau vae, jei reve: “Jupi ko nde reipɨɨ vaerä tembikuatía, jare reyora vaerä imboyaa, echa reyeyukauka, jare nderugüɨ pe oreyora Tumpa peguarä, opaete ñemuña, ñee, tëta jare tëtaguasu,