Efesios 5:18 - Biblia Guarani Tumpa Iñee

¹⁸ Agüɨye peyembosavaɨpo, echa jókuae reta oyapo jeta mbae ikavimbae vae. Ërei pemaeño Espíritu Santo re omotɨnɨe vaerä pepɨa.

Nuevo Testamento Guaraní Pe

¹⁸ Jare agüɨye pesavaɨpo. Echa osavaɨpo vae reta oyapo jeta mbae icavi mbae vae. Erei pemaeño Espíritu Santo re omotɨnɨe vaera pepɨa.

Efesios 5:18 ပူးပေါင်းရင်းမြစ်များ

GÉNESIS 9:21

Jou vino jókuae uva güi oyeapogüe, osavaɨpo, jare inandi etei oyepɨso oï jo guakapi pegua mbɨte pe.

SALMOS 69:12

imiari ari reta chekotɨño tëta guasu öke pe oguapɨ vae reta, jare okau vae reta itairari rupi cheangao.

PROVERBIOS 20:1

Vino jare mbae oporombosavaɨpo vae, oporoapoasɨ katu yae ko jare oporogüɨrekorai vae ko; kia nunga vae ombaeyavɨ yave kuae reta jou vae jeko pegua, mbaetɨ ko iyarakuaa.

CANTARES 1:4

¡Chereraja nderupíe! ¡Yaja! ¡Chereraja ndero pe, mburuvicha guasu! Rovɨakatu jare royerovia yaeta ko nde ndive, royekouta ndeporoaɨu re, oasa yeta vino güi. ¡Jáeramo yepe, nderaɨu yae kuñatai reta!

CANTARES 7:9

ndeyuru, vino ikavigüe yae vae rami, jókuae jëe ngatu kavi oasa cherembe rupi jare cheräi rupi vae rami ko.

ISAÍAS 25:6

Ɨvɨtɨ Sión re yandeYa Imbaepuere yae ete vae, oyapota arete opaete ɨvɨ pegua reta peguarä, tembíu kavi ndive jare vino ikavigüe ndive, tembíu jëe ngatugüe ndive jare vino oyeambae ndive.

ISAÍAS 5:22

¡Peparavete!, pe reta perëia yae peu vaerä vino vae, perëia yae pemboyea vaerä vino peyeupe.

ISAÍAS 55:1

Opaete iɨuve vae reta: Peyu peɨu; jare mbaetɨ ikorepoti vae reta, peyu jare pekaru. Peyu, peraja pekorepotimbae reve jare jepɨmbae reve, vino jare neche.

LEVÍTICO 10:9

“Peike tupao guakapi pegua pe nde jare nderaɨ reta ndive yave, agüɨye peu vino ani mbae oporombosavaɨpo vae, agüɨye vaerä pemano; mborookuai jekuae avei pegua toiko peñemuña reta pe,

San Mateo 23:25

¡Paravete pe jova mókoi vae reta! Mborookuai re oporomboe vae reta jare fariseo reta. Echa peyoe peñae jare petasa reta ikupeño, ërei japɨpe tɨnɨe oï monda pe jare jupimbae pe.

San Mateo 24:49

Jare omboɨpɨ oinupa iñeïru tembiokuai reta, okaru jare okau ikause vae reta ndive.

San Lucas 1:15

Echa tuichagüe yaeta ko Tumpa jóvai. Jae ngaraa etei jou vino ani mbae oporombosavaɨpo vae. Jare tɨnɨeta Espíritu Santo pe ichɨ jɨe peve.

San Lucas 11:13

Yepe tëi pe reta perekopochɨ, ërei pemee mbaembae ikavi vae pemichia reta pe. Vɨtei pa peRu ara pe oï vae omeeta Espíritu Santo, oyerure chupe jese vae reta pe.

San Lucas 12:45

Ërei jókuae tembiokuai jei iyeupe ipɨa pe: ‘Cheya ngaraa ou ye jarembae.’ Jare omboɨpɨ oinupa ïru tembiokuai kuimbae reta jare tembiokuai kuña reta, okaru, okau jare oyembosavaɨpo.

San Lucas 21:34

Peyeandu, agüɨye vaerä pekaru reteiño jare pesavaɨpo, jare agüɨye vaerä peyemoambaeko mbaembae ɨvɨ pegua re. Agüɨye vaerä peparanoe ou oväe peve jókuae ara ikavimbae.

San Juan 2:10

Jei chupe: —Opaete vae arete pe oporoëɨ vino ikavi vae pe räri. Javoi jeta ma vino jou reta yave ramo güɨnoe chupe reta vino ikavi nungambae. Ërei nde añave ramo renoe vino ikavi yae vae.

Hechos 11:24

Echa Bernabé ko jae kuimbae jupi vae, oporogüɨrovia kavi jare tɨnɨe Espíritu Santo pe vae. Jare jeta vae oñemoïru oporogüɨrovia vae yandeYa re.

Romanos 13:13

Yaiko kavi, tembipe pe yogüɨreko vae reta rami. Agüɨye yandearete avei jare yasavaɨpo. Agüɨye ñamomora soo jemimbota ani ñanekuña pota ani kuña imbɨa pota yae. Agüɨye yanderovaicho pota jare yandeakatúä ïru vae re.

1 Corintios 11:21

Echa pekaru yave pe räri voi pemboɨpɨ peu tembíu perugüe, jáeramo amogüe iyɨmbɨaɨ, jare ïru vae oyembosavaɨpo.

1 Corintios 5:11

Ërei aikuatía ko peve agüɨye vaerä peñemoïru jókuae che aporogüɨrovia ko jei vae iyaguasa pota vae ndive, ani imbaepotarai vae, ani itumpa-raanga pota vae, ani iyuru pochɨ vae, ikause ani imonda vae, jókuae nunga ndive agüɨye etei ekaru yepe.

1 Corintios 6:10

imonda vae reta, imbaepotarai vae reta, isavaɨpose vae reta, iyuru pochɨ vae reta ani oporombotavɨ vae reta ngaraa yogüɨreko Tumpa iporookuaía pe.

DEUTERONOMIO 21:20

jare tei: ‘Kuae cheraɨ iñeereenduä yae jare ñäteɨ oyapo oreporookuai, mbaetɨ oipota oyapo roe chupegüe, ipɨa jeigüeño oyapo, isavaɨpose.’

1 Tesalonicenses 5:7

Echa oke vae reta oke pɨ̈tu yave, jare osavaɨpo vae reta oyembosavaɨpo pɨ̈tu yave;

Tito 1:6

Oporogüɨrovia vae reta itenondegua toiko kavi, agüɨye vaerä kia teko oväe jese, meteiño tijembireko, imichia reta toporogüɨrovia, jare agüɨye toyapo ikavimbae vae, ani tipɨapochɨ tu reta kotɨ.