Efesios 5:17 - Biblia Guarani Tumpa Iñee

¹⁷ Jáeramo, agüɨye peiko pearakuaambae, ërei peikuaa kavi yandeYa jemimbota.

Nuevo Testamento Guaraní Pe

¹⁷ Jae rambue agüɨye pearacuaa mbae. Erei peicuaa cavi ñandeYa jemimbota.

Efesios 5:17 ပူးပေါင်းရင်းမြစ်များ

JOB 28:28

Mase, arakuaa jae ko yandeYa güi oipoɨu vae, jare arakuaa katu oyembosɨrɨ ikavimbae vae güi vae.

SALMOS 111:10

YandeYa güi yaipoɨu vae re ko oï arakuaa katu; yarakuaa katu ko, opaete oyapo yandeYa iporookuai reta vae. ¡Tumpa oyemboete aveita ko!

SALMOS 119:27

Chemboe aikuaa kavi vaerä ndeporookuai reta, ayemongeta vaerä mɨakañɨ reta reyapogüe re.

PROVERBIOS 14:8

Kuimbae yarakuaa vae, iyarakuaa rupi oikuaa jeko, ërei ipokimbae reta, oyembotavɨ iyarakuaambae rupi aeño.

PROVERBIOS 2:5

Jayave reikuaata kërai ko yaipoɨu yandeYa güi vae; ¡reikuaata kërai ko Tumpa yaikuaa vae!

PROVERBIOS 23:23

Eväe añetete vae, arakuaa, mboromboe jare arakuaa katu, jare ¡agüɨye emee!

JEREMÍAS 4:22

YandeYa jei: “Tëta chembae vae yarakuaambae ko, mbaetɨ chekuaa. Jae ko cheraɨ reta oyemongetambae, mbaetɨ omae reta iyeupe vae; ikavimbae oyapo vaerä yarakuaa katu yae, ërei ikavi vae oyapo vaerä, mbaetɨ.”

San Juan 7:17

Oipotagüe ikɨ̈reɨ oyapo Tumpa jemimbota vae, oikuaata cheporomboe Tumpa iporomboe ra ko, ani cheyeugüi aeño ra chemiari vae.

Romanos 12:2

Agüɨye mo peiko añave ipɨa jemimbota reño yogüɨreko vae rami. Peipoepɨ peyemongeta, oyepoepɨ vaerä vi peikogüe vae jare peikuaa vaerä Tumpa jemimbota re; jae ko ikavi yae vae, omboyerovia vae, jaekavi yae vae.

Efesios 5:15

Jáeramo, peñemoäta ngatu peiko kavi vaerä, agüɨye peiko iyarakuaambae vae reta rami. Peiko iyarakuaa vae reta rami.

DEUTERONOMIO 4:6

Peñovatu jare peyapo mborookuai jei rami, echa jayave pearakuaa katuta jare pereechata opaete tëta reta, jare oendu reta yave mborookuai, jei retata: ‘¡Añetete kuae tëtaguasu yarakuaa katu, jare oikuaa katu yae!’

Colosenses 1:9

Jáeramo ore vi kuae roendu güive, royerure avei peré Tumpa pe, jae oikuaauka kavi vaerä peve jemimbota opaete Espíritu pegua rupi.

Colosenses 4:5

Peiko pearakuaa katu reve oporogüɨroviambae vae reta ndive. Peiporu kavi ara reta.

1 Tesalonicenses 5:18

Pemee avei yasoropai Tumpa pe oipotagüe mbae re, echa kuae ko jae jemimbota perovia Cristo Jesús re vae reta pe.

1 Pedro 4:2

agüɨye vaerä ma oikove oiko ramboeve oiko kuimbae reta rami isoo jemimbota rupi, jaeño Tumpa jemimbota rupi.