Efesios 5:11 - Biblia Guarani Tumpa Iñee

¹¹ Agüɨye etei peñemoïru pɨtumimbi pe yogüɨreko vae reta jembiapo pe, ërei pemboete ikavimbae ko jókuae reta jembiapo vae.

Nuevo Testamento Guaraní Pe

¹¹ Agüɨye etei peñemoiru pɨtumimbi pe yogüɨreco vae reta ndive. Echa jocuae oyapo reta vae mbaeti icavi Tumpa pe. Erei peicuauca icavi mbae vae co jocuae oyapo reta vae.

Efesios 5:11 ပူးပေါင်းရင်းမြစ်များ

GÉNESIS 20:16

Jei Sara pe: —Mase, ko amee mil reare korepoti pegua ndekɨvɨ pe; kuae ko jae ndereepɨ vaerä opaete ndeɨvɨrigua omae ñogüɨnoi nderé vae reta güi, jare opaete pegua, jökorai mbaetɨta kia mbae jei ndekotɨ.

SALMOS 141:5

Jaekavi ko, jupi vae oiporarauka cheve yave, omboeta cheve vae, asaite oñemokäti kavi vae ramita ko cheve, jókuae ngaraa aröɨro, ërei jókuae ikavimbae oyapo vae reta kotɨ tayerure maratu vaerä.

PROVERBIOS 1:10

Cheraɨ, iyoa vae reta oipota ndembotavɨ yave, ¡agüɨye emborɨ katu!

PROVERBIOS 1:31

¡Ërei peiporarata ko jókuae pereko re! ¡Peyombogüeraita peyemongeta reta ikavimbae pe!

PROVERBIOS 13:18

Paraveteta jare oñemomaraita yemboarakuaa güɨröɨro vae; ërei yemboeta oendu vae imboeteata.

PROVERBIOS 15:12

Iporoyóyai yoyaise vae, mbaetɨ oaɨu omboeta chupe vae, mbaetɨ vi oñemoïru, yarakuaa katu vae reta ndive.

PROVERBIOS 19:25

Oporoyóyai yóyai vae iñenupa rupi, yarakuaambae yarakuaa; ërei yarakuaa katu vae pe oye mboeta yave, yarakuaa katu voi.

PROVERBIOS 25:12

Moäka-vera ani mboɨ oro yepeai vae rami ko, oyemboeta yave, yarakuaa vae iñeereendu katu vae pe.

PROVERBIOS 28:4

Tumpa iporookuai güi oyembosɨrɨ vae reta omboete iyoa vae reta, ërei mborookuai oyapo vae reta oyoaka jókuae reta ndive.

PROVERBIOS 29:1

Oyemboeta chupe vae oyembopɨa täta yave, güɨramoiño okañɨteita, mbaetɨta kia oepɨ vae.

ISAÍAS 29:21

ambuae rei omboya reta iparapiti, jókuae ikɨ̈reɨ oyavɨuka oporojäa vae pe vae reta, jare oporombotavɨ reve oikuaku jupi vae kia jekombae güi vae.

JEREMÍAS 15:17

Mbaetɨ añemoïru iyapirai reteiño vae reta ndive; ndembaerä cheapo güive aiko che aeño, echa chemotɨnɨe ndearasɨ pe.

LEVÍTICO 19:17

Agüɨye pepɨa pe pemotareɨ perëtara. Pemboeta perapicha pe, agüɨye vaerä peyemboeko jae ndive iyoa pe.

San Mateo 18:15

Nerëtara iyoa yave ndekotɨ, ekua emboeta chupe kia oikuaambae reve pe aeño pe. Jare jae oyeapɨsaka nderé yave, reï kavita jae ndive.

San Lucas 3:19

Jökorai vi Juan omboeta mburuvicha guasu Herodes pe Herodías jeko pegua. Echa Herodes güɨreko tɨvɨ Felipe jembireko Herodías jee vae. Jare jeta ïru mbaembae ikavimbae oyapogüe re.

Hechos 26:18

reipea vaerä jesa reta, jare oyepoepɨ reta vaerä pɨtumimbi güi tembipe pe jare Satanás imbaepuere güi Tumpa kotɨ. Cheré güɨrovia reta yave Tumpa iñɨ̈rota chupe reta iyoa reta re jare omboresive retata vi imbaerä vae ïru oñeñono tee Tumpa peguarä vae reta ndive.

Romanos 13:12

Pɨare katu yae ma, köe seri ma. Jáeramo agüɨye mo yayapo pɨtumimbi jembiapo. Yayemonde tembiporu tembipe pegua pe.

Romanos 16:17

Añave che pomoñera cherɨvɨ reta, pemae kavi jókuae yemboyao jare oporombogüɨapiuka yemboe pe reta peikuaa vae güi vae reta re, pesɨrɨ chugüi reta.

Romanos 6:21

Echa ¿mbae ikavi vae pa penoi jókuae mbaembae reta añave pemomarai perenoi vae güi? Echa jókuae mbaembae oporogüɨraja mano pe.

Gálatas 6:8

Echa kia oyapo yave isoo jemimbotaño, oarɨvota mano; ërei Espíritu Santo jemimbota oyapo vae, oarɨvota tekove opambae vae.

Efesios 4:22

Jáeramo, agüɨye mo peiko peikose rami. Peeya peyeugüi pereko indechigüe oñemona ikavimbae pe vae, pepɨa jemimbota yembotavɨ pegua.

Efesios 5:12

Echa ñemomarai ko ñanemiari vaerä ave jókuae oyapo vɨari reta vae re.

Efesios 5:7

Jáeramo, agüɨye peyea jókuae nunga reta ndive.

Colosenses 1:12

Peyerovia reve pemee yasoropai yandeRu pe, echa jae omee ma peve penoi vaerä pembaerä opaete ïru oporogüɨrovia vae reta tembipe pegua pe oñemeeta vae.

1 Tesalonicenses 5:7

Echa oke vae reta oke pɨ̈tu yave, jare osavaɨpo vae reta oyembosavaɨpo pɨ̈tu yave;

2 Tesalonicenses 3:14

Jare kia nunga vae mbaetɨ oyapo kuae roikuatía vae pe jei vae yave, pemae kavi jese, agüɨye peñemoïru jae ndive, imara vaerä.

2 Tesalonicenses 3:6

Cherɨvɨ reta, añave poyókuai yandeYa Jesucristo jee re, peyembosɨrɨ vaerä oipotagüe oporogüɨrovia vae oikoiño vae güi, jókuae mbaetɨ oipota oiko mboromboe roikuaauka peve vae re vae.

1 Timoteo 5:20

Mbaetɨ oipota oeya iyoa vae reta pe emboeta opaete vae jóvai, ïru vae reta okɨɨye vaerä vi.

1 Timoteo 5:22

Agüɨye emanorai eyapo mbae kia pe ave, agüɨye eyemoinge teko ambuae pe. Eiko ikɨambae.

1 Timoteo 6:5

Jókuae reta oyoakaiño yarakuaambae reta ndive, mbaetɨ oikuaa añete vae. Oyemongeta Tumpa iparavɨkɨ rupi omongana yae vaerä. Agüɨye eñemoïru jókuae nunga reta ndive.

2 Timoteo 3:5

jupi vae rami yogüɨrekota, ërei ngaraa etei oyekuaa jese jupi vae, agüɨye eñemoïru jókuae nunga reta ndive.

2 Timoteo 4:2

emoërakua avei Tumpa iñee jare eñemoäta ngatu avei, eikuaauka kavi iyoa vae pe iyoa, jare emboeta chupe jese, eporomboarakuaa jare eporomboe ndepɨaguasu reve.

Tito 2:15

Kuae re nemiari, eporomboarakuaa jare emboeta mbaepuere rupi kavi. Agüɨye kia ave tanereröɨro.

Apocalipsis 18:4

Jare aendu ïru ñee ara güi jei: “Peë joko güi, chembae reta, agüɨye vaerä peyapo mbaeyoa reta jae oyapo rami, jare agüɨye vaerä peiporara mbaesusere reta chupe oyeapota vae;