Efesios 4:4 - Biblia Guarani Tumpa Iñee

⁴ metei jeteño, jare metei Espíritu, Tumpa pereenɨi peporoäro vaerä metei ramiño;

Nuevo Testamento Guaraní Pe

⁴ Cristo jete pegua reta meteiño co, jare Espíritu Santo meteiño co. Jae ramiño vi Tumpa peparavo, pearo vaera peyerovia reve metei ramiño.

Efesios 4:4 ပူးပေါင်းရင်းမြစ်များ

SALMOS 122:8

Cherëtara reta jare cheïru reta aaɨu jeko pegua tae: “Mbɨakatu toiko nde ndive.

JEREMÍAS 14:8

Tumpa, Israel iyeroviaka, yavai vae güi orereepɨ avei vae, ¿maera pa oguataiño vaeecha reyeapo kuae tëtaguasu pe, oguataiño vae opɨta metei pɨ̈tu peguaño vae rami?

JEREMÍAS 17:7

Ërei, toyekou jókuae kuimbae güɨrovia katu cheré vae, chereño oyeko vae.

San Mateo 28:19

Jáeramo pekua pemboe opaete tëtaguasu pegua reta cheremimboerä, jare pembobautisa cheRu jee re, cheree re jare Espíritu Santo jee re.

Hechos 15:11

Yande yarovia yayemboasauka ma ko yandeYa Jesús ipɨakavi rupi, jae reta rami.

Romanos 11:29

Echa Tumpa omee chupe reta vae, ngaraa opɨ̈ro ye. Jare oporoenɨi yave, mbaetɨ oipoepɨ.

1 Corintios 10:17

Yepe tëi mbɨyape meteiño jare yande reta jeta, ërei metei jeteño ko, echa jókuae metei mbɨyape güiño opaete vae yau.

1 Corintios 12:20

Ërei yepe tëi jeta mbaembae ñanoi yanderete re, meteiño ko yanderete.

2 Corintios 11:4

Echa pemboresive yave ambuae Jesús re omoërakua vae, ore romoërakua vae güi; jaeramiño vi pemboresive ambuae espíritu, tenonde yave pemboresive ma vae güi; jökoraiño vi pemboresive ambuae ñee ikavi vae, tenonde ma pemboresive vae güi.

Efesios 1:18

Tumpa toesape pearakuaa, peikuaa kavi vaerä mbaerä ra pereenɨi vae jare kërai penoi vi ko mborerekua tuichagüe oporogüɨrovia vae reta ndive vae,

Efesios 2:16

imano rupi kurusu re ombopɨakatu Tumpa ndive mókoi reve metei ramiño; jökorai omboai ñomotareɨ reta.

Efesios 2:18

Echa Cristo rupi mókoi reve yandepuere yaya yandeRu re Espíritu Santo rupi.

Efesios 2:22

Cristo rupi pe reta vi peyeapo metei rami, peiko vaerä Tumpa oikoarä, Espíritu rupi.

Efesios 4:1

Che tembipɨɨ yandeYa re vae, pomoñera peguata kavi vaerä, Tumpa oenɨigüe reta oguata rami kavi:

Efesios 5:30

echa yande ko jae Cristo jete, isoo jare ikägüe reta.

Colosenses 1:5

peäro peï reve Tumpa oñovatu ma peve ara pe vae ramo. Pe reta peikuaa kuae regua, ñee ikavi vae añete vae peendu yave.

Colosenses 3:15

Jare Tumpa ipɨakatu toiko pepɨa pe, echa jaerä Tumpa peparavo peiko vaerä metei jeteño; pemee avei yasoropai Tumpa pe.

2 Tesalonicenses 2:16

YandeYa Jesucristo etei jare yandeRu Tumpa yanderaɨu vae jare yandembopɨakatu avei vae jare ñaäro yayerovia reve ipɨakavi rupi vae,

1 Timoteo 1:1

Che Pablo, Jesucristo jemimondo, Tumpa yandemboasa vae jare yandeYa Jesucristo ñaäro vae iporookuai rupi.

Tito 1:2

jare oäro vaerä oyerovia reve tekove opambae vae. Echa Tumpa iyapumbae vae jókuae güɨrökuavee yandeve ndei ɨvɨ oyeapo mbove.

Tito 2:13

jare ñaäro yayerovia reve yandeRu Tumpa yandemboasa vae Jesucristo ou yeta vae.

Tito 3:7

Jökorai Tumpa oyapo ñanoi vaerä tekove opambae vae, jare jókuae ñaäro ñaï yayerovia reve. Echa Tumpa yandembojupi ipɨakavi rupi.

1 Pedro 1:21

Jare Cristo rupi perovia Tumpa re, echa Tumpa omoingove ye Cristo omanogüe reta ipɨte güi jare omboeteuka, perovia vaerä jare peäro vaerä Tumpa re.

1 Juan 3:3

Jare opaete oäro oï vae reta, oyetɨo avei, echa Cristo ikɨambae ko.